لمن لديه خبره فى مجال الكمبيوتر

الموضوع انى كنت قاعد قدام الكمبيوتر مره واحده الشاشه كدا قعدت تعمل اصوات زى قافله كهربا تكتكه متقطعه بطيئه وبدات تسرع بس البيانات على الشاشه طالعه عادى بس طبعا بتهتز مع الاصوات دى فبسرعه شيلت الفيشه ووديتها لمحل كمبيوتر قالى شويه كدا وبعد شويه قالى دى مبتشتغلش وغالبا مكثف هنغيره ونكشف عالباقى
السؤال بقى هل احسن تتصلح ولا اجيب واحده غيرها
انا قولتله تاخدها بكام قالى بعد ما تدفع تمن تصليحها تبقى 120 مع العلم انى جايبها من فتره ب 750 وهيا نوعها 17art فهل السعر كدا كويس
رشحلى واحده ibm تقريبا 15 قالى 180 دا كويس لو دخلتهم فبعض (قالى استيراد)
اخيرا
ياتارى تمن تصليحها فرنج كام وتستاهل ولا لاء
شكرا

التصليح بالكتير جداً 50 جنية
الإستيراد المستعملة 17" فى حدود 200 جنية و فلات كمان

ريح دماغك وهتلك واحدة جديدة احسن

سعر التصليح بـ 50ج بالكتير

على فكرة سعر التصليح بيفرق من واحد للتاني
و الاحسن انك تشوف حد معرفة
لأنهم هيغلوا عليك موضوع الصيانة و الحاجة ام 20 جنيه هيديهالك ب100 جنيه
و حاول تسأل عند اكتر من واحد على العيب ده
لأن ممكن واحد يكون مشخص العيب غلط

الإستيراد المستعملة الـ 17 بوصة من المعارض اللى بتتعمل في أرض المعارض ما بتعديش الـ 100 - 150 جنيه
أنا مرة جبت واحدة بـ 70 جنيه بس كانت لقطة بصراحة

هوة عموما فعلا التصليح آخره من 20 - 50 جنيه لو الراجل حرامي كمان

أنا شايف إنك تصلحها وتستخدمها عادي ... إيه المشكلة

يا إما تبيعهاله وتخليكفي الجديد الـ lcd بقى هوة دلوقتي مابقاش أغلى كتير

خليك فى جديد احسن

جزاكم الله خيرا
تمام
هجيب جديد فعلا مضمون وافضل ممكن ترشحولى نوع جيد

اسره بعتو يجيبوا كهربائي علشان يصلح التلفزيون
الكهربائي وجد فيشه التلفزيون متشاله راح مرجعها في الحيطه وكتب في الفاتوره 200 جنيه ثمن اعاده خط الطاقه الي التيار الطبيعي

انا كان معايا واحد صاحبي معاه عربيه اوبل وفي مره بدل البطاريه طبعا الكاسيت مرضيش يشتغل روحنا لكهربائي قال سيبو العربيه وتعالو بكره وتاني يوم رحنا لقيناه فاكك الكاسيت وسايبه عنده في المحل وقالنا لازم الكود
والعربيه اصلا جايه مستعمل اتصلنا بصاحبها الاولاني ادالنا الكود ورحنا للكهربائي علشان يصلح الكاسيت تخيلو علشان حط الكود بس عمل ايه
اخد 65 جنيه وقعد يحلف ان ده علشان احنا اصحاب مكان واي حد تاني مش اقل من 120 جنيه
من الاخر شوف حد معرفه الكهربائيه حراميه وتكون بتثق فيه بجد

مول البستان فى باب اللوق مليان محلات صيانة بورد و شاشات و هاردات و كل ما يخص الكمبيوتر.

و لو ناوى تجيب جديد يبقى شوف نوع يكون ضمانه مش أقل من 3 سنوات زى السامسونج و الفيوسونيك
بس المهم تسأل كذا مكان و تحاول مانسيبش الشاشة و تتصلح قدامك بقدر الإمكان