الموضوع: لانوس اتوماتيك فصلت كهرباء

النهاردة واحد صاحبي كلمني وقالي العربية عطلت مني
وهو ماشي مكنتش بتجيب اكتر من 60 وفجاة بدات تقل سرعتها لحد ما بطلت وحلفت ما تدور تاني ومكنش فيها مياه خالص
هي لانوس 2 مو 2000 اتوماتيك وطبعا انا مفهمش فيهم اوي وخصوصا الاتوماتيك
بالصدفة كان معايا نمرة م/سمير الشهاوي اتكلمنا مع بعض شوية ووصلنا ان فيه حاجة في الكهرباء او حاجة حصلت لما العربية سخنت
كلمت محمد ممدوح باشا وفكر معايا شوية
هي كانت بتعمل تكة واحدة مع الكونتاكت ومفيش اي حاجة وجربنا النور والكلكس شغالين

محمد قالي شغل النور العالي واضرب كلاكس لو صوت الكلاكس اتغير تبقي البطارية
وفعلا جربت وصوت الكلاكس اتغير
وبكده كانت عايزة وصلة لبطارية تانية
طبعا النهاردة الاحد وكنا في صحراء وملقناش حد معاه وصلة خالص
كان فيه راجل كبير معاه عربية بيصلح كاوتش سالناه علي وصلة ومكنش معاه
فيييييييين لما لاقانا محتاسين اوي فكلنا البطارية بتاعته وعمل حاجة بصراحة مكنتش اعرفها قبل كده

قلتله طيب لما تدورها ببطاريتك هناخد البطارية ونمشي يعني
قالنا لا بس استني وانت تشوف
فكينا القواشيط ووصلنا بطاريته والحمد لله العربية دارت
وقالي امسك بكرة البنزين وخلي العربية عالية اكني دايس بنزين
وقال لصاحبي انا هفك البطارية وانت تجيب البطارية بتاعتك بسرعة
وفعلا فضلت ماسك البكرة وهو فك البطارية وصاحبي جاب بطاريته ووصلها وكل ده والعربية مفصلتش
بصراحة انا مكنتش اعرف ان لما تزود بنزين وتشيل البطارية خالص العربية متبطلش

بس الحمد لله دي معلومة جديدة ليا وكل يوم لينا في الدنيا بعلم جديد

اللهم ارزقنا علما نافعا ورزقا طيبا وعملا متقبلا

وشكرا لممدوح باشا علي مساعدته وكمان سمير باشا اللي اطمن علينا بعد ما خلصنا


صحيح افتكرت حاجة: العربية دي فيها لمبة غريبة يمين التابلوه مش عندي
لمبة pwr جنب لمبة الزيت حد شاف اللمبة دي قبل كده
كانت بتشتغل مع الكونتكت لما كانت مبتدورش وبعدين تطفي

وحاجة تانية الكبوت عندو فيه صباع زي صباع اللي بيدي اشارة لما الباب يبقي مفتوح مش عارف بردو هل ده فعلا عمله