مساعدة في اختيار الكلية

**أحمد كمال** · 19-07-2009 12:40 PM

المشاركة الأصلية كتبت بواسطة Ezzat-fayek

انا اصلاوي غاوي برمجة من دلوقتي
يعني بعرف اشتغل في حاجات بسيطة
يعني الاحسن اقدم حاسبات قسم علوم حاسب
طيب ممكن اعرف ايه الخيارت المتاحة لل career بعد ما اخلص

خيار طيب و هتحبه ان شاء الله و احسن حاجة انك تدرس و تتخصص و تشتغل و تاكل عيش من حاجة بتحبها مش حاجة مضطر تعملها

هو مفيش قسم قبل تالتة في قاهرة و رابعة في عين شمس

بالنسبة للخيارات فهي كتير جدا

Software Developer/Engineer
System Administrator
Database Administrator
Application Support Specialist

انا شخصيا مشيت في سكة Software Developer ثم System Analyst ثم Senior System Analyst

**أحمد كمال** · 19-07-2009 10:40 PM

المشاركة الأصلية كتبت بواسطة ahmed4000

والله اعلم مع احترامى للجميع طبعا
بس هندسة كومبيوتر اقوى من حاسبات ومعلومات

لو حضرتك بتتكلم في ال Hardware design و ال Computer Engineering و ال Architecture و الكلام ده كله انا مع حضرتك

بس لو بتتكلم في ال Software Engineering انا رأيي يخالف رأيك لسبب بسيط جدا و هو التخصص

طالب حاسبات و معلومات بيتخصص من اول يوم ليه في الكلية في كده و دي ميزة و دراسته متخصصه اكثر

**eng.octooo** · 19-07-2009 11:06 PM

يارب الاعضاء يساعدوك بس اوعي تدخل حاجه علشان السوقوانت مش بتحبها بجد هاتبقي مخنوق

**أحمد كمال** · 19-07-2009 11:41 PM

المشاركة الأصلية كتبت بواسطة TaoTao

عملياً لا وجود لمجال "هندسة البرمجيات" في مصر .. لذا ذابت الفوارق بين مجالي "هندسة البرمجيات" و"تطوير البرمجيات" في سوق العمل داخل مصر . وعشان كدة الفرق في المجال لمن يؤهل نفسه سريعاً ويكتسب خبرات تؤهله للعمل بإحدى لغات البرمجة المشهورة والمطلوبة. لذلك خريج حاسبات ومعلومات له ميزة نسبية بالتخرج سنة مبكراً وبالتالي دخول سوق العمل المبكر وأيضاً كما قال الزميل ak1981 أنهم يدرسون لغات تطوير البرامج بصورة أكثر تخصصاً.
بالمناسبة الـ Software Engineering مجال شديد التعقيد ويتطلب مهارات رياضية وعلمية لا تدرس إلا في كليات الهندسة .. بس مالوش عيش في مصر خريج هندسة الحاسبات سيعمل "مبرمجاً" ولا عزاء لما درس عن الهندسة !

اتفق معاك في كل كلامك و اختلف في نقطة صغيرة بس

ان ال Software Engineering و مهاراته الرياضية و العلمية بتتدرس في كليات الحاسبات و المعلومات باستفاضة شديدة

و على فكرة عكس ما الناس فاهمة طالب حاسبات مش بيدرس شويتين برمجة و يخرج و خلاص

لا فيه اسس علمية و نظرية كتييييييييييير جدا بيدرسها بغض النظر عن التكنولوجيا المستخدمة

و لو عالرياضة و العلوم فطالب حاسبات و معلومات

بيدرس رياضيات (4 مواد)

فيزياء (مادتين)

الاحصاء و الاحتمالات (مادتين)

الكترونيات و تصميم منطقي و Computer Architecture : ثلاث مواد

و غيرها من المواد العلمية و الرياضية الاساسية

المشاركة الأصلية كتبت بواسطة eng.octooo

يارب الاعضاء يساعدوك بس اوعي تدخل حاجه علشان السوقوانت مش بتحبها بجد هاتبقي مخنوق

و انا اوافقك جدا جدا جدا

عامل السوق مهم طبعا يعني ماتروحش تخش معهد كوم امبو العالي المتخصص في دراسة أثار كفر ابو الغيط بقنا

بس برضه

مجال ال IT ما يفلحش فيه الا اللي بيحبه و زي ما قلت

ده مجال ميزة الشغل فيه ان اللي شغالين فيه بيحبوه و عندهم Passion كبير ليه

عكس مجالات كتير

و لو بتكرهه مش هتنفع فيه

عشان كده فعلا يخش ان شاء الله لو بيحبه فعلا