من فضلك ..قل انك قراتها في نايل موتورز
كتير من الناس تسمع عن صنايعي ..عن تاجر عن وكيل محترم
و يروح يقوله : أنا جايلك على السمع و سمعتك الكويسة
و ناس تانية
زينا كلنا ..
تقرا في المنتدى عن ان المكان الفلاني كويس أو سعره كذا
أو حتى المكان الفلاني وحش أو خدمته رديئة
و لما يحصل حوار في المكان ده عن معلومة ما من دول
صاحبنا يقول : قريتها على النت ....أو ناس معرفة قالولي
ليه ؟؟؟
ليه ماتقولش انك عضو في اكبر منتدى عربيات في مصر
و عرفت المعلومة دي من على المنتدى
و تعرف اللي بيكلمك انك قريت عنه كتير و عارف حكايات و قصص و أخبار العربيات و الخدمات و التوكيلات و الأسعار .....من المنتدى
وقريت عن فلان إنه كويس و فلان وحش ....من المنتدى
الطريقة دي هي أفضل طريقة تخلي لينا وزن
و أنا دايما في أي تعامل يخص السيارات باذكر اني عضو في نايل موتورز
وفيه ناس كتيرة تعرفه
وناس بتتريق عليا (على أساس اني فرفور من بتوع النت)
و اللي ما يعرفش النت ولا المنتدى باحكيله عننا برضه
ولما يعرف انا عارف ايه عن كل الدنيا أو من خلال أي حوار بسيط نتطرق فيه لمعلومات سياراتيه و اقول اني شوفت ده في المنتدى و عرفت دي في المنتدى
بيتولد عند اللي قدامك فضول لمعرفة هذا العالم الملئ بالأخبار و الخبرات
وهوب وتلاقي صاحبك عضو معانا
و هوب يعملك حساب في التعامل القادم لأنه عارف ان كلمتك بيشوفها خمسين ألف بني أدم و أكتر
و يعمل حساب لينا كلنا لأننا أعضاء في أقوى مكان
ماتقولش قريت على النت ...
قول قريت على نايل موتورز