بسم الله الرحمن الرحيم .. الإجابة أوكتافيا
أكيد طبعا هاكون في صف الاوكتافيا لكن مش تحيز عن غير هدى .. صديق و زميل في العمل عنده الميجان .. عربية تحفة .. فيها حاجات كتير جدا تعجب أي حد عاوز يركب عربية بجد .. و توكيلها يعتبر من أفضل التوكيلات في مصر يعني أفضل من توكيل سكودا .. لكن لما سألته أجيب ميجان قالي لأ !!!
قالي لو بتفكر فيها خلي بالك إن قطع الغيار غالية شوية و مش كتير بيعرفوا يشتغلوا فيها + إن قطع الغيار مش معمرة بما يناسب سعرها .. دا كلامه اللي كنت مندهش منه جدا.
في يوم من الأيام كنت فعلا شايف الميجان أفضل إختيار في الفئة دي لما تملكه من إمكانيات لكن بعد بحث شوية وجدت إن فيه إختيارات لا تقل أبدا عن الميجان .. لو حضرتك نزلت الكتالوج بتاع الأوكتافيا من على موقعهم .. هاتعرف أد إيه العربية دي محترمة إلى أبعد حد .. ناهيك عن الإعتمادية و سعر إعادة البيع في مصر.
سكودا عامة .. عربية ألمانية بنكهة تشيكية .. أي جمعت بين تكنولوجيا و جودة الألمان و صلابة التشيك و قوة تحمله.
إتكل على الله و هات أوكتافيا و لو عاوز حاجة بنفس الامكانياتها و بنكهة أسبانية هات ليون أو ألتيا و برضه بتكنولوجيا فولكس.