الموضوع: صيانة ال 5 الاف للبيكانتو

المشاركة الأصلية كتبت بواسطة mohammedsamirabdeen

مبروك على الصيانة والازاز وتغيرهم للازاز يعني كده عيب تصنيع زي ما قولت لحضرتك قبل كده وبالنسبة لمدة الصيانة علشان انت رحت متاخر لكن لو كنت بدري كانوا هيخلصوا بدري وعقبال الصيانة الجاية

اولا اشكرك لاهتمامك
بس متهيقلى مش هتفرق لو روحت بدرى الساعة 9 مثلا لانهم ساعتها كانوا هيخلصوا 3 وتبقى نفس فترة الانتظار ولا انت اية رايك؟؟
لانى هروحلهم تانى بعد فترة علشان فى صوت خبط داخل الصالون وقالولى اتعمل ولما مشيت بيها لقيت صوت الخبط لسة موجود ولما رجعتلهم قالولى اننا خلصنا وابقى اروحلهم تانى,,, ربنا يسهل
وانا للاسف مضطر اروح لانها عربية المدام لو عربيتى انا كنت طنشت

المشاركة الأصلية كتبت بواسطة mohammedsamirabdeen

يا باشا المفلروض كنت تجرب قبل ما تمشي ان شاالله تجربها بجوار التوكيل وعلى فكرة حصلت معاي وفضلوا قاعدين لغاية ما خلصوا المشكلة وبعدين يا باشا من مدينة نصر لابو رواش مسافة مش سهلة هو انت فاضيلهوهم !!!!!!!!!شوف فرع القطامية او روكسي اقرب لحضرتك وابقى وافينا الخبط ده كان من ايه لما تتحل ان شاء الله

ما هوة دة اللى حصل, انا جربت ادام التوكيل بس انا اساسا كنت خلصت الساعة 5 وكان كل الناس مشيت,,
هجرب اروح روكسى ولو معرفوش اروح ابو رواش وامرى لله

المشاركة الأصلية كتبت بواسطة a.saad

انا كان عندى صوت خبط زى ما يكون معدن فى معدن بس فى الربع الخلفى اليمين
بيبان اما ازود السرعة
قاللوا انه اتعمل بظبط فى الباب

الصوت عندك منين بالظبط يا غالى

هوة صوت زى ما يكون زجاج فاكك وفعلا مش عارف احدد بالظبط وهوة مبيبنش غير لما امشى على ارض غير مستوية,,فى التوكيل قالوا دى الكنبة الخلفية كانت مش متثبتة وعملناها ,بس دة ماثرش فى حاجة

المشاركة الأصلية كتبت بواسطة yasserwin

هو مش يا جماعة الصيانة دلوقتى بقت 1000 كيلو بعدها 10000 على طول اية بقا خمسة دة ؟؟

متهيقلى بداية من موديلات 2009 الصيانة من الالف الاولى لكن قبل كدة كانت اول صيانة ال 5 الاف.