مشكلتين في تابلوه اللانوس في يوم واحد

**Samir Elshahawy** · 18-07-2009 01:03 AM

الاخوة الاعضاء ...
أسعد الله صباحكم بكل خير ....

النهاردة و بعد طول غياب قررت أحرك اللانوس و أقضي بيها مشاويري و الحمد لله العربية تمام و زي الفل بس لما جيت أشغل التكييف كان الهواء اللي خارج من الهوايات الامامية ضعيف شوية غير المعتاد , و لما حركت مفتاح السيليكتور لوضع الهوايات (المفتاح الايمن في التابلوه) جه علي وضع الزجاج الامامي و عصلج و كان تقيل و بعدين لاقيت الهواء طالع من هوايات الزجاج فقط و مهما حركت المفتاح علي أي وضع الهوا بيخرج من تهوية الزجاج الامامي فقط

بالليل لاقيت نور التابلوه الخاص بمفاتيح التكييف ضعيف و باهت خاصة المفتاح الايمن اللي حصلت فيه مشكلة الصبح

عموما انا داخل غدا ان شاء الله مركز خدمة لعمل صيانات شاملة بمناسبة مرور 3 أعوام و 60000 كم و ممكن أقول لفني التكييف يشوف الموضوع أيه بالظبط

لو حد عنده فكرة عن الحكاية دي ياريت يقولي علشان انا مش هايجيلي نوم النهاردة ألا لما الوضع يرجع كما كان

**ahmedfra** · 18-07-2009 12:11 PM

المفتاح الى عصلج معاك بيبقى واصل بوير و اغلب الظن الوير اتكسر و حيحتاج يتغير . متقلقش مشكلة بسيطة

**Akram** · 18-07-2009 01:48 PM

المشاركة الأصلية كتبت بواسطة ahmedfra

المفتاح الى عصلج معاك بيبقى واصل بوير و اغلب الظن الوير اتكسر و حيحتاج يتغير . متقلقش مشكلة بسيطة

+1

هما بيبقوا 3 وير و في الغالب هتلاقيهم بيتباعوا طقم واحد ,
انا لقيت الطقم عند ابو الحسن بـ100 ج تقريباً ,
و تغييرهم في 10 دقائق .

**Drift_Lover** · 18-07-2009 02:27 PM

المفتاح الى عصلج معاك بيبقى واصل بوير و اغلب الظن الوير اتكسر و حيحتاج يتغير . متقلقش مشكلة بسيطة

الواير مابيتكسرش. ونادرآ لما بيتقطع.
في الغالب الذراع اللي ماسك الواير هو اللي بيتكسر. (وده بيتفك ويتغير بس ماعرفش لو كان موجود جديد ولا لأ.)

بالليل لاقيت نور التابلوه الخاص بمفاتيح التكييف ضعيف و باهت خاصة المفتاح الايمن اللي حصلت فيه مشكلة الصبح

ماتقلقش النور ده لمبيتين 12 فولت صغيرين زي لمبة الانتظار. بس المشكلة علشان تغيرهم (وفي الأغلب اللي اتحرق عندك لمبة واحده) لازم تفك الوش كله.

**Samir Elshahawy** · 18-07-2009 04:38 PM

المشاركة الأصلية كتبت بواسطة drift_lover

الواير مابيتكسرش. ونادرآ لما بيتقطع.
في الغالب الذراع اللي ماسك الواير هو اللي بيتكسر. (وده بيتفك ويتغير بس ماعرفش لو كان موجود جديد ولا لأ.)

ماتقلقش النور ده لمبيتين 12 فولت صغيرين زي لمبة الانتظار. بس المشكلة علشان تغيرهم (وفي الأغلب اللي اتحرق عندك لمبة واحده) لازم تفك الوش كله.

فعلا أنا روحت مركز الخدمة النهاردة بس كان زحمة جدا و مهندس الصيانة طلب مني أجي بكرة أو أي يوم تاني وسط الاسبوع و لما قولت له علي مشكلة التكييف خلي فني يشوفها ووجد السلك فالت بس فعلا لازم يشيل الوش كله (الوش اللي فيه كنترول التكييف و الكاسيت) بس هو شغل لي الهوايات الامامية من ذراع موجود تحت التابلوه مؤقتا لحد ماأروح له بكرة أن شاء الله