رقم العضوية : 39205
تاريخ التسجيل : 30Apr2009
المشاركات : 1,241
النوع : ذكر
الاقامة : SAN ANTONIO TX
السيارة: نوبيرا 2005
السيارة[2]: جولييت 2 1500 سى سى
دراجة بخارية: bjkhkhg
الحالة :
www.youtube.com/watch?v=LilLcDPZjvc
جوابات حراجي القط العامل في السد العالي الى زوجته فاطنه عبد الغفار في جبلاية الفار
الجوهرة المصونه
والدره المكنونه
زوجتنا فاطنه أحمد عبد الغفار
يوصل ويسلم ليها
في منزلنا الكاين في جبلايه الفار
أما بعد .. لذا كنت هاودت كسوفي ع التأخير
سامحيني يا فطنه في طول الغيبه عليكم
وأنا خجلان .. خجلان .. وأقولك يا زوجتنا أنا خجلان منكم ..
من هنا للصبح ..
شهرين دلوقت ..
من يوم ما عنيكي يا فاطنه .. بلت شباك القطر ..
لسوعتي بدمعك ضهر يديَ
لحضتها قلت لك :
(( قبل ما عوصل عتلاقي جوابي جي ... ))
نهنهتي .. وقلتي لي بعتاب:
(( النبي عارفاك كداب .. نساي
وعتنسى أول ما عتنزل في أسوان .. ))
حسيت واليد بتخطفها يد الجدعان
بالقلب ف جوفي ما عارف ان كان بردان .. دفيان
والبت عزيزه والواد عيد
قناديل في الجوف .. زي ما بتضوي .. بيقيد ..
.......... والقطر إتحرك ..
وقليبي بينتقل من يد لإيد .
والقطر بيصرخ ويدَودِو
اتدلدلت بوسطي من الشباك ..
( خذي بالك م الولد .. راعي عزيزه وعيد )
والقطر صرخ ورمح لكإنه داس على بصة نار ..
ولقطت الحس قريب .. قد ما كنتي بعيد :
(قلبي معاك يا حراجي هناك في أسوان ..)
...........................
ورميت نفسي وسط الجدعان .. وبكيت ..
وبلدنا اللي كنا بنمشيها ف نص نهار
كان القطر في لحضه .. فاتها بمشوار .
سامحيني يا فطنه على التأخير ..
ولو الورقه يا بت الخال تكفي
لأعبي لك بحر النيل والله بكفيِ
وختاماً ليس ختام ..
بابعت لك ِ
ليكي ولناس الجبلايه ولبتي عزيزه والواد عيد
ألف سلام
زوجك ... لوسطى حراجي
سبحانك اللهم و بحمدك استغفرك و اتوب اليك
رقم العضوية : 1429
تاريخ التسجيل : 14Jul2007
المشاركات : 148
النوع : ذكر
الاقامة : Nasr City
السيارة: nothing yet
السيارة[2]: Honda Accord 84
الحالة :
القصيدة دي ماينفعش تقرأها لازم تسمعها من الابنودي نفسه عشان تعرف قيمتها و شكرا لحضرتك عشان فكرتني بيها
المفضلات