الموضوع: إستفتاء - هل تثق في جودة و إعتمادية سيارات بروتون

لأ هيونداي فعلآ بتنتنج سيارات هجينة و كمان واخدة مراكز متقدمة و الدليل اللينك ده
http://arabic.cnn.com/2006/auto/10/1...rid/index.html
و اكيد قراتوا فيه الكلام ده
وبالنسبة للسيارات العشر الهجينة الأكثر اقتصاداً بالوقود، كان هناك خمس سيارات من إنتاج شركة تويوتا، فيما كان هناك طرازان من كل من هوندا وفورد، بينما ظهر طراز واحد من شركة هيونداي.

الفكرة في التقييمات إن سيارات هيونداي بتتحط كتفا بكتف مع مثيلاتها اليابانية و طبعا كل موقع بيختار من وجهة نظره
زي المقارنة دي للإلنترا مع السيفيك و النيسان
http://www.motortrend.com/roadtests/...nda_civic.html

و زي المقارنة دي برده للإلنترا من car&drive
http://www.caranddriver.com/comparis...entra-20s.html

شوفتوا قلة أدبهم و وقاحتهم في المقارنة التانية مختارين الإلنترا في المركز الرابع قبل الكورولا و النيسان :?: :?:

الله أنا فعلآ مش فاهمه إزاي في خلال كام سنة يوصلوا لكده ، لو كل ده من المهندس اللي سرقوه من تويوتا يبقي لازم نلم من بعض و نجيب المهندس ده شركة النصر :D :D :D


طبعا كل كلام النت و المواقع و المستقبل علي عيني و علي راسي بس في النهاية الجوائز لا تعني شئ و السمعة هيا كل شئ و حتي الآن سمعة سيارات هيونداي لا تقارن بسمعة السيارات اليابانية مش في مصر بس في كل العالم حتي الآن شوف كام عربية كورولا أو سيفيك موديلات أوائل التسعينات و قارن حالتها بسيارة اكسيل لكن استني خمس سنين لما الأجيال الجديدة من سيارات هيونداي هتثبت نفسها و لا لأ بإختصار طبعا لو عربية ياباني بنفس إمكانيات عربية هيونداي و بنفس السعر حاليا عالطول اشتري الياباني عشان أنا اللي هادفع الفلوس مش مواقع الإنترنت ممكن بعد خمس سنين الفكرة دي تتغير

بس إحنا في مصر البرستيج في مصر يفرق معانا أوي بإختصار ممكن حد يقولي ليه مفيش عربية ياباني فاخرة بتتباع في مصر رغم إن اللكزس هيا الأولي في كل العالم ،، عشان إحنا المرسيدس و البي إم هما الحلم بالنسبة لنا و مفيش عربية ياباني بعد 150 ألف حد بيشتريها عشان عاطول بيفضل أوروبي و تكتسح بقه الأوكتافيا و الباسات و الفئة الثالثة
محدهش يرضي يدفع اكتر من كده في عربية ياباني اسيوي

يا م/ أبو عبد الرحمن في نقطة سياسية حضرتك مش واخد بالك منها ،، كوريا الجنوبية و اليابان ،، ذيل أمريكا و اسواق أمريكا مفتوحة ليها و أمريكا ليها قواعد عسكرية و مصالح مشتركة مع البلدين و ده بيخلي هيونداي مثلآ موجودة في أمريكا من سنة ثمانين بما يعنيه ذلك من خبرات و مبيعات هائلة عشان أكبر سوق في العالم مينفعش تتوقع نفس النجاح من شركة من ماليزيا الإسلامية اللي رئيس وزرائها كل شوية يخبط في الحلل

و انا بتكلم عن شركات مش عن عربيات يعني إحتمال كبير جدا عربيات بروتون تبقي أفضل فعلآ من الهيونداي عشان المبيعات و الجوائز و الإنتشار مش كل حاجة
بس حضرتك دايما تقول لا وجه للمقارنة ،،،، فرق كبيرررررررررر
بتحسسني إنك بتقارن بورش ب 128 معدلة :D

في نقطة برده احب اضيفها اتوقعها للمستقبل في مصر
الياباني اسعاره بقي مبالغ فيها جدا و اعتقد جزء كبير فرق اسم مش فرق جودة بس
هيونداي و كيا اسعارها برده عمالة تزيد و غبور بيتحايل علي الحكاية دي بإنه بينفض العربيات من الأوبشنز عشان متبقاش اسعاره متقاربة مع اسعار الياباني
فاعتقد إن المستقبل هيبقي لشيفروليه الكوري
و البروتون لو توكيلها طور نفسه في الدعاية و زودوا رنج الموديلات المتاحة و وفر قطع الغيار و حافظ علي أسعاره معقولة
و ممكن لو ماركة صيني اثبتت كفاءة
و اديكوا شايفين نتيجة الإستفتاء في صالح بروتون

يا أحمد يا أخويا ما أنا قلت دى وجهة نظرى و غير ملزمة للآخرين بس طبعا مش بورش و 128 إنت غلطان فى دى هيا بوجاتى و سيات 133

:mrgreen: :mrgreen: :mrgreen: :mrgreen:

علي فكرة أنا مؤيد لوجهة نظرك دي كأداء و عن تجربة
بس الشكل و الصيانة و إعادة البيع حاجة مهمة برده
و اللي عايز اقولك عليه بس مكسوف لحسن اضرب في المنتدي إني لما سوقت الواجا حسيتها أفضل من عربيات ياباني كتير سوقتها اغلي منها مش مجاملة والله ، بس برضه وجهة نظري الشخصية بالذات بالنسبة للثبات

كام سؤال كدة ؟؟؟؟
بس كلة في حدود السعر!!!!!!!!!!!

1 هات عربية في مصر شركة زي لوتس مشتريها ؟
2 هات عربية في مصر حققت كل المبيعات دي في الوقت دة
مع التوكيل الضعيف دة (من غير اعلانات كتير ) ؟
بالرغم من ان كل الناس عارفة عيوبها قبل ما تستريها ؟
3 هل حد كان متوقع ان بروتون اللي منزلتش غير ويرا بس
سنة 95 تنزل موديلين بالجمال دة ؟
4 هل شركة عملت كدة مش حتقدر ان تصحح اخطائها ؟
5 هات اي شركة تانية اول بدايتها كانا العربييتن بالقوة اللي فيها الجين 2 والواجا
باستثناء الوير لانها نسخة بطة ؟
6 هات اس شركة تقريبا بيجي الناس بتوعها من برة كل فترة كتير كدة
زي بروتون ؟
7
هات عربية ب 90 الف
اتوماتيك
كاملة بالاوبشن دي (بلاش الصين)
والاهم
الصاج كدة
والعفشة كدة
والثبات كدة


==================
1 تقفيل سيئ
2 quality control وحش

والعيب علي التوكيل كمان
اللي بيكروت ال
P.D.I
واهم حاجة يبيع وبعد كدة
يظبط

اقتباس:

مش احسن من الياباني بس افضل في الشكل كتيير


يا راجل لأ كده أنت دخلت الهوندا و المازدا و السوبارو و انفنيتي و الليكزس
ده كلام مش منطقي

علي فكرة انا كلامي كلة منطقي
وكل كلامي في حدود الفئة السعرية
اية علاقة
العمالقة اللي انت ذكرتهم دوول
:mrgreen: