توب جير: هل يوجد عربيه كورى او ماليزى كويسه؟؟

**Ahmed Anwer** · 20-07-2009 01:36 PM

لا يا واوو كلامك غلط فعلا

و الاوربيين عنصريين او بمعني اخري معتزين بسيارتهم و شركاتهم

و اكبر دليل ان مبيعات السيارات اليابانية كمان صفر علي الشمال في اوربا

طب بلاش امريكا مبيفهموش ؟؟

اعبر الناحية التانية من الاطلنطي و شوف فرق الريفيوهات و فرق المبيعات

و عموما شوف الفرق ما بين التقييمات القديمة و التقييمات الجديدة في توب جير

احدث تلت عربيات كورية ( نزلوا السوق الأوربية )

كيا سييد

http://www.topgear.com/uk/kia/ceed

هيونداي آي 30

http://www.topgear.com/uk/hyundai/i30
هيونداي آي 10

http://www.topgear.com/uk/hyundai/i10

انا مش بدافع عن وجهة نظري و بهاجم وجهتك نظرك

انا بصحح معلومات لما تقول مبيبعوشي غير في دول العالم التالت دي معلومة غلط ( بيبعوا في الولايات المتحدة )

و لما تقول الاوربيين مش عنصريين يبقي برده معلومة غلط ( مبيشتروش عربيات ياباني )

**Ahmed Samy** · 20-07-2009 01:58 PM

الكوريين بيحاولوا يغزو السوق الأوروبي بعد نجاح نسبي في اخذ قطعة من السوق الأمريكي

وهو ما فشلت السيارات الأوروبية نفسها في تحقيقه في أمريكا

و طبعا نجاح مكتسح في افريقيا و اسيا يقل كثيرا في الخليج العربي

لم يبق الا حصن اوروبا لاقتحامه

و هو اقوى سوق للصناع الأوروبيين

و سواء كانت السيارات سيئة او لا ...

اسلوب النقد فكاهي و تهكمي بدرجة تخرجه عن الموضوعية

واضح انه لغرض ما

حتى التعليقات الصغيرة زي نأسف لتضييع مساءكم في هذا الأمر تدل على ذلك

و بعدين يجب الترشيد من استهلاك جملة " بلاش نظرية المؤامرة" لأنها تصور الكثيرين قطيعا جاهلا مريضا بالرهاب الفكري

في حين ان اعمال عقلنا هو ما يدلنا على الصدق احيانا و على المؤامرة احيانا

احنا عايشين في الأرض و زي ما في صدق و شفافية و صراحة في برضه تربيطات و اتفاقات و مؤامرات نفيها على طول الخط هو نظرية " اللا مؤامرة"

**city_ct** · 20-07-2009 02:39 PM

هم بالفعل شديدو التهكم على السيارات الكورية و الماليزية و أحيانا على اليابانية أيضا. مثلا كان هناك استخفاف بالنيسان gtr بقول "من يترك أودى r8 ليركب النيسان" بالطبع المقارنة الفنية لا يوجد محل لها لعدم وجود أساس للمقارنة العادلة.

المهم أن فى أوروبا و أمريكا لا يسمح بتداول أى سيارة إلا عند تحقيق و أستيفاء معدلات محددة فى المواصفات الأوروبية أو الأمريكية خاصة فى أمور السلامة و الآمان و البيئة. و بالطبع هذا غير موجود عندنا بالمرة بالرغم من أننا فى مصر فى أشد الحاجة لتلك المعايير لوجود نسب حوادث مرتفعة جدا بالمقارنة بدول العالم و لسوء حالة الطرق و الفوضى.

**tutankhamoun** · 20-07-2009 08:25 PM

المشاركة الأصلية كتبت بواسطة wawoo

غزو اية بس يا دكتور اللى بتتكلم علية دة .....فين الغزو دة بس الله يخليك .
مافيش حملة ولا حاجة... هى عربيات سيئة بالفعل , احنا بس اللى بنحب ندفن رسنا فى التراب , ونبرر كل حاجة تحت نظرية المؤامر و الحملات و خلافة .

