الموضوع: الحاجات دي بتروح فين ؟ محتاج افهم بس !!

المشاركة الأصلية كتبت بواسطة أحمد كمال

يا شيخ ده انا كل ما باشوف الضرايب في ال pay slip كل شهر باتقهر و باحس انها فلوس مرمية في الزبالة لاني مش باخد بيها اي حاجة ........

كلنا هذا الرجل

لسه حالا خلصت قراءة مقال لفاروق جويده في اهرام الجمعة بتاع امبارح وعنوانه " الضمير المصري في محنه" والمقالة بتتكلم عن تكاليف العلاج علي نفقة الدولة و اللي وصلت ل 3.8 مليار جنيه في السنه الأخيرة دي
و للأسف كلها قرارات مضروبة و مصدرها نواب الشعب و الشوري و الراجل بيقول انها اصبحت تجارة رائجة اليومين دول مع المستشفيات الخاصة و طبعا عن طريق علاج و عمليات باهظة التكاليف وهمية و علي الورق بس و الفلوس بياخدوها النواب مع اصحاب المستشفيات الخاصة مع المختصين بوزارة الصحة و بتوع القمسيون الطبي اللي بيقوموا بتحويل الحالات الوهمية دي
و مع اللآسف المرضي الحقيقيين و اللي محتاجين للقرارات دي فعلا مش لاقيين لا علاج و لا يحزنون و بيتعذبوا و في الآخر بيموتوا بسبب طمع و جشع الحرامية اللي مسيطرين علي البلد و جشعهم وصلهم انهم يتاجروا كمان بآلام و امراض الشعب بعد ما طبعا خلاص اتحكموا في قوته اليومي

انتوا متخيلين الرقم دا 3.8 ملياااااااااار جنيه في سنة واحدة ممكن يعمل ايه للشعب الغلبان دا
مستشفيات و طرق و شقق للشباب اللي مش لاقي سكن و وظايف للعاطلين و شوف احنا بقالنا كام سنه بنلم تبرعات لمستشفي سرطان الأطفال و الفلوس اللي كان المفروض تروح فيها بتتسرق ازاي

وللأسف اللي بيعمل كدا هما نواب الشعب و الشوري اللي المفروض اصلا انهم بيمثلوا الشعب و بيراقبوا اداء الحكومة لصالح الشعب !!!!!!



حسبي الله و نعم الوكيل

انا بصراحة مكتئب و عندي حالة من الإحباط من فترة و مش قادر اخرج منها ومش حاسس بطعم اي حاجة و متوتر و حاسس بمراره كبيرة من الداخل و خوف و قلق من المستقبل
كل حاجة غلط في حياتنا
انا كنت في القاهرة و انا راجع كان معايا في الطيارة اجانب كتير و بصراحة كنت بحسدهم علي السعادة اللي هما فيها و علي النظام اللي عايشين فيه وانهم بيستغلوا كل لحظة في حياتهم للإستمتاع بالدنيا
شوف هما بيسافروا مسافات كبيرة ازاي لخارج بلادهم للتعرف علي اماكن تانية و ناس تانية بكل حرية و بلا خوف و لا قلق و مطمنين انهم محميين من حكوماتهم و انهم ليهم كل احترام في مكان يروحوا له

و شوفوا حالنا احنا بقا عامل ازاي في بيوتنا نفسها احنا مش مرتاحيين و لا متهنين في عيشه و لا اكل و لا شرب و لا صحة و لا ترفيه و لا في اي حاجة
حياه كلها نكد في نكد و مشاكل و قرف

ربنا يرحمنا برحمته