سؤال عن موديلات بروتون 2010 - واجا

السلام عليكم,

حد عنده فكرة يا جماعة موديلات 2010 بتاعت بروتون (جين-2 و بيرسونا و واجا) نزلت عند الوكيل و لا لأ ؟

و لوكانت نزلت أو حد جاتله معلومات عن طريق مصادره الخاصة ( ها يا أستاذ أيمن واخدلى بالك :) ) ... هل هيبقى فيه فروقات و لا لأ ؟ و هتبقى إيه ؟

أنا الحقيقة بفكر أجيب واجا عشان عاجبانى قوى .... بس قلقان من حكاية قطع غيارها الغالية دى .... أنا محتاج تشجيع الحقيقة يا جماعة ... و غير كده ألحق أحجز ال2009 و لا أستنى ال2010 ؟ - أنا كده كده مش هحجز قبل شهرين

شباب الواجا - نرجو الإفادة (الناس لبعضيها برده) !!

شكرا مقدما على الأجوبة

انت تأمر يا جميل
قولي عاوز تعرف اية وانا تحت امرك انت بس تأسأل ( عىل وزن انت تأشر )
بالنسبة لقط الغيار من حيث الموتور فهي هي قطع غيار الحين2 ووالبيرسونا اما بالنسبة للباقي فهو موجود في التوقيع ويقع عليه نفس المميزات والعيوب

"فهو موجود في التوقيع ويقع عليه نفس المميزات والعيوب"

ده على أساس إن التوقيع ده اللى هو التوكيل و إنت بتدلعه ? D:

طب إنت العربية عاملة معاك إيه ؟

بى إس : على فكرة أنا بعتلك رسالة خاصة ... يا ريت تقراها

موديلا الواجا جميلة وكلاسيكية وفرشها جميل جدا والتبلوه والدركسيون جمال جدا ماشاء الله ربنا يبارك لاصحابها
استنى لما تربو الواجا يخش (((استاذ مهاب))) MohabSaeed وهو هيقولك على المفيد ان شاء الله

يا جماعة انا عايز اجيب جين 2 بس مش عارف احجز فين احسن انا هقسطها بس مش عايز تامين علشان حرام شرعا ...حد يعرف ايه الفرق لو اشتريتها عن طريق كونتكت كار او التوكيل؟

أنا معلوماتى إنك ممكن تقسط مع عبد اللطيف جميل من غير تأمين ب10 % فايدة فى السنة

و التعامل بيبقى معاه على طول ... يعنى مفيش وسيط بينكم

و فيه برنامج تانى من كونتاكت إسلامى و مفيهوش تأمين .... بس أنا معرفش حد جرب التانى ده الصراحة

اقتباس:

---

المشاركة الأصلية كتبت بواسطة ahmadelsaeed

السلام عليكم,

حد عنده فكرة يا جماعة موديلات 2010 بتاعت بروتون (جين-2 و بيرسونا و واجا) نزلت عند الوكيل و لا لأ ؟

و لوكانت نزلت أو حد جاتله معلومات عن طريق مصادره الخاصة ( ها يا أستاذ أيمن واخدلى بالك :) ) ... هل هيبقى فيه فروقات و لا لأ ؟ و هتبقى إيه ؟

أنا الحقيقة بفكر أجيب واجا عشان عاجبانى قوى .... بس قلقان من حكاية قطع غيارها الغالية دى .... أنا محتاج تشجيع الحقيقة يا جماعة ... و غير كده ألحق أحجز ال2009 و لا أستنى ال2010 ؟ - أنا كده كده مش هحجز قبل شهرين

شباب الواجا - نرجو الإفادة (الناس لبعضيها برده) !!

شكرا مقدما على الأجوبة

---

لسه موديلات 2010 منزلتش ... انا سمعت انها حتكون على اخر 9 او 10 ... بس مش متأكد .

بأكدلك ان الواجا او الجين 2 او البيرسونا ... مش حيبقى فيها اى اضافات عن الموديلات الحاليه ...البيرسونا لسه نازله , و الجين 2 و الواجا لسه معمول ليهم فيس ليفت .

بالنسبه للواجا قطع الغيار بالنسبه للموتور و الفتيس هى هى للجين 2 و منتشره بره التوكيل فى المحلات المتخصصه فى بروتون . و بقى فى كام واحد فى الحرفين متخصصين بروتون .

المساعدين الخلفيه اغلبها متوافقه مع الانسر .. مساعدين و مقصات .

المساعدين الاماميه سمعت " لكن مش متأكد " انهم بقو زى الى فى الجين 2 ... مع تغير الموتور ل الكامبرو .. بس الحقيقه المعلومه ديه مش متأكد منها

اى حاجه متوافقه مع الجين 2 او الواجا القديمه .. ان شاء الله حتلاقيها .

الحاجات الى ممكن ماتلاقيهاش دلوقتى الفوانيس الجديد و الكبوت و الاكصدام الامامى .... لان الشكل الجديد من الواجا نزل بقاله فتره قصيره . بس ماتقلقش لما الشكل ده ينتشر شويه حتلاقيها موجوده نتيجه للطلب عليها .


* طلاما كده او كده مش حتشترى دلوقتى .... استنى كمان شهرين و شوف هل حيكون نزل موديل 2010 ولا لا ... بس باكدلك تانى ان مش حيكون فى اى اضافات زياده عن الموديل الحالى .


.... لو عاوز عربيه بثبات عالى و صالون واسع و كماليات ممتازه و سعر اكتر من ممتاز .. و مش فى دماغك انك تركب عربيه زى ما الناس بتركب و حتخليها معاك فتره .. يبقى توكل على الله .

و القرار النهائى ليك .

شكرا جزيلا على الرد المفصل يا أستاذ مهاب

أتمنى إنها تنزل بنفس السعر كمان طالما مفيش حاجات زيادة

أســف عالتاخير فى الرد

الى الان مستر حبيب لم ياتى الى ارض الوطن (او جه ومش بيرد عليا)

انا هتابع معاه واول مااوصل لمعلومات مؤكده ... اكيد هنزلها على طول ان شاء الله

وانا تحت امرك فى اى استفســـــــــــــار

تحيـــــــــــــــــاتـــ ـى

لاء هوا لسه مجاش انا كلمة ا/ محسن النهارده وقال انه لسه مجاش وهيجى الاسبوع الجاى ان شاء الله

كلمت مستر حبيب امبارح ياجدعان

واكدلى انو موديلات 2010 مش هيكون فيها اختلاف عن 2009 والسعر مش هيتغير ان شاء الله

ولما سالته على بدا التسليم فى 2010 قالى مش قبل اخر 9 اول 10.

---
تحيــــــــــــــــــــات ــــــــى