انا شارى السيارة نوبيرا 2001 -عاملة 76000 ك والكاوتش بتاعها بتاع السيارة وهى زيرو -فسالت واحد فى البنزينة بتاع كاوتش - قالى كاوتش الفابريكة يعمل لحد 90000ك ياترى كلامة صح ولا لازم اغير الكاوتش ( الكاوتش الى راكب من نوع راديال وحالتة كويسة )
عرض للطباعة
انا شارى السيارة نوبيرا 2001 -عاملة 76000 ك والكاوتش بتاعها بتاع السيارة وهى زيرو -فسالت واحد فى البنزينة بتاع كاوتش - قالى كاوتش الفابريكة يعمل لحد 90000ك ياترى كلامة صح ولا لازم اغير الكاوتش ( الكاوتش الى راكب من نوع راديال وحالتة كويسة )
صعب أوي أن يكون كاوتش السيارة ويعمل 76000كم ويكون لسه في نفس . هو لسة تيوبلس مش كده.خلي بالك الفردة التيوبلس بتبداء تشتكس من 40000-50000 إنما 90000 مفروض تكون الفردة ميته موت إكلينيكي...
معهلش اما معرفش بالظبط هو الكاوتش مشى كام كيلو اعرف ازاى ان الكاوتش عايز يتغير وشكرا على الرد( لان السيارة انا ثالث يد واللى قبلى مش عارق اتغيرت ولا لا )
الكاوتش بيتغير علي 50000 كم - اكشف عليه علشان تعرف حالته
دة كاوتش حديد والاايه.............أكبر كاوتش يعد في بلدنا المحروسة بكتيرةمن 40-50الف كم ده لو سلم من المسامير وعيون القطط وبعدين الكاوتش ليه عمر من تاريخ انتاجة حتي لو ما اشتغلش بيفقد صلاحيته
90 الف كيلو؟؟؟ دا على اساس ان الكاوتش مصنوع من الحديد المسلح
الكاوتش بيعيش 40 الف او 6 سنوات من تاريخ الانتاج
نصيحتى ليك انك تغير الكاوتش و تشترى دماغك... اه هى مكلفة و حتوجع الجيب شوية لكن لاحظ ان كل حاجة فى العربية من فرامل و دركسيون و خلافة بتتعامل مع الطريق من خلال الكاوتش
اذا لو فردة ضربت لا قدر الله حيبقى الموقف مش لطيف و ممكن ينتهى بحادث لا قدر الله يخسرك عربيتك او يصيبك انت او حد من عيلتك باذى... و اكيد ارواح الناس دى و روحك انت شخصيا اغلى من مليون طقم كاوتش
MMamdouh
شكرا على النصيحة -بس انا عايز اتاكد من صلاحية الكاوتش من عدمها قبل ما اغير الكاوتش -شكرا
الكاوتش دة عايز غرفة الاعدام طبعا
76 الف كيلو يعنى 36 الف ازيد من المقرر... يعنى بعد 4 الاف كمان يبقى مشى ضعف المسافة
كاوتش الفابريكة لعربية 2001 يعنى اقل واجب الكاوتش دة عندة 8 سنوات... يعنى سنتين زيادة عن المقرر
صحيح النهارة كاوتشك شكلة حلو و شغال لكن العملية مش بالشكل... اصل الفرق بين الكاوتش السليم و الكاوتش اللى صلاحيتة انتهت مش مجرد هيئتة العامة لكن مدى اجهاد البنية الداخلية للاطار و دى مش حتبان باى فحص بالنظر... و الحالة الوحيدة اللى تاكد اذا كان الاطار مجهد ولا لا هى ان الاطار ينفجر على سرععة عالية و طبعا دى كارثة
اعتبر تغيير الكاوتش زى تغيير سير الكاتينة... احنا بنغير السير عند كيلومترات معينة اتقاء شر انقطاعة... و الكاوتش بيتغير عند كيلومترات معينة اتقاء لشر انفجارة... دى زى دى
صحيح فرق التكلفة اكبر بكتير بين سير الكاتينة و الكاوتش لكن الفرق بين حياه موتورك و حياتك انت شخصيا اكبر بمرااااااااااحل
MMamdouh
وكمان الكاوتش القديم بتبيعه من 50 جنيه وانت طالع
MMamdouh
بارك الله فيك كلامك تمام التمام
انا مش بعترف بكاوتش النوبيرا الجديد دة...انا لما جبت العربيه ...معاها كاتوش بيريلى...ومفيش اسبوع لايت حته مقطوعه منه كدة ومضايقانى الحقيقه وخايف لايحصل حاجة...بس للاسف مش جاهز انى اغيرها دلوقتى...
انت عملت زى - الكاوتش بريلى رحت لبتاع الكاوتش قلت له شوف الكاوتش ده ايه اللى قطعه - ضحك وقال الكاوتش ده جديد وده زى رايش وزوايد بتروح مع المشى - اوعى حد يضحك عليك ويخليك تغيره
تاريخ الانتاج بيكون مكتوب علي الكاوتش