الموضوع: عايز أعرف ثبات السيتي cc1500 2006

انا كنت سالت ناس كتير قبلك على السيارة بردوا لانها عجبانى واول ما حقدر اجبها حجبها باذن الله ,, العربية ممتازة جدا ,, وانا عن نفسى سوقت ال1300 سى سى منها وكانت اتوماتيك ومتاجرة من معرض وكانت هايلة جدا فى السحب مع التكيف وكنت سافرت بيها على طريق اسكندرية وكنت مش بزيد فى السرعة عن 120 وكان معايا 4 افراد فىا لسيارة وفيها شنط كتير والتكيف شغال والعربية عاوزة تزيد تانى بس كان فى انذار بيغلس عليه عشان اهدى المهم التكيف بتعها مكنتش بقدر اجيبه اكتر من 2 فى عز الحر والرطوبة ,, ودى كانت تجربتى مع ال1300 اما بقا ال1500,, انا سالت باقى الاعضاء هنا والكل اجمع انها ممتازة جدا سواء اللى لسه معاه العربية او بعها فعلا عربية مظلومة جدا والسبب عشان الناس بتروح تصلح بره عند ناس مش بيفهموا فيها لان العربية ماتورها متطور ومحترم جدااا وبعدين عشان قطع غيارها غالية سنة عن باقى العربيات اللى فى فئتها بس فى حاجة قطع غيارها قطع غيار هوندا ومعمرة جدا ,, والناس بقا اللى بتقولك دى ثباتها ضعيف والكلام ده مش تصدق لانه بيفرق الطريق اللى انت ماشى فيه وسرعة الرياح وحاجات كتيرة اوى ,, يعنى واحد مثلا كان بيحكى وبيقول انه كان ماشى بيها ونزل فى مطب على اليمين وهو على سرعة 160 او اكتر مش فاكر المهم العربية عمل بيها حدثة جامدة وقال ايه مكنش متوقع انها تتفصص كدا على اساس انه راكب دبابة وبيجرى بيها ,, ساعة الجرى الرهيب والجنونى اللى ناس بتحبه بعد 180 مفيش عربية بتكون ثابته وده بسبب الطرق فى مصر لانها مش ثابته ابدا وبعدين لو فى طوبة وانتى بتجرى بسرعة كبيرة لازم العربية تتغربل منك ولقدر الله ممكن تدخل فى حادثة لقدر الله من طوبة ,,المهم ربنا يكفينا شر الطريق .. ال1500 الناس شكروا فيها اوى وفىكماليتها اللى موجودة فيها بس طالما حتجيب العربية دى اتعامل مع التوكيل فى تصليح العربي وصيانتها او بره فى مركز خدمة محترم بيفهم فى الهوندا وطول ما انت ايدك فى اى عربية فى العالم حتى لو 126 يبقا العربي حتشيلك وحتبقا ممتازة معاك ,, وربنا يوفقك فى الاختيار الصح اللى بايدك فيه واتمنى انا كمان انى اجبها باذن الله ولو جبتها قبلى ابقا قولى رايك فيها ,, والله الموفق

انا ركبت ال1300 هوندا سيتى ,عربية كويسة هادية واسعة عيبها ان الكابوت عمرك ماهتشوفة يعنى لازم تكون حافظ ابعاد العربية كويس جدا ,فرامل كويسة مش وحشة ,ثبات العربية حلو بس لحد 150 وبعد كدة بتحس ان العربية بدأت تخف معاك ,ودة عشان ارتفاعها عن الارض,العربية ناعمة فى المطبات مش ناشفة,قطع غيارها غالية ,واغلب الميكانيكية مابيفهموش فيها او مابيحبوش يشتغلوا فيها عشان مساحة الكبوت الصغيرة ,
شنطتها كبيرة ,تكيفها قوى وكعادة هوندا فى كل عربياتها ,تاثير التكيف على الماتور قليل جدا جدا جدا ,انا معايا هوندا وعارف فعلا تكيفاتها عاملة ازاى وسحبها مع التكيف بيبقى عامل ازاى,
العربية جميلة جدا بجانب سعرها الممتاز يعنى ممكن ماتعديش 60 الف جنية ,بس لو تعرف تجيبها 1500 هتبقى احسن خصوصا فى السحب والف مبروك مقدما

هى مانول ولا اتوماتيك وبعدين لو عاملة 25000 كليو تبقا مش مشيت خالص دى لقطة وتحفة وتوكل على الله ومش تنسى وعدك ليه ؟!! المهم زى ما قالولك باقى الاعضاء المحترمين ان اغلب الميكانيكة بره التوكيل مش بيعرفوا يشتغلوا فيها مش عشان كبوتها ضيق لان فى سيارات بردوا كبوتها ضيق زى الياريس والميجان هما مش بيحبوا يشتغلوا فيها عشان ماتورها مش بيفهموا فيه لانه متطور وخاليك مع التوكيل او مركز خدمة بيصلح بره التوكيل يكون محترم , وغير كدا خاليك حريص عليها فى صيانتها اوىىى ودقيق فى مواعيد الصيانة وربنا يوفقك فيها ومش تدى ودانك لاى حد يقولك كانى او مانى على العربية هى سبب عدم انتشارها ان الناس بتستغلى قطع غيارها ومش فاهمين ان قطع الغيار دى قطع غيار هوندااااااااااا المعمرة وبلاش تجرى اكتر من العادى بلاش الجنون اللى بيوصل 180 والكلام ده وربنا يكفيك شر الطريق والف مبروك مقدما وانشاء الله احصلك واقع فى حب هوندا ستى موديل 2006 1500 سى سى اتوماتيك انا كمان هههههههههههههههه