لسه فى ناس بتقول السلام عليكم؟؟؟؟؟؟

**Bob2009** · 19-07-2009 03:48 AM

انا زهقت من الموضوع ده بجد

كل ما حد يجى يسلم دلوقتى يقول (هاى) ارد انا اقله وعليكم السلام ورحمه الله

عاوز بقى اعرف حاجه هل السلام الطبيعى الى هو انا متعود عليه ده بقى حرام ولا بقى قله ادب؟؟؟؟؟

ليه الناس مش بتقول السلام عليكم زى الاول ليه بقى كله يقول هاى مش فاهم هل السلام عليكم دى حاجه مثلا مش قد المقام ولا ايه انا مش فاهم؟؟؟؟؟؟؟؟؟؟؟؟؟؟؟؟؟؟؟

نفسى حد يقولى يمكن يكون السلام ده بقى مش محترم مثلا على شان انا حاسس كده

**AhMeD EzZ** · 19-07-2009 04:03 AM

يا عم انا غلبت مع اصحابي

طب ايش حال اني حطيت فر مرة كول تون ديني في مرة لقيت اصحابي بيتاكدو انهم بيتصلو بيا مش نمرة غلط

**كابوس الليل** · 19-07-2009 04:03 AM

السلام عليكم ورحمة الله وبركاته
بص انا الحمد لله مبسلمش على حد غير بيها
يمكن الناس بيبقوا عايزين يعملوا نفسهم روشين ولا جاحة او يبانوا انهم بيعرفوا انجليزى كويس يعنى
كمان حرام عليك تقول على تحية الاسلام بقت حرام او عيب
كلها ان الناس بدات تعد عن دينها
كمان النت والتطور بيخليهم يتعودوا على hi ديه
السلام عليكم ورحمة الله وبركاته
كمان لو دخلت اى موضوع من مواضيعى حتلاقينى كاتبها
لانها تحفة وجميلة جدا جدا جدا جدا

**Bob2009** · 19-07-2009 04:51 AM

المشاركة الأصلية كتبت بواسطة ezzat-fayek

يا عم انا غلبت مع اصحابي

طب ايش حال اني حطيت فر مرة كول تون ديني في مرة لقيت اصحابي بيتاكدو انهم بيتصلو بيا مش نمرة غلط

فعلان مهو ده الى مخلينى زعلان ايه المشكله او هى فين مش فاهم ليه الناس بقت كده

**Bob2009** · 19-07-2009 05:03 AM

المشاركة الأصلية كتبت بواسطة كبوس الليل

السلام عليكم ورحمة الله وبركاته
بص انا الحمد لله مبسلمش على حد غير بيها
يمكن الناس بيبقوا عايزين يعملوا نفسهم روشين ولا جاحة او يبانوا انهم بيعرفوا انجليزى كويس يعنى
كمان حرام عليك تقول على تحية الاسلام بقت حرام او عيب
كلها ان الناس بدات تعد عن دينها
كمان النت والتطور بيخليهم يتعودوا على hi ديه
السلام عليكم ورحمة الله وبركاته
كمان لو دخلت اى موضوع من مواضيعى حتلاقينى كاتبها
لانها تحفة وجميلة جدا جدا جدا جدا

وعليكم السلام ورحمه الله وبركاته

اخيرا لقيت حد بيعمل زى ما انا بعمل وزى ما المفروض ناس كتير تعمل

ندخول فى الموضوع

1- طيب هل على شان اثبت ان انا روش طحن اقول هاى ولا على شان اثبت انى بعرف لغه كويس اقول هاى ؟؟؟؟؟

موضوع اللغه ده انا مثلا بعرف فرنساوى من الابتدائى على شان كنت فى مدرسه فرنساوى المفروض انى امشى اقول بنجور؟؟؟؟؟ كده ابقى انا فهمت الناس انى بعرف لغه مثلا؟؟؟؟؟ والله الناس بقت غريبه بجد.

2- فعلان انت عندك حق ان حرام اقول كده بس انا اقصد حاجه تانيه خالص ان ليه الناس مش بتقوله والى بيقولها احيانا بيكون مكسوف اوى مش عارف ليه ده الى انا اقصده كذا مره احرج ناس فا الرد بيكون بكسوف اوى معرفش ليه.

3- مش معاك ان الناس بدأت تعد عن دينها انا اعرف ناس كتير قريبه من دينها اوى وبرده بيقولو هاى مش هى دى المشكله اكيد الناس ده بقى الطبيعى عندهم معرفش ليه.

4- التطور عمره ما بيعمل كده طيب ما فيه دول عربيه كتير عندها التطور اكتر من عندنا بمراحل ولسه زى ما هما بيقولو السلام عليكم.

5- اخيرا انا كمان فخور اوى بالسلام عليكم وانا بحب السلام ده اوى على شان انا بحب اقول كده ومش بتكسف ولا حاجه ده الطبيعى بتاعى يعنى الحمد لله.

**magyver** · 19-07-2009 05:40 AM

هما ممكن بيقولوا كدة بينكم وبين بعض اصحااب في بعض يعني
انما لو داخل علي ناس كبيرة هايقلهم هاي بردة؟؟؟؟

**seaman** · 19-07-2009 06:02 AM

وعليكم السلام ورحمه الله وبركاته
لسه فى ناس كتير بتسلم بس يمكن احنا اللى بعدنا حبتين

**Everlasting** · 19-07-2009 07:32 AM

السلام عليكم

**kemo0o** · 19-07-2009 07:53 AM

انا عمري ماقلت هاي ولا باي دول خالص

وانا داخل على الناس - السلام عليكم -
وانا ماشي من عند الناس - السلام عليكم -

غير كده مابردش يعني اصحابي في الجامعة بيقولوا هاي !! ولا بعبرهم خالص وبعمل نفسي ماسمعتش