الموضوع: بليز بليز بليز مساعده ضروري في سعر ابيزا 94

السلام عليكم
شوف يا باشا لو العربية حالتها كويسة فعلا وكمالياتها كاملة يبقي تساوي فعلا من 32 الي 35 بس المهم فعلا تكون حالتها كويسه وبعدين العربية دي موجود ليها كل حاجه استيراد يعني استعمال خارج وكمان الفوانيس اللي قدام ممكن تلاقيها جديدة وتعمل في حدود 300 جنيه الإتنين بس تصنيع تايواني وليس الأصلي بس موضوع ان السيارة موافقة استرادية وجاية من المانيا دي مش فاهما ياريت توضح النقطة دي يعني ايه ... استيراد معاقين ؟ ياريت توضح والعربية كام سيسي لأن الإبيزا 94 كل محركاتها 1300 سيسي كاربيراتور يعني عايزين توضيح اكتر عشان نقدر نفيدك
وربنا يوفقك للخير ان شاء الله بس المهم تكشف عليها كويس عند حد تثق فيه

1- العربية رشة ايه بالضبط ( خوارج بس ولا دواخل وخوارج ) وايه اللي فيها فبريقة
2-حالة المحرك عاملة ايه وهل متسقط ليها موتور ولا لأ وكام سيسي
3- العربية عاملة كام الف كيلو متر
يعني ده من خلاله هنقدر نعرف حالتها العامة ويبقي الكشف الدقيق من احد المراكز الموثوق فيها جيدا
وربنا يوفقك

السلام عليكم

اخي الفاضل بتشكرني علي ايه انا فقط اساعد علي قدر معرفتي وانا وغيري تحت امرك في كل اللي نعرفه
اولا العربية شكلها بيقول انها متبهدلة لأن صاحبها شكله مهمل جدا لكن اعتقد انها علي حسب الصور فبريقة جوه وبعض اجزاء بره وعلي فكرة انت ما رديتش علي أسئلتي اللي قلتلك عليها وما عرفتش هيا عاملة كام الف ولا عرفت هيا رشة ايه بالضبط ولا كام سيسي وشكلها مش 94 دي 98 زي عربيتي لأنها اكصدامات 98 والله اعلم هيا متعدلة ولا لأ ممكن تكون 94 ومتعدلة 98 ياريت تسأل علي الموديل وسنة الصنع كويس وترد علي أسئلتي صح عشان نقدر نفيدك لكن مجملا هيا شكلها بيقول انها متبهدلة بسبب اهمال صاحبها لكن اعتقد هتكون عربية حلوة بعد شوية نظافة وتظبيط و رش بعض الأجزاء برة وكمان جرب كل حاجه فيها كويس وتأكد انها تمام ماكينة وتكييف وكل شيء وربنا يوفقك لما يحبه ويرضاه
بالنسبة للسعر فهي تحديدا تساوي من 30 الي 32 الف بعد ما تكون كل حاجه تمام وزي الفل بس اتأكد الأول من سنة الصنع وكام سيسي
واي خدمه ومعلش بكتب بسرعه وانا مهنج عشان هنام دلوقتي وبكرة ربنا يوفق ونشوفك علي خير