عرض للطباعة
اخواتى فى المنتدى عندى مشكله بسيطه تتلخص فى انى عندى ساعه يابانى وهى ماركه معروفه فيها اوبشن كتير غير انها مصنوعه بالكامل من معدن التيتانيوم مش حاقول على اسمها علشان ميكونش اعلان او مخالفه لقواعد المنتدى المهم الساعه غاليه ماديا وكمان معنويا لانى بحبها جدا وبعدين اللى حصل انها اتخبطت منى وعطلت ومش عارف اصلحها فين علما انه اتضح انه لايوجد وكيل لها فى مصر او مش لاقيه عايز حد يكون كويس وبيفهم فى الساعات علشان اصلحها عنده لانى خايف اوديها لاى حد يخربها ارجو الافاده .
بص انا معرفش حد بس اقدر افيدك انك تخلى بالك قوى مادام الساعة قيمه كده و حاول قبل ما تديها لحد تصورها من جوه لانى مرة وديت ساعة ماركة تتصلح و بالصدفة فتحتها لقيت الراجل الحرامى مغير الماكنة كلها بمكنة تانية.......
هو لو قلت نوع الساعة دا يعتبر إعلان؟؟اقتباس:
المشاركة الأصلية كتبت بواسطة ايهاب سمير
لو عرفنا نوعها هانقدر نساعدك اكتر
وعموما بتوع الساعات الأساتذة كلهم والتوكيلات في العتبة..
روح توكيل لساعات روليكس او اى نوع نضيف وخلىهم يصلحوهالك حتى لو بفلوس زيادة او خد رقم واحد فنى من هناك وخلية يصلحهالك بعيد عن التوكيل
ممكن حضرتك بردوا في واحد في روكسي اسمه دبيكوا قبل ابوحيضر بشويه و انت جاي من ناحيه العبودي
الراجل دا كويس و بيفهم اوي ممكن تروحله و تشوف ممكن هو بفيدك ازاي و هو لو مش عارف يصلحها حيقولك دي انا مش هاعرف اصلحها و ممكن يوصفلك واحد تاني بيفهم فيهم بس اهم حاجه لو اي حد هايصلحها يصلحها قدامك علشان مايبدل منها حاجات للحرص فقط
انا يا باشا كان معايا ساعة casio g_shock وديت الساعة تغير حجر ويبص عليها ولقيته بيقول الساعة دى لازم تروح التوكيل فانا افضل انك تروح أى توكيل أحسن من اى محل
هاتلك طقم مفكات وافتحها وشوف لو الحجر اتحرك من مكانه في كل الاحوال الساعه حتروح تتصلح فمش حتفرق لو انت فتحتها الاول بالعكس يمكن تفرق بانها تشتغل انا كان ليا موضوع مع توكيل رادو وديتلهم ساعه يتغيرلها حجر لقيتهم بيعملولي حوالي تافه ان الحجر الليثيوم ملح وبوظ اللساعه وحتتكلف 175 جنيه روحت فاككها انا ومغيرلها حجر ب7 جنيه وشغاله زي الفل بس طبعا سيحتلهم في الشركه الام انهم حمير ومش بيفهموا
شكرا يا جماعه على الاهتمام ده الحقيقه الساعه نوعها (كوانتم) quantum لو فيه حد يعرف توكيلها فى مصر يقولى وانا حاشوف الناس بتوع العتبه او الراجل بتاع روكسى وربنا يستر بس انا فتحتها بنفسى وشوفت الماكينه بنتاعتها وحفظتها وعرفتها كويس بس ما حاولتش العب فيها وتانى انا متشكر جدا للاهتمام هو ده العشم فى اصدقاء نايل موتورز