ايه يا جماعة ده كله
انا متوقعتش ان الموضوع كبير اوي كده
وبعدين ايه العمل انا في القاهرة دلوقتي
ايه احسن حل دلوني ؟
عرض للطباعة
ايه يا جماعة ده كله
انا متوقعتش ان الموضوع كبير اوي كده
وبعدين ايه العمل انا في القاهرة دلوقتي
ايه احسن حل دلوني ؟
ان شاء الله هتعدى على خير بس روح للمرور بسرعة وحاول تخلصها بشكل ودى
طبعا حضرتك نورت اسكندرية
ولاني من اسكندرية فعارف ان الحتة دي ممنوووووووووووووووووووووو ووووووووووعة منعا باتا
لانها اولا اتجاه واحد والطريق ضيق جدا وحيوي علشان المول وكمان المبني اللي كان قدامه البوكس ده قسم الشرطة نفسه
واللي علي يمينك دي محطة الترام وطبعا ممنوع الوقوف هناك وفي يافطة في اول الطريق لما بتاخد شمال وانت طالع من طريق الكورنيش وواحدة تانية امام القسم
لكن طبعا كونك ضيف علي اسكندرية ليك عذرك وكان واجب عليك تاخد الموضوع بالحسني خصوصا ان في ظباط كتير عندهم حساسية شديدة من الحركات دي
المهم سيبك من اللي فات
وهصل خير ان شاء الله
انا لو مكانك حستني اسبوع واروح اطلع شهادة مخالفات
وساعتها كله حيبان
وان شاء الله ميكنش في مشكلة ابدا
خصوصا ان مفيش تلبس ومش حيقدر بثبتها عليك
وبالكتير لو عمل مخالفه حتبقي غرامة بس
متقلقش خير
اللى انت عملتة دة غلط لان اتمال كبير جدا يكون خد النمرة وكدة يبقى دى مشكلة كبيرة وكنت المفروض تنستنى وتتكلم معاه
هو حضرتك معاك حق فى انها ممنوع الركنة فيها بس لو رحت هناك هتلاقى دايما العربيات راكنة وممكن صف تانى كمان اسأل انا اصلى بروح هناك كتير بس هو حظه ان الظابط عدى وكلبش وكان الاسهل انه يدفع الغرامة تجنبا لمشكلة الاكبر لكن مش هتعرف غير لما تعمل شهادة مخالفات وابقا طمنا
بس المفروض يعملوا باركينج هناك بدل باركينج المول اللى بيبدا بساعتين ب 8 جنيه عشان حرام عشان ادخل اشترى حاجة من المول او ادخل سينما ادفع فى الباركينج 8 جنيه وفى حالة السينما هتوصل ل 12 جنيه عالاقل باركينج بس مصر بلد الاغنياء
انا كنت هناك من اسبوع وشوفت اليافطه فبصراحه انا قلقت اركن لان الشارع ضيق اصلا وفى ناس كتير قاعده بره على العربيات فقولت انزل الباركينج بتاع المول وبالفعل وقد كان
اتيمت فى 11 جندى خلال ساعه وربع تقريبا مش اكتر
اول ساعه ب 8 جنيه وبعد كده كل كسر ساعه 3 جنيه بجد كتير
حاول تحل الموضوع بسرعه
الحتة دي علي طول العربيات متكلبشة فيها .. خاصة عربيات القاهرة !
المختصر : محدش اما يلاقي عربيته متكلبشة يستني للساعة 12 علي أمل إنهم يفكوا الكلابش .. الكلام ده كان زمان لأن كان الضابط لازم يسلم العهدة (الكلابشات) في الوردية بتاعته كاملة .. يعني لازم يفك الكلابشات كلها حتي لو لسة محصلش المخالفات و بالتالي كانوا فعلاَ بيفكوا الكلابشات .. دلوقت الضابط ممكن يسلم العهدة ناقصة و يكتب في الدفتر إن الكلابشات الناقصة متكلبش بها العربية صاحبة رقم كذا الموجودة بالمكان كذا .. و يسلم و يمشي
و ده يفهمنا .. إن أي عربية بتتكلبش .. بيتكتب رقمها و المكان اللي إتكلبشت فيه .
و بكدة إنت عملت لنفسك مشكلة فعلاَ لأنك نقلت نفسك من إنتظار خاطئ لإزالة كلابش الحكومة بطريقة غير قانونية .. و زي ما قال الإخوة دي في القانون الجديد مفيهاش رحمة .. المفروض تشوف حد في المرور يشوف إذا كانت المخالفة إتقيدت ضدك فعلاَ ولا الضابط كبر دماغه و قالك مش مشكلة دي ناس جاية تتفسح .
على فكرة شهادة المخالفات بعد اسبوع عمر ما المخالفة تبان فيها
الدفاتر على ما بتتلم و بعدين تتجمع و بعدين المخالفات تتوزع يعني مرور اسكندرية يلاقي عربيتك قاهرة يبعت المخالفة للقاهرة و بعدين يتعمل لها Data Entry في النيابة و بعدين تخش الكمبيوتر ممكن تاخد من شهور لسنة و شوية كمان
انا مش فاهم موضوع شهادة المخالفات دي
هل بتطلع لفترة معينة نقول مثلا مثلا لشهر 7 / 2009
معني كده انها بتحتوي علي كل المخالفات الموجودة بداخل الفترة دي ولو دفعتها تسقط عني اي مخالفات في الفترة دي واذا طلعت شهادة تانية مثلا لشهر 8 /2009 مينفعش يكون موجود فيها اي مخالفة من شهر 7 اللي طلعت شهادة مخالفات فيه ودفعتها
؟؟؟؟؟؟؟؟؟؟؟؟؟؟؟