الموضوع: و بعدين مع المشاة , يزنق نفسه في وسط الشارع و يطلعك انت الغلطان

يا اخواني المشاه معزورين حيث لا يوجد اماكن للمشاه علي الطريق للمشي
في اوروبا والدول المتقدمه يوجد مكان للمشاه للسير
ومكان للسيارات ومكان اخر للعجل كل هذا في مكان واحد علي نفس الطريق
ولا توجد اماكن لعبور المشاه علي الطريق
العيب مش في المشاه العيب انه مفيش نظام علي الطريق

السلام عليكم
أعتقد يا جماعة إن المشاركات الساخرة دي لا تدعو للضحك , ومش عاوزين نحمل الناس اللي بتمشي على رجليها فوق طاقتهم لإنهم لا يتحملوا المسئولية بنسبة 100% آه عليهم مسئولية بس مش كلها , والموضوع مش من إمبارح ولا أول دي تراكمات سنين يا جماعة في بلد النظام فيها بيتراجع أمام الفوضى و اللخبطة والمتاهات اللي احنا بقينا عايشين فيها احنا في زمن بقى جنون الحياة هو الي مسيطر , وبقى المبدأ اللي أغلب الناس ماشية بيه هو "اللي يلحق الأول" وده في كل حاجة وعشان كده اللي بيعدي أدامك في الشارع هو ل اللي بيعمله أنه بيطبق المبدأ اللي ما حدش علمهوله زي ما حدش علمهو لنا وإحنا كمان بنطبقه ( آه إحنا اللي راكبين عربيات وبنتريق على اللي ماشيين على رجليهم - وشوفوا كده في أي تقاطع في البلد كلها شوفوا عكة العربيات اللي بتحصل, لأ وإيه كلها عربيات محترمة(موديلات جديدة) وتلاقي الدنيا تقفل ليه ؟؟؟!!! لأن كل واحد عاوز يطبق المبدأ " ألحق الأول" والكلام دى بيحصل في أرقى الأحياء (من مدينة نصر لحد تقاطع طريق جهينة مع طريق 6 أكتوبر ) فا يا جماعة لازم بردوا نحترم أدمية الناس دي خاصة إن إحنا ناس فاهمين , طب حد يقولي فين في القاهرة مكان لعبور المشاه وحد يقولي فين في القاهرة رصيف محترم ومش مشغول سواء بالبياعين أو حواجز شرطة أو أيا كان ......تقدر الناس ديه تمشي عليه بإحترامها وأدميتها , وعشان كده يا جماعة مافيش داعي للسخرية بالشكل ده لإن لازم كلنا نفتكر إن اللي راكب إنهاردة ممكن بكرا يبقى ماشي على رجليه والعكس فألفاظ زي (قطيع من العمال .........وغيرها ما يصحش دول بردو بني ادمين زينا ولا إيه ؟

نظرية المواطن المصري : أعمل أي حاجة عكس الصح. لان لا يصح إلا الخطأ.

سواء بقا المشاة او السواقين كله واخد النظرية دي في حياته....اقربها مثال اول امبارح توكتوك على الدائري بياخد غرز و عادي جدا الحياة حلوة لحد ما كان هيتقلب ونازل يشتم اللي موسعلوش ياخد الغرزة كل دا وانا حاسس اني بتفرج على مسرحية ولاحاجة!

- الصراحه الموضوع ده بتقع مسؤوليته على الجانبين (قائد السياره أو المشاه عامة )............بمعنى .........

1- المفروض لما قائد السياره يلاقى ناس كتير واقفه وعاوزه تعدى .....يقف ويوقف اللى وراه ....على ما الناس تعدى .....ماهو كان فى يوم من الأيام زيهم .....ولا خلاص ....ركب السياره ونسى اللى فات .........

2- فى الجانب المقابل ....المفروض من المشاه ....يطولوا بالهم شويه ....لحين وجود فرصه ....يكون فيها الطريق خالى الى حد ما .....أو الكثافه المروريه تقل شويه ......تسمح لقائد سياره ما بالتوقف ....للسماح لهم بالمرور بدون مشاكل .........

- أذا الموضوع عباره عن نظام وزوق وشياكه وأخلاق وووووووووووووووو.....يعنى معادله متكامله من الجانبين .....

- بس حتقول لمين ..........ومين يسمع ....ومين يقرأ ......ما خلاص ....متقولش كنا وكان ....لأننا للأسف بقينا فى آخر الزمان ......طبعا تعليقى ده تعليق عام .....عن السلوك الصح من الجانبين