مين قال لحضرتك كدا ؟؟؟؟؟؟؟؟؟؟؟؟

بالارقام هذة السيارات فاشلة بالفعل فى اوروبا , و مش بسبب اى حملات , بسبب تصميمتها السىء وادائها المتواضع و خمتها الرديئة , فى مقارنة بسيطة مافيش مواطن اوروبى عاقل حيشترى فيرنا او بيكانتو او حتى سيراتو و هو عندة جولف و اوبل و بيجو .

أنا كنت عايش في أوروبا و العربيات موجودة و بتبيع و ناس بتسيبها و تشتري هيونداي و كيا ......
و تواجدهم أصلا في السوق ده معناه أن العربيات دي كويسة

اسواق هذة السيارت تتمثل فى الدول الفقيرة مثل الصين و مصر و امريكا الجنوبية مش اكتر من كدة
و الى بيشكك فى مصداقية البرنامج , يقولنا ازى ممكن سيارت بهذة الامكانيات الهزيلة ممكن تنافس فى اوروبا العرقية فى صناعة السيارت .
لا يا فندم لمعلومات حضرتك :
هيونداي أصبحت الصانع الأكبر من أكبر خمس صناع سيارات في العالم بسبب غزوها لأوروبا و امريكا الشمالية كندا و أمريكا الصهيونية ...
و الإلنترا حصلت على سيارة العام في الولايات المتحدة الصهيونية العام الماضي .....

يا رجل دة اللادا ليسة ببتابع و بتجمع فى مصر , و هو سيارة من العصر الاشتراكى للاتحاد السوفيتى سابقا "على سبيل المثال يعنى ".

ما علشان اللادا اللي بتتجمع في مصر مش بتتباع في أوروبا أصلا .....
هي دي العربية اللي السوق بتاعها الدولة الفقيرة زي مصر ...........ز شوفت أنت عكست الآية أزاي ؟؟؟

فعلا دى حملة عملها البرنامج , بس عملها لتوعية الزبائن اللى ممكن تخدعهم الاسعار الرخيصة لمثل هذة السيارت متواضعة "فى اوروبا طبعا مش عندنا " .

السوق الأوروبي مش سهل دخوله أصلا علشان يدخلوه سيارات سيئة ...
و عندك السيارات الصيني على سبيل المثال ممنوع دخولها ........

انا عارف انى حاتعرض لهجوم عنيف بعد المشاركة دى
و تتعرض لهجوم ليه ....... أنت وضحت رأيك و قلت على شوية معلومات
رأيك على العين و الرأس و بالنسبة للمعلومات ........ تم تصحيح اللي مش صح فيه ....... و لله المثل الأعلى .

, لان للاسف هذة السيارت هى معظم ما يملكة الشعب المصرى حاليا بسبب الجمارك الخيالية ونسبة الارباح العجيبة للوكلاء ,لكن معظم الناس تتمنى تركب عربيات حقيقية مش عربيات كورى و ماليزى و صينى تعبانة .

لا يا فندم
العربيات في مصر ثمنها قريب جدا من أسعار العالم ( لا تقارنا بالخليج )
الجمارك مش خيالية و لا حاجة ......... الجمارك خيالية على العربيات اللي أكبر من 1600 بس
أما الفئات اللي أقل من كدا ......... كل جماركها معقولة جدا و الأسعار متقاربة مع أسعار السوق الأوروبي و الامريكي الصهيوني .
بالنسبة لمكسب الوكلاء .........
لا تقارن أي وكيل كوري أو ماليزي بوكلاء اليابان اللي أسعارهم كلها مبالغ فيها بطريقة بشعة
هما دول اللي يتقال عليهم ........... جشعين في المكسب لأستغلال الأسم .

