الموضوع: كباس تكييف التمبرا باظ

استيراد وزي ما تيجي يا صاحبي

المشاركة الأصلية كتبت بواسطة amrbakly

زلاباني صديقي في النحس

اقولك اية يعني ، انا بقي معايا اونو و متركبلها تكييف ساندن برضة

أولها بدأ بأن واحد ابن صرمة فرمل مرة واحدة فريحت علية فطارت مروحة السربنتينة و غيرتها بسبعين جنية استيراد و الكهربائي أخد 20 جنية تركيب

بعدها من شهر كدة التكييف ريح حبتين فرحت شحنتة نص شحنة بخمسين جنية المهم تاني يوم لاقيت الفريون طار و طلع أن الراجل لما كبس وسع الخرم و الفريون كلة طار

المهم روحت لواحد بتاع تكيفات لاقي خرطومين مخرومين، عملت الخرطوم الأولاني بسبعين جنية، و الثاني بـ 45 جنية و شحنت فريون و القصة كلها دخلت في 300 جنية

من عشر ايام كنت في اسكندرية و عينك ما تشوف الا النور لبست في واحد قدامي و طلع لاحقا ان سبب اللبسة كان أن مشط الكهربا بيودع فالعربية نطت و فصلت لوحدها فطار وش الفانوس اللي قدام و معاة مروحة السربنتينة و فوقها خرم في السربنتينة و الفريون طار تاني

بجد مش عارف اعمل اية ملييييييييييييت اخر حاجة من حوار التكييف دة، كل ما أعملة يطلع لي خازوق فية افرح بية اسبوعين و البس تاني

لاحول ولا قوة إلا بالله ربنا يصبرك ويعوض عليك ياباشا
انا بصراحة مش عارف الواحد يعمل ايه
عامة انا صلحت الكمبريسور عند ولد كويس ركبله اويلسيهات وكاوتشات وحاجات كده طقم اصلاح عشان ما يسربش الفريون واشتغل الحمد لله بس يارب يقعد لحد اخر الصيف
اتكلف حوالي 200 جنيه غير الشحن 150 وغيرت اكسبينشن ب 50 جنيه