الموضوع: إستفتاء - هل تثق في جودة و إعتمادية سيارات بروتون

[quote=harizy;3872807233]السلام عليكم، يا جماعة أنا شايف أن الاستفتاء كده ناقص يعنى يجب أن يدخل فيه تقييم التوكيل لأنه لا يمكن فصل العربية عن التوكيل ذلك أنه من المعروف أن العربية توكيل وليس العكس، يعنى لو العربية تعبانة والتوكيل شديد تبقى العربية كويسة وتعمل شغل والعكس بالعكس.
عموماً أنا حاسس من اللى قرأته أن العربية دى عاملة زى البنت الكويسة اللى كل ما حد يتقدم ليها يهرب عشان أهلها (التوكيل) ناس مش كويسين يعنى ممكن يفضحوك بدل ما يسندوك، وده عيب خطير جداً جداً

يباشا انا عمال اجرى وراك فى التوبيكات وانت بتكتب نفس الكلام اكتب فى توبيك واحد واستنى شوف الناس حترد تقول اية عموما انا حاسس بحيرتك وياريت تراجع ردى اللى لسة ردة عليك فى توبيك سابق وشوف انا قلتلك على التوكيل فية اية
وعلى فكرة تانى مرة اهل العروسة ناس كويسين ومن عيلة محترمة ومحافظة واحسن من عائلات بنات كتير زى (عيلة الحج منصور واخوة الحج غبور )اللى الخطاب والعرسان كتبوا على باب بيتهم على بناتهم (تغور من وش غبور وتغور من وش منصور :) )
تحياتى

سعادة الباشا أنا أسف أنى خليتك تجرى وارى بس أنا شايف أنك لم تدافع عن التوكيل وحاسس من كلامك أن برده التوكيل سئ لكنه أقل سوء من توكيلات ثانية أو من عائلات أخرى مش مربية بناتها كويس، يعنى برضه فيه اتفاق ضمنى على أن التوكيل ما يشرفش وممكن يعمل مشاكل فى أوقات حاسمة.
بصراحة أنا رحت توكيل نيسان اللى فى الدراسة عشان صيانة 1000 ك، 5000ك، المعاملة هناك حاجة تشرف وتشرح القلب، صالة انتظار نظيفة، وكمان يوزعوا مشاريب ببلاش تصدق، يعنى لا بيت العز يا بيتنا، ولا الحاج غبور، ولا منصور بيه، فعلاً الحركة دى خلت الواحد يبعد تماماً عن تلك السيارة ممكن اتفرج عليها فى الشارع أو على النت إنما اشتريها وادفع فيها فلوس أكيد لالالالالالالالالالالالال الالالالالالالالالالالالا لالا. وشاكر اهتمامك وأسف على جريك وراى. تقبل تحياتى