و العربيات الكوري و الماليزي مش تعبانين و إلا أصلا مكنوش دخلوا السوق الأوروبي .
و مكنتش هيونداي ( التعبانة في رأيك ) وصلت لأرقام مبيعات مهولة في السوق الأمريكي الصهيوني ........ و حصلت على سيارة العام في العام الماضي ..

للآسف أحنا في مصر بنبص لرقم تأسيس الشركة بس و لا غير .......
بغض النظر عن المنتج نفسه يستاهل أو لاءة .

أما فيما يخص رأيك ............. فده له كل أحترامه ...

**tutankhamoun** · 20-07-2009 08:33 PM

بالنسبة بقى لبرنامج توب جير و البريطانيين عموما :
بريطانيا فيها مصانع تجميع و تصنيع سيارات و كل دولة أوروبية لها المثل و أكبر من بريطانيا كمان بكتير زي ألمانيا اللي عندها أربع ماركات أساسية و كام ماركة رياضية و فرنسا و أيطاليا .....
و الأوروبيين من الصناع الأساسيين للسيارات في العالم ........ و من الصعب دخول سيارات غير أوروبية لتنافس السيارات المحلية الأوروبية مش علشان الأوروبية أحسن
لاءة علشان الأوروبيين بيعتزوا بنفسهم جدا و بيعتزوا بصناعتهم جدا بعكس المصريين مثلا .......

المهم و مع كل ذلك ...... نلاقي كيا و هيونداي بيبيعوا بأرقام معقولة جدا ........ و بروتون لها حصة في السوق الأنجليزي و الحصة دي بتنموا ...... و ربنا يوفقهم و نكون زيهم ......

بدل من نتريأ عليهم مع مقدمين برنامج توب جير ........ بدون أي أثباتات .

شوفوا الفيديوا اللي بيلف به بالعربية الكلسيا ................. هو فيه حد قاله مثلا أن العربية دي عربية سباقات ......... و بعدين هو ساب نفسه مع العربية و باين جدا الأستهبال و الأستعباط .........

مين اللي علق على كلام ............ جيمس كاي لما كان بيشكر في الجين 2 ؟؟؟؟؟؟؟؟؟؟؟
محدش علق على كلامه و مسكنا في التريقه بس .....

مع أن الراجل شكر في الجين 2 و قال عليها عربية حلوة ......
الراجل ده قبل كدا كان قايل على السيتروين سي 4 ...................... عربية زبالة ............ !!!!!

و دي حاجة تانية بتبين أن برضه الآراء الشخصية بتدخل في ابداء الأراء ....
و فعلا البرنامج عنصري شوية و كوميدي أكتر منه برنامج نأخد منه رأي حقيقي عن العربيات ........
و كل العربيات اللي بيجربوها فئة قليلة جدا اللي بتشتريها ........

فين و فين لما يجرب عربية عادية ....
كل عربياتهم لوتس ..... و فيراري ...... و لامبورجيني ...........

**Ahmed Samy** · 20-07-2009 08:55 PM

المشاركة الأصلية كتبت بواسطة tutankhamoun

مين اللي علق على كلام ............ جيمس كاي لما كان بيشكر في الجين 2 ؟؟؟؟؟؟؟؟؟؟؟
محدش علق على كلامه و مسكنا في التريقه بس .....

مع أن الراجل شكر في الجين 2 و قال عليها عربية حلوة ......
الراجل ده قبل كدا كان قايل على السيتروين سي 4 ...................... عربية زبالة ............ !!!!!

وحتى لما قال الجين كويسة قالها بعد ديباجة عن شراء لوتس البريطانية

و لما قالوا ان الجيتز كويسة ...و تديك احساس انها فولكس و تشبه ركوبة البولو

و بعدين قالوا ...بس تمنها مقرب من البولو ...يبقى راح سبب شراء الكوري !!!!

