هل يمكن استرجاع قيمة الجمارك إذا خرجت السيارة من مصر ؟
سؤال غريب بس ضرورى
السيارة موديل 2009
أرجو الإفادة ... وكيف إن أمكن؟
هل يمكن استرجاع قيمة الجمارك إذا خرجت السيارة من مصر ؟
سؤال غريب بس ضرورى
السيارة موديل 2009
أرجو الإفادة ... وكيف إن أمكن؟
هو لو ممكن هتبقا معجزة انت عاوز فلوس تدخل خزينة الدولة وتخرج تانى :shyy:
أنت عمرك شوفت أسد بيأكل فريسة و ترجع تاني لحياتها , أنت أكيد بتهزر
يا فندم دا انت لو بترخص وحصل اى غلطه من اى نوع واتضح ان المبلغ اللى انت دفعته فيه زياده
بيقولك هيتم اضافه المبلغ ده على تجديد الترخيص الجاى لكن انسى انك تاخد اى فلوس تانى بعد ما دخلت الخزينه
اظن انه ممكن
لانه فى التصدير يتم استرجاع قيمه ضريبه المبيعات على المنتجات المحليه
بس بالنسبه للسيارات والجمارك الموضوع محتاج خبير
جمارك !؟؟! ترجع ؟؟؟؟
سؤال بس ماتزعلش مني
...انت مصري من زمان و لا مستجد ؟؟!!!
شوف يا سيدي مدام رخصت يبقي خلاااااااااااااااااص الفلوس راحت عليك
لكن لو مرخصتهاش ممكن تعمل اجراءات اعادة تصدير وتطلب استرداد الرسوم الجمركية لكن مينفعش نسترد الضريبة
وبعدين ترفع قضبة بالفرق
ولما ربنا يدينا طولة العمر بردو مش حتاخد الفلوس
اللى يخش جيب السبع ميطلعش ولا بالطبل البلدى
يامان جنابك هتكتب تعهد على نفسك بارجاع العربيه اللى ملكك للبلد لو خرجت ولو ماجتش الحكومه هتقاضيك وتدفعك غرامه الله اعم قيمتها
وانت عاوز تسترد الجمارك
ياجماعه بلاش سخريه الراجل سأل سؤال علشان نساعده...
ولعلمكم اه ممكن يرجع الجمارك وضريبه المبيعات عليها كمان بس بشروط معينه
يعنى لو انطبقت الشروط من حقه
حيث تعتبر السياراه سلعه رأسماليه كباقى السلع ويجوز ان يتم اعاده تصديرها مره اخرى بانطباق شروط إعاده التصدير ورد الرسوم والضرائب
يعنى الوكيل لو عنده شحنه سيارات بها سيارات فيها مشاكل حيقعد السيارات عنده ويقول غطينى وصوتى ياما لا طبعا حيردها للشركه المنتجه ويرد الرسوم..
ولو عايز معلومات اكتر قولى الحاله ايه بالظبط وان شأء الله اساعد
السخرية مش من الاخ اللى سأل السوال ولا من السوأل السخرية من حال البلد
وثانيا الوكيل بيدخل ويخرج عربيات ودى مكان دى مبياخدش فلوس الوكيل بيدخل العربيات كلها بعد الكشف عليها واخد ارقام الشاسيهات والموتور من غير ميدفع ولا مليم وبعد ما يبيع بيدفع ويخلص الجمارك مصالحة متبادلة
بدليل مابتستلم العربيه وبيقعد كام يوم عقبال لما يجى الافراج الجمركى ويرخصلك
اما بالنسبة للسوأل هيقولك
قدام اترخصت خلاص مينفعشى هتخرج بيها يبقى جمرك وهتدفع رسوم وتعهد يكتب عليك انك لازم ترجع بيها تانى
في بلاد شمبونجو .. بيرجعوا الموز للقرود تاني !!!
عمرك سمعت عن حرامي بيرجع الفلوس الي سرقها