الموضوع: و بعدين مع المشاة , يزنق نفسه في وسط الشارع و يطلعك انت الغلطان

المشاركة الأصلية كتبت بواسطة samirayad

- الصراحه الموضوع ده بتقع مسؤوليته على الجانبين (قائد السياره أو المشاه عامة )............بمعنى .........

1- المفروض لما قائد السياره يلاقى ناس كتير واقفه وعاوزه تعدى .....يقف ويوقف اللى وراه ....على ما الناس تعدى .....ماهو كان فى يوم من الأيام زيهم .....ولا خلاص ....ركب السياره ونسى اللى فات .........

طيب لو القصة دى على صلاح سالم او الاوتوستراد؟؟؟؟

الادهى من كدة ان دة بيحصل على بعد امتار من كبارى عبور المشاه - منطقة منشية ناصر على الاوتوستراد - و انفاق عبور المشاة - منطقة ارض المعارض على صلاح سالم... يبقى الناس دى بتستهبل ولا لا؟؟

دا حتى الراجل اللى انا خبطة طلع شغال عامل فى ارض المعارض يعنى اكتر واحد عارف ان الحتة دى فيها نفق و لما يعدى من النفق حيطلع قدام بوابة الشغل... الا انه فضل يبقى فهلوى و يعدى من على الطريق

دا غيل القتيل اللى كان على الكوبرى الكبير اللى بيقطع النيل على الطريق الدائرى... طيب دة بيعدى بعرض الكوبرى اللى فى وسط النيل على الطريق الدائرى ليه؟؟؟ كان بيهبب ايه فى الحتة دى؟؟؟ يعنى لا فيه محطة مكروباص ولا مساكن ولا ارض زراعية ولا اى حاجة.... يعنى من الاخر دة نازل يرمى بلاه على خلق الله

2- فى الجانب المقابل ....المفروض من المشاه ....يطولوا بالهم شويه ....لحين وجود فرصه ....يكون فيها الطريق خالى الى حد ما .....أو الكثافه المروريه تقل شويه ......تسمح لقائد سياره ما بالتوقف ....للسماح لهم بالمرور بدون مشاكل .........

- أذا الموضوع عباره عن نظام وزوق وشياكه وأخلاق وووووووووووووووو.....يعنى معادله متكامله من الجانبين .....

- بس حتقول لمين ..........ومين يسمع ....ومين يقرأ ......ما خلاص ....متقولش كنا وكان ....لأننا للأسف بقينا فى آخر الزمان ......طبعا تعليقى ده تعليق عام .....عن السلوك الصح من الجانبين

انا ححكيلك موقف يوضحلك ان الناس دى بتستهبل..... مرة كنا مطبقين فى الشغل يوم الخميس و مشينا الساعة 6 صباح يوم الجمعة... طبعا مش محتاج اوصف الشوارع كان شكلها ايه فى التوقيت دة.... صحرااااااء

و فى شارع التحرير بباب اللوق و تحديدا عند الجامعة الامريكية نزل واحد من البهوات الى نهر الطريق و جرى بكل ما اوتى من سرعة عشان يعدى من قدام عربيتى و طبعا انا هديت السرعة شوية عشان ميبقاش بوستر على الكابوت و خلص الموقف...

انا الفضول اكلنى و بصيت فى مراية الصالون عشان اعرف الطريق ورايا شكلة ايه لقيت ان مفيش اى عربية ورايا على مرمى البصر لحد ميدان التحرير.... يعنى صاحبنا طلبت معاه الغباوة انة يجرى من قدام العربية الوحيدة اللى ماشية فى الشارع الساعة 6 الصبح بدل ما يعدى من وراها و بامانة لو كان استننانى اعدى و بعد كدة زحف على وشة للرصيف التانى كان حيعدى بدون ما اى عربية تعدى حتى من جنبة... انما تقول اية للغباوة و التخلف اللى فى الناس دى؟؟

من هنا يتضح ان الناس دى مش معذورة ولا حاجة... و هما مش معترفين ان قانون المرور بيتطبع عليهم لانهم مشاه انما قانون المرور دة للعربيات و بس و كل صاحب عربية مسؤل عن استهتار كل واحد ماشى على رجلية و بيرمى بلاه على الناس

انا فكرت اننا نحط صور للناس اللى اتداست بعربيات فى الاماكن اللى بكتر فيها الحواد بسبب رعونة المشاه زى كدةالصور اللى على علب السجاير للتحذير من اضرارها... يمكن لما كل فهلوى يشوف مصيرة حيبقى ايه حيلم نفسة و يعقل كدة و يبطل الهبل اللى كان بيعملة... واذا مبطلش يبقى هو المسؤل عن نفسة بعد كدة

MMamdouh

المشاركة الأصلية كتبت بواسطة samirayad

ياباشا ....أنا بأتكلم كقاعده عامه .....ودول فعلا شواذ......وزى ما أنت عارف (لكل قاعده شواذ ) بس هما أحرار......مش بيقولك ( عقلك فى راسك تعرف خلاصك )....يعنى المفروض الواحد يحكم عقله برضه حسب الظروف اللى بيتحط فيها ....مش أشوف القطار جاى وأروح معدى .....بالذمه ده أسمه كلام .........هههههههههههه

صدقنى يا سمير باشا مبقوش شواذ... دا بقى الناس دى هى الطبيعية دلوقتى

طيب تقول ايه للناس اللى ميحلاش ليها التعدية الا لما اشارة العربيات تفتح؟؟؟ ما الاشارة مقفولة بقالها ساعة و العربيات واقفة.... حليت التعدية و العربيات ماشية؟؟

ولا الناس اللى عايزة تعدى و تلاقيها واقفة على الاسفلت... ما تطلع على الرصيف يا عم انت و هو بدل ما تلبسوا حد مصيبة على الفاضى

الكوميدى بقى بجد محطات الاوتوبيس... تلاقى البشر واقفة على الاسفلت وواكلة حارة و ساعات اتنين من الطريق... فيه محطة على الكورنيش قبل قسم مصر القديمة... دايما الناس واكلة الحارة اليمين من الطريق وواقفين فيها... و طبعا لما بيجى الاوتوبيس بيقف فى الحارة اللى بعدها... و لما الناس تنزل من الاوتوبيس تعدى الشارع (اللى هو كورنيش النيل) من على الاسفلت و تسيب كوبرى عبور المشاه

دى بقت حاجة تقرف بجد

MMamdouh