يا سلام ؟؟؟ ما هي عنصرية اهه و مافيش أي موضوعية

**M.Osman** · 21-07-2009 01:08 AM

و فعلا البرنامج عنصري شوية و كوميدي أكتر منه برنامج نأخد منه رأي حقيقي عن العربيات ........

بالظبط كدا
...
..
.
حد شاف الحلقة الأخيرة بتاعت إمبارح؟؟
اتريق على الــــJaaaaaaaaag تريقة !! اقصد الــjaguar
مش ممكن Jeremy دا .. مستفز اوي و مش بتعجبه حاجة ..
و زي ما قال الأخ توت .. البرنامج كوميدي اكتر منه برنامج سيارات ..

**wawoo** · 21-07-2009 07:18 PM

المشاركة الأصلية كتبت بواسطة tutankhamoun

و العربيات الكوري و الماليزي مش تعبانين و إلا أصلا مكنوش دخلوا السوق الأوروبي .
و مكنتش هيونداي ( التعبانة في رأيك ) وصلت لأرقام مبيعات مهولة في السوق الأمريكي الصهيوني ........ و حصلت على سيارة العام في العام الماضي ..
...

طيب ممكن حضرتك تقولى مبيعات السيارات الكورية و الماليزية كام بالضبط فى اوروبا ,و لا حضرتك تقصد اوروبا الشرقية الفقيرة و كمان ياريت تقولى كمان على المودلات اللى بتنزل اوروبا اساسا لانة برغم ان كيا مثلا بتنزل افضل ما عندها من انتاج لاوروبا , ارقام المبيعات كلها ضعيفة .
و حتى اللى بتنزل مصر بتنزل بتجهيزات متواضعة جدا عن ماثيلاتها الاوروبية .
و اصلح لحضرتك المعلومات الى مش صح عند حضرتك برضو , مافيش ارقام مابيعات مهولة فى السوق الامركيى ولا حاجة اتفضل حضرتك ادى المابيعات هيونداى فى انخفاض مستمر انخفضت 22 % فى يناير 2008 فى الولايات المتحدة الامريكية " اية حكاية الصهيونية دى ؟؟ " وكل دة قبل الازمة العالمية عشان متقوليش انها السبب ...!!!!

Hyundai’s US Sales Drop By -22.6% in January

Saturday, February 02, 2008 Despite the addition of the Veracruz SUV in its range, Hyundai’s US sales in January recorded a significant plunge. The Korean carmaker sold 21,452 units for the month of January 2008 compared to 27,721 units in January 2007 which translates in a 22.6% drop. With the exclusion of the Accent, every single model in Hyundai’s line-up was down in sales compared to last year.
"We are disappointed with our sales results and recognize this is a challenging sales environment and the industry overall is struggling," said Dave Zuchowski, Hyundai Motor America's vice president of national sales. "We are hopeful that the government's proposed fiscal stimulus package and our newly announced incentives will get us back on track in February."

**wawoo** · 21-07-2009 07:34 PM

ارجو بس يا جماعة قبل ما تصلحو اى معلومات ترجعو معلومتكم كويس الاول .
و طبعا حضرتك لم تذكر اى معلومات عن مابيعات بروتون او اى سيارة ماليزية فى الولايات المتحدة الامريكية لانها حتكون ارقام هزيلة كلها .

لا يا فندم لمعلومات حضرتك :
هيونداي أصبحت الصانع الأكبر من أكبر خمس صناع سيارات في العالم بسبب غزوها لأوروبا و امريكا الشمالية كندا و أمريكا الصهيونية ...

و اسمها "هيونداى كيا " مش هيونداى لوحدها , و مابيعات هيونداى كيا فى ظل الازمة العالمة تأكد ان عدد الفقراء فى العالم بيزيد , ولا تدل على جودة فى السيارت , ما الصين مغرقة العالم كلة
بمنتجات رديئة هلى معنى كدة انها منتجات جيدة . يبقى ارقام المابيعات فى العالم مش دليل فى الحكم على الجودة لان عدد الفقراء فى العالم كبير جدا .
يبقىالعبرة بالمابيعات فى الدول اللىبتفهم يعنى اية سيارات زى اوروبا .

