لو سمحت بطلب من الاعضاء اللى ليهم خبرة فى الموضوع
حصلى فى عربيتى الجديدة بعض الخدوش من حبايبنا اللى على الطريق
فى خدش سطحى وخدش وصل للصاج اعمل فيهم ايه وايه العلاج بتاعهم
عرض للطباعة
لو سمحت بطلب من الاعضاء اللى ليهم خبرة فى الموضوع
حصلى فى عربيتى الجديدة بعض الخدوش من حبايبنا اللى على الطريق
فى خدش سطحى وخدش وصل للصاج اعمل فيهم ايه وايه العلاج بتاعهم
بضم صوتتي لصتوكوا عربيتي متبدهلة اخرها الناهرده
حد ريح عليها وعوج الرفرف شوية وعمل خدش للصاااااااااج
كان فى واحد سمكرى قالى بتروح لبتاع بويات عربيات زى الفرن كدة بتاع رش العربيات وتقوله هات اللون بتاع العربيه
وبعدين تروح دهنها على الخدش وتسبها يومين او تلات لما تنشف وتروح عملها ببوليش هتلقيها زى ماكانت جديدة
هل الكلام دة صحيح والا لا
الخدش السطحى ممكن يروح بالكومباوند بس لو كان خدش سطحى فى لمعان الدهان ومش واصل للصاج
الخدش اللى وصل للصاج لازم رش مش حاجه تانيه
تعايش معاهم احنا بلد كده
وده موضوع انا كنت عامله فى دايهاتسو يارب يفيدك
http://www.nilemotors.net/Nile/showt...E4%DD%D3%E4%E5
قرأت فى أحد المشاركات السابقة منذ فترة أن هناك أقلام دوكو (خصوصا للألوان لأساسية) تخفى الخدوش فهل أحد عنده فكرة عنها (أنواعها و منين و بكام و كيفية استخدامها)
متابع بأهتمام ...
ونفسى الاقى حل للخرابيش و الخدوش
انا المشكلة عربيتى لسه جديدة ومفرحتيش بيها واحد الله يسمحه وانا راكن عند شغلى وحكهالى من عند الباب الخلفى للسوائق والخدش جايب الساج بتاع العربيه
وواحد زميلى قالى مش هينفع معاة الكومباوند
وواحد تانى قالى اشترى البوية نفس لون العربية وادهنها وسيبها تنشف يومين وبعدين بابولش هتروح خالص
فى مش عارف اعمل ايه لان الخدش دة مخلى شكل العربيه عرة اوى
تخيل عربية زيرو لسه وفيها خدش زى دة
عزيزي،
لو لون عربيتك أبيض أو اسود ، هات قلم الدوكو هيكون حل جميل وفعلا اخترااااااع وعلي فكرة هو ب 5 جنيه فقط.
انما لو ربنا رزقك بأي لون تاني يبقي تنسي موضوع القلم لأنك مش هتلاقي نفس درجة اللون تماماً وعن تجربة.
أنا عربيتي لونها كحلي، اشتريت لغاية دلوقتي قلمين ومش لاقي نفس الدرجة خاااالص.
وشكرا.
من قديم الزمان والمعروف عن المصررين القدماء حبهم لفن النحت
ومع تتطور الزمان وندرة الأحجار تحول هذا الفن على السيارات وبينجات الجامعة والأشجار الكورنيش
موضوع ملوش حل غير ان الحكومة تشرع بحب كل من يحاول فعل هذا وتغريمه
انا مش عارف لو شوفت حد بيعمل كدا هعمل فيه ايه ممكن أخده معايا فى الشنطة بتاعت العربية ده بعد الطريحة الطيبة
شكرا للأخ العزيز basemzaki. فعلا أنا عربيتى VW Jetta 2008 Deep balck لسه ما كملتش سنة و واحد(مش قادرة اقول ربنا يسامحه) شوه لى الشنطة الخلفية بكمية خرابيش بشعة الجمعة اللى فاتت فى بورسعيد (أثناء أجازة يومين) و من يومها و أنا مكتئبة بسبب منظر العربية. حضرتك تؤكد ما سمعته سابقا أنها ممتازة مع الأسود بالذات، فعفوا لكمية الأسئلة : من أين اشترى قلم أسود و بكام و هل توجد أنواع مفضلة لدى حضرتك بصفتك مجرب قبل كده. شكرا
في اقلام دوكو ميتالك بس لألوان محدوده زي الدهبي والفضي
وانا شوفتها بتتباع عند بنزينه توتال اللي علي الأوتوستيراد
ولو اللون مش موجود عندك فا دي حاجه سهله
هتجيب قلم دوكو ابيض ب 5 جنيه
وتفته وتفضي اللي فيه وتغسله كويس بثنر
وتروح لبتاع الدوكو يعملك شويه دوكو علي قدك هيملو حوالي 12 جنيه
وتفضي منه شويه في القلم واشتغل بيه
وبأذن الله نتيجه جميله
علي الأقل اجمل من منظر الخرابيش
انا بقي عربيتي فيها كميه خرابش متتعدش وناوي اعمل الموضوع ده
وانا والله العظيم ولا خربوش فيها انا ليه ذنب فيه
كلهم بفعل فاعل
ربنا يرحمنا من الشعب الحقودي ده :dzey:
وانا هجرب الحكايه دي قريب واقولكم علي النتيجه
أقلام الوكو وأقلام الرسم على الزجاج الوان متعددة فى مكتبات سمير وعلى ومكتبات برناسوس ) لكن المشكلة هى الخدوش المستمرة والعربية مركونة متعرفش حصل ازاى الخدش لكن يوجد ناس عدوة للجمال على رأى الأستاذ أنيس منصور - العمال الذين يقطعون الأشجار أولادهم يخربشوا السيارات بالمسامير -
it is really a big problem and very hard to solve. When I bought my car, I was keen on buying a light color as light blue, light green, or so ...... at least to not see the scratches. I think the most affected cars are the ones with dark colors.
Anyway, I am following this topic hoping to find a solution for this disturbing problem.
فعلا الخرابيش دي مشكلة
و تقرف بجد
اعتقد لو الخربوش وصل للصاج يبقى لازم الجزء المتخربش ياخد برايمر عشان يبقى في عزل من المية و بعد كدا الجزء دا يتعمل بنفس لون العربية بقطنة صغيرة او تفضل قلم دوكو وتملاه باللون بتاع عربيتك زي ما الاخوة قالوا
أقلام الدوكو متوفرة في كل المكتبات العادية
هي بتدي منظر أحسن من الخدوش لكن مش بتكون طبيعية زي المنظر الأصلي للون
طيب لو اترش ايه المشكلو يعني؟
و هل حرش حتة كبيرة ولا مكان الخربشة بس
هو احسن حل يبقى فى جهاز انذار بيكهرب اللى يلمس العربية كهربا خفيفة يعنى مش تموت
تحرم اى حد يجى جنبها