مشكلة في الكهرباء للانجكشن

**yahiaa1011** · 19-07-2009 03:30 PM

انا عربيتي اكسنت 1500 موديل 2000 انجكشن العربيه مش مظبوطة خالص الماتور بيعلي و يوطى لوحدة وهي واقفة و بترعش جامد وخاصة لما اشغل التكييف كل لما اروح لكهربائي يقولي مالهاش ظبط لازم جهاز ولما رحت التوكيل حطها علي الجهاز و قالي العربيه تمام امال في ايه رحت بصيت علي القواعد بتاعت الماتور لقيتها كويسة

**samirayad** · 19-07-2009 04:42 PM

ليه مش طارح المشاكل بتاعة عربيتك فى موضوع واحد يا أخى : يحيى ........وبالنسبه لمشكلة الموضوع الحالى ....فكده أنت محتاج تنظف بلف الأيدل كنترولر .....والبوابه بالمره ....وأبقى أعمل أيدل ليرننج لتنشيط ذاكرة وحدة التحكم برضه .............

**yahiaa1011** · 19-07-2009 04:49 PM

يعني ايه ايديل ليرننج و بيبتعمل ازاي

**samirayad** · 19-07-2009 05:05 PM

طريقة الأيدل لعربيتك مش عندى للأسف........بس عندى بتاعة الدايو .....لو عاوز تجربها ...ok ....ممكن أجيبهالك لو أردت ......وده معنى الأيدل ليرننج ببساطه شديده

حضربلك مثل بسيط جدا .....بدون الدخول فى التفاصيل الهندسيه المعقده ...................

- لو ليك عند واحد 1000 ج مثلا ......وفيه ميعاد لسداده الدين اللى عليه ......ولقيته ناسى الميعاد أو مطنش مثلا ......حتعمل أيه ......حتفكره طبعا ......علشان يقب باللى عليه .....

- هو ده معنى الأيدل ليرن بالنسبه لكمبيوتر العربيه .............

- لما بنشيل فيوز وحدة التحكم أو نغيره ...أو نفصل البطاريه أو نغيرها ....وهكذا .....

- بيحدث فقد وكسل شويه فى ذاكرة وحدة التحكم فى تذكر البيانات اللى متخزنه جوه وحده التحكم........اللى بتشغل عليها الحساسات وبلف الأيدل وخلافه ......

- وعلشان هى متكسلش ....وتخللى سلانسيه المحرك مش قد كده مع حمل التكييف مثلا .......بنديها حقنه منشطه ......اللى هى خطوات الأيدل ليرن .......

**tananybasha** · 20-07-2009 01:11 AM

كلام سمير باشاصح و به الموضوع واحشنى يا راجل ايه محدش سامع صوتك و وحشتنا فى وبل لا اسكت الله لك حساً

**samirayad** · 20-07-2009 01:13 AM

الله يخليك يا أبوحميد .........أرجو من الله أن تكون بخير وبصحه جيده

**samirayad** · 20-07-2009 01:17 AM

أتفضل ....

هذة ترجمة للى مكتوب فى الكتالوج

1- أفتح الكونتاكت لمده 5 ثوانى

2-أغلق الكونتاكت لمدة 5 ثوانى

3-أفتح الكونتاكت لمده 5 ثوانى مره ثانيه ...وبعدها شغل المحرك على السلانسيه

4-أترك المحرك للتسخين حتى الوصول لأقصى درجة حراره ممكنه (لحد ماتعمل مراوح تهوية الردياتير).....تقريبا درجة الحراره فى هذه الأثناء بتصل الى 85 درجه مئويه 5- شغل التكييف (أن وجد) لمدة 10 ثوانى

6-أفصل التكييف(ان وجد) لمدة 10 ثوانى

وأذا كانت السياره مزوده بناقل حركه أوتوماتيكى (فتيس أوتوماتيك).......أفعل الآتى

1-أرفع فرامل اليد....وأثناء الضغط على دواسة الفرامل ضع زراع التعشيق للفتيس على الوضع d

2-شغل التكييف لمدة 10 ثوانى

3-أفصل التكييف لمدة 10 ثوانى