و فعلا البرنامج عنصري شوية و كوميدي أكتر منه برنامج نأخد منه رأي حقيقي عن العربيات
و كل العربيات اللي بيجربوها فئة قليلة جدا اللي بتشتريها ........

طيب حضرتك قولى على برنامج مش عنصرى و انا اتفرج علية من بكرة ,
و محولتك لتقليل من شان برنامج بيعملو اكبر خبراء فى السيارات فى العالم حتكون بلا جدوى لانة برنامج ناجح بكل المقايس و انا شخصا اتعلمت حاجات كتير مهمة فى عالم السيارت من البرنامج دة ,
كون ان البرنامج بيقدم مادة فى شكل ساخر او كومدى احيانا ,دة لا يعيبة فى شىء بالعكس هو بيوصل معلومة صعبة فى شكل مؤثر عشان المشاهد يفهم و دة لا يمنع انة برنامج محترف جدا و دة بشهادة ال الملايين اللى بتتفرج علية فى جميع انحاء العالم "مش رايى انا لوحدى "

**wawoo** · 21-07-2009 07:36 PM

و لعلم حضرتك انا شوفت نقد فى البرنامج لسيارت اوروبية و سيارات انجليزية حتى , لانة مش برنامج عنصرى ولا حاجة , هو بيحاول يوصل المعلومة بشكل مبسط عشان البسطاء اللى عوزين يشترو عربيات ما يضحكش عليهم من شعارات فاشلة و دعاية كاذبة لسيارت لا تساوى فى الحقيقة .

عموما يا جماعة انا مقدر انى موجود فى قسم الكورى و الماليزى ,و ان معظمكو معاة سيارت كورية و مش حتقبلو ببساطة اى نقد لاختيارتكم لسيارتكم , حتى لو كانت من خبراء محترفين " مش عنصريين " زى برنامج توب جير .

و على فكرة مافيش حاجة اسمها عنصرية فى شوية حديد و بلاستك , انت عجبك البرنامج و بتقدر التقييم اللى قالة اهلا و سهلا , مش مقتنع و شايف انة برنامج كومدى مش اكتر , يبقى زعلان لية انة بيتريق و بينقد السيارات , وانت اساسا شايف انة مش مؤثر فى اى حد , لانك ببساطة عارف انة بيتكلم بشكل علمى و عملى , و اظن دة واضح من التجارب اللى اتعملت و اللى بتتعمل على يد السائقين المحترفين فى البرنامج .

و زى ما قولتلك , قولى على برنامج اخر فية نفس مستوى المحترفين و عندة راى اخر ,و انا اتفرج بكل ترحاب . انما مجرد هجوم و خلاص لمجرد ان البرنامج قال راى معجبشك ...!!!

و انا بوجة رايى فى الاساس للعاوز يشترى سيارة جديدة و محتارة , و ممكن ينخدع باسعار رخيصة او كماليات لا فائدة منها فى سيارت متواضعة و كلها مشاكل على المدى الطويل , و كل واحد لة قرارة فى النهاية .

الموضوع: توب جير: هل يوجد عربيه كورى او ماليزى كويسه؟؟

LinkBack

أدوات الموضوع

عرض

-

-

-

-

-

المواضيع المتشابهه

عربيه ايه كويسه من 50 : 55

ممكن اعرف الليجانزا عربيه كويسه ولا

ايه افضل اوتوماتيك كورى او ماليزى ؟

ممكن نصيحه لسيده عايزه عربيه كويسه ورخيصه

هل يوجد افيو اوتوماتيك كورى فى مصر و ايه رايكم فيها؟؟؟؟؟

الكلمات الدلالية لهذا الموضوع

المفضلات

المفضلات

ضوابط المشاركة