الموضوع: صوت احتكاك و دربكه غريبه

السلام عليكم ..

عندى مشكله غريبه حصلتلى النهارده و انا جاى من السفر يا جماعه .. بعد مامشيت شويه بدئت اسمع صوت دربكه و احتكاك جاى من الجنب اليمين الى قدام . و لما ادوس فرامل الصوت يروح . بحس زى ميكون فى حاجه سايبه بتخبط فى حاجه تانيه .. قولت جايز مسامير الفرده اليمين مش مربوطه كويس نزلت اشوفها لقتها مربوطه كويس . و طبعا ملقتش ولا ميكانيكى ولا عفشجى فاتح طول الطريق من اسكندريه للقاهره .. سالت واحد سواق عربيه نقل و انا فى الريست قالى هتلاقى تيل الفرامل اتاكل جامد فبيخبط فى الطنبوره قالى متخافش منها و لما توصل ابقى غيره . هل الكلام ده صح و لا ايه يا جماعه ؟؟؟ ولا اروح لعفشجى يشوف ايه النظام ..

الحمد لله المشكلة اتحلت ..... رحت لميكانيكي قالى فعلا ماستر الفرامل فيه مشكله بس مش بيقفش . بس لقينا المسامير الى بتمسك الماستر هى تقريبا الفتحه الى هى بتتعشق فيها وسعت ولا ايه مش عارف . المهم قالى حاجه من الاتنين يا اما تروح لخراط يعملك جلب ليهم او تجيب ماستر كامل استيراد خارج . قولتلو يعنى معندكش حل تانى قالى لا .. سيبتو و روحت لبتاع عفشه شافها قام حاطتلى خرطوم كاوتش كده صغير فى الحته الى بتتعشق فى الماستر و يتربط عليها المسمار .. عملى اتنين فوق و تحت و بقت زى الفل الحمد لله و الصوت راح تماما .... و الموضوع كله اتكلف 10 جنيه ...