الحمد لله .. خبطة جامدة في سيارتي لانسر 1300

سواق تاكسي دخل في عربيتي من الجانب الأيمن .. الأكصدام الأيمن + الفانوس الأيمن + الرفرف الأيمن عليه العوض فيهم !
تنصحوني بايه علما أني مأمن في الجمعية واللي عرفته انهم مش كويسين
انا ساكن في الأسكندرية

شايفييين المنظر

ملف مرفق 4584

قدر الله وماشاء ان شاء الله ترجع زي الاول واحسن

لو هتمشى مع التأمين أعتقد كان ضرورى تعمل محضر ، أو تبدأ تبلغهم وتعرف المطلوب منك وغالبا هيعطلوك
لو هتصلحها:
الرفرف يستعدل بارد أو ساخن هو ونصيبه ولومافيش منه أمل التايوانى ب 150 جنيه أسود
الفانوس: استيراد ب 600 والتايوانى ب 210 ماركة ديبو
الاكصدام: يستعدل ولو منفعش التايوانى ب 450 جنيه طبق الأصل
الرفرف والاكصدام + مصاريف الرش

شوف ياباشا بما انك مأمن مع الجمعيه الزباله دى فعوضك على الله وروح انت اعمل الشغل اللى فى العربيه بنفسك .. بالنسبه للرفرف انا شايف انه كويس ومفيش فيه اى اضرار اما الحته الصغيره المتنيه فى الكبوت فممكن تتعمل على البارد ومش هتاخد حاجه والفانوس غيره بواحد تايوانى اللى هوا ماركه Debo وهوا زى الاصلى بالضبط مش هتلاقى فرق .... نيجى بقى للاكصدام وهوا ممكن يتصلح عند اى واحد بيلحم فيبر وبعدين يترش الجزء المخبوط بس وكده تكون قللت التكاليف الى الحد الادنى
فانوس ديبو عندنا فى المنصوره يعمل 200 والسمكره 100 وشغل الفيبر 50 والرش 150 كده الاجمالى 500 وان شاء الله ترجع زى الاول

فعلا مش هاتكلف اكتر من 600ج وقدر الله وماشاء فعل
بس المهم علشان مكان الخبطه لما يفك الاكصدام اتاكد من حالة قربه مياه المساحات لانها ورا الخبطه بالظبط وان شاء الله مافيش حاجه واعمل حسابك ان الاكصدام هايترش بالكامل وماترشش اى حاجه تانيه نهائى

انا راى تكلم التامين علشان يعملوا معاينه وبعد كده صلح انت وادفع علشان تستلم العربيه بسرعه وبعدين ابعت الفاتوره للتامين وخليهم يطلعوا الشيك باسمك ويبقى كده معطلتش نفسك ومخسرتش حاجه كل الى فيها ان الشيك حيتاخر عليك شويه

شكرا يا جماعة لرأيكم بس الكابوت اتمعجن واترش ...
ده غلط ؟

التكاليف 4000 جنيه
-اكصدام ب 1250
-فانوس 1000
-بويات وسمكرة 650
-ضريبة الباقي

انت متأكد انك سمكرة ورشيت الكابوت اللى فى الصوره ؟؟؟؟؟؟؟؟؟؟؟؟؟؟
وباردوا متأكد انك غيرت الاكصدام اللى فى الصوره ؟؟؟؟؟؟؟؟؟؟؟؟؟؟؟

الكبوت اللى فى الصورة معووجة فيه الزاوية الأمامية اللى على حرف الشبكة
الاكصدام مقطوع
لكن اعتراضى انك جبت الحاجات من التوكيل بالسعر ده رغم وجود أسعار أقل جدا
ألأف مبروك انها اتردت لكن سؤالى بقى: حضرتك كنت بتسألنا ليه ؟

mohamedezat
أه والله ده اللي حصل
اللي اتسمكر الحتة المعووجة اللي قدام بس عشان مايبقاش فيه فرق لون رشه كله ...
الأكصدام أتغير
ماقلتليش كدة غلط ولا ايه ؟

4000 جنيه فى التعويرة البسيطة دى ؟؟
هى العربية كلها بكام ؟؟

الاخ صاحب الموضوع .. انت استعجلت علشان تخلص الشغل اللى فى العربيه بدون ماتفكر فى ردود الناس اللى ردت فى الموضوع .. يعنى بصراحه حرام قوى 4000 جنيه فى الخبطه دى كنت ممكن تضبط العربيه بمبلغ اقل من كده كتير وتطلع برده كويسه وتوفر باقى المبلغ ..

ياجماعة انا أعتمدت على التأمين ... عشان أنا مأمن عليها

الحمد لله وفداك
بس الواحد بيحاول على قد ما يقدر يحافظ على دهان الفابريقه بتاع العربيه

لان المصريين بيتعقدوا من الرش الخارجى للعربيه

لما عربيتى واحد خبطها من ورا كان شكلها كده

http://www6.0zz0.com/2009/07/22/05/404900215.jpg


ولما عملتها بالمنظر ده كلفتنى بالظبط 1500ج وكنت مستكترهم بصراحه


http://www6.0zz0.com/2009/07/22/05/917752450.jpg

والحمد لله على كل شىء

واهم ما فى الموضوع انك تكون مرتاح نفسيا وماتشيلش فى نفسك من العربيه
ومبروك على التصليح

mohamedezat

ألف شكر يا باشا على أهتمامك...
أنت غيرت الأكصدام ؟
قلي أزاى نعرف لو كان الأكصدام أصلي ولا مضروب

للاسف غيرته وندمت انى ماجبتهوش استيراد وجبته جديد
عيب الجديد لما يتخبط لازم يتكسر
انما الاصلى بيتضغط ويترد تانى من غير مايتكسر

تقدر تعرف انه اصلى ولا لا من سوك الاكصدام واستحاله يكون مطبع على الرفارف لازم يكون فى فرق ولو بسيط جدا والشفه الاخيره بتكون ازيد من الرفرف

حضرتك يا باشا عملت الزايدة الي تحت دي ازاي؟؟

دى كساحه اختارتها من بين اشكال كتير وبتتركب على الاكصدام الاصلى وتاخد معجون من نوع مخصص للفايبر مش العادى بتاع الصاج وتترش ولو حبيت تشيلها بتتشال عادى ويتنظف مكانها وكانها لم توجد