الحاجة الاغرب من كدة يا دكتور ان الاتجاه ده فى الفكر خلا لاعيبة الكورة اكتر من الهم على القلب وممثلين وممثلات الاعلانات والفيديو كليب واللى عندهم استعداد يقدموا اى تنازلات من اى نوع برضه اكتر من الهم على القلب، لكن تعالى النهاردة دور على طبيب متمرس او مهندس شاطر او خبير متمكن فى اى مجال من مجالات العلوم الطبيعية والانسانية هتلاقى ان الشركات بتحفى علشان تلاقى واحد كويس واصبحت موضه خطف الموظفين الاكفاء بين الشركات وبعضها اكثر ضراوة بكثير من موضه خطف اللاعبين فى النوادى
النهاردة وبسبب اتجاه الجميع للعمل فى مجالات التسلية من فن ورياضة اصبح الانسان المؤهل فى المجالات العلمية والتكنولوجية غالى جدا ودخله مش بعيد عن دخل الفنان ولاعب الكرة من نفس المستوى( يعنى مثلا المهندس القديم اللى وصل لمرتبة رئيس شركة كبيرة ، وهو ما يمكن ان نقارنه بلاعب كرة فى الدورى الممتاز باعتبار دول كام واحد فى البلد ودول كام واحد فى البلد، صدقونى دخله لا يقل عن دخل لاعب الكرة او مدرب الكرة، والمهندس اللى بقاله سنتين او تلاتة بيشتغل بكفائة، دخله بالتأكيد افضل من دخل لاعب كرة فى دورى الدرجة الثانية )
بالتأكيد ان الناس اللى بتشتغل فى مجال التسليةentertainment لها دور حيوى فى المجتمع ولا احد يمكن ان يغمطها حقها، كما ان انتاجها يتم تصديره ويعود على البلد بعملات اجنبية بالاضافة الى وضع مصر الاقليمى المتميز فى هذا المجال، لكن ان يتحول المجتمع كله الى entertainers فهذة كارثة، فكما انه لا يقوم مجمتع باطباء ومهندسين ومحامين فقط فانه ايضا لا يمكن ان يقوم مجمتع بالكامل على لاعبى الكرة والمطربين،
بصورة اخرى فان المهندسين والاطباء والخبراء فى العلوم والتكنولوجيا والانسانيات هم الهيكل الخرسانى للمجتمع، اما الentertainers فهم يمثلون التشطيب الذى يزين ويجمل هذا الهيكل الخرسانى الجامد ، لكنهم بكل تأكيد لا يمكن يكونوا هم كل المجتمع او حتى اهم ما فيه
المفضلات