ضروري رايكوا في عربيات في حدود 18 الف ...فقط لاغير

السلام عليكم ورحمة الله وبركاته ياخواني ياكرام ....انا عايز اجيب عربيه لاخويا تستحمل مشاوير كتير واحيانا سفر لاسكندريه ..والميزانيه حوالي 18الف جنيه بالضبط من غير اي زياده ...وانا محتار بين كذا عربيه سالت عنها وتقريبا الاسعار في الرينج ده.. منها ...

1-شاريد مو 90-93 هاتشباك ...عربيه 1000 سي سي ويباني ...بس معرفش عنها اي حاجه وهل تستحمل سفر ولا لا ...وايه اخبار قطع غيارها

2- ماروتي مو 2000 -2002 ...800 سي سي

3- مازدا 323 مو 82 ...عربيه اصيله جدا ..ولكن قديمه وخايف من قانون التكهين اللي ممكن يطبق

4- 128 ..مو 88 فيما فوق ...وطبعا ده الاختيار التقليدي..

ياريت تقولولي رايكوا ...واذا كان فيه عربيات تانيه برضه في نفس الفئه دي ...وياريت لو حد يعرف حاجه عن موضوع تكهين العربيات القديمه

الشاريد ....
بجد قوية وناعمة.
و كنت اعرف ناس معاهم شاريد وكانوا بيشكروا فيها جدا عن تحملها و نعومتها في الاستخدام.
بس قطع غيارها ما اعرفش عنها حاجة ... بس اعتقد ان استعمال الخارج بتاعها متوفر.
و اكيد الاخوة الاعضاء هايشاركوا و هايدوا اراء تفيد.
بالتوفيق.....

1- ريجاتا
2- ماروتى
3- 128
4- بيجو 205

اقتباس:

---

المشاركة الأصلية كتبت بواسطة mahmoud saloum

1- ريجاتا
2- ماروتى
3- 128
4- بيجو 205

---

بما انك معاك ماروتي ....هل الماروتي تستحمل مشاوير طويله وسفر (800 سي سي ) والعمر الافتراضي للماتور

بلاش 128 انا و الحمد لله شفت بها اسواء ايام حياتي مع العربيات تقريبا كل اسبوع مره عند الميكانيكي مره عند الكهربائي و خد عندك

عندى صحبى عندوة bmw 318 موديل 79 عربية كويسة بردوة ورخيصة بس مشكليتها قطع الغيار والبنزين وهيا على فكرة 1600 سى سى ...............

اقتباس:

---

المشاركة الأصلية كتبت بواسطة elgabry1977

بلاش 128 انا و الحمد لله شفت بها اسواء ايام حياتي مع العربيات تقريبا كل اسبوع مره عند الميكانيكي مره عند الكهربائي و خد عندك

---

الراجل كلامه مظبوط جدا 128 عربيه حلوه فى المشاوير البسيطه جدا وقطع غيارها رخيصه ولكن لا تتحمل السفر الكتير حتى لو كان حالتها كويسه .

بص انا معرفشى حاجه عن الشاريد بس انا رايي ان الريجاتا احسن من الباقى اللى هما الماروتى وال128 وبتستحمل وبتسافر بس لو حالت موتورها كويسه
و 132 كويسه برضو وفالرنج ده حطلها بنزين 80 وهتبقى كويسه معاك جداااا وهتبقى موفره شويه يعنى وتسافر كتير انا ليا واحد صحبى معاه 132 بيسافر كل يوم بيها 100 كيلو رايح و 100 جى والعربيه تمام معاه

فيات 131 اعرف انها كويسه و بتستحمل و الله اعلم

سيبك من دول كلهم وفكر فى الريتمو...عربية عملية جدا وموفرة فى البنزين
وانضف واحده هتلاقيها ب15000 جنيه
ودا عن رأيى