ايه اللى الواحد المفروض يعمله بعد مايقتح الايرباج

**abohalmos** · 20-07-2009 05:36 AM

معلش لو الموضوع غريب شوية و هو عن الايرباج
انا بحس انه فيه ناس كتير بتخاف منها و تقولك ده لو فتح يا عم هاتغير التابلوه بالكامل و تدفع فلوس كتيييير
يعنى بمعنى اخر ايه اللى الواحد يعمله لو لا قدر الله و عمل حادثة و فتح الايرباج ؟؟؟؟؟
لو واحد بس اللى فتح اللى هوا بتاع السواق ........و لو الاتنين اللى قدام فتحوا ؟؟؟؟؟؟؟
يعنى ايه اللى يعمله طبعا بعد مايحمد ربنا انه سليم ......ده لو كان ليه عمر طبعا
يعنى عشان يصلح العربية غير الخبطة ........يغير التابلوه فعلا .........؟؟؟؟؟و لا ايه النظام ؟؟؟
و بعدين ايه ضوابط عمل الايرباج ......ايه اللى ممكن يخليه يتفتح او لا ؟؟؟؟؟؟
و ايه اللى ممكن يخليه يفتح بدون حادثة ؟؟؟؟؟ عشان الناس تخللى بالها .....
و الغريبة انه فيه حد زى غبور المغرور ........بينزل تقريبا معظم العربيات من غيره خالص و لو عربية بالشئ الفلانى
يعملك فيها ايرباج واحد ........ و اللى جنب السواق مش مهم ........
على اساس طول ما السواق بخير .......اللى هوا غالبا صاحب العربية ........يبقى هايجيى التوكيل برجليه .....
و هناك بقى نظبطه على مزاجنا ....... دى وجهة نظرى المتواضعة للى بيحطوا ايرباج واحد
ده فيه برة عربيات فيها 12 ايرباج و فيه عربيات بايرباج فى السقف .......
و احنا لسه بنخاف منه .........و فيه ناس مش عارفة اهميته اساسا......
طبعا اولا و اخيرا الاعمار بيد الله ......
طبعا الناس اللى عندها خبرة ياريت تخش و تقول رأيها ......و الناس اللى عملت حوادث .......لا قدر الله
برضه تقول تجربتها مع الايرباج؟؟؟؟؟
و معلش لو طولت عليكوا

**أحمد كمال** · 20-07-2009 07:53 AM

بص يا باشا

اولا الايرباج بدون حزام امان = سلاح قاتل ..... لانها بتنطلق في وشك بسرعة تقارب 300 كيلومتر في الساعة

و لو انت مفيش حزام و نفترض كنت ماشي على 100 و انت عامل الحادثة و خبطت جسمك بالقصور الذاتي هيستمر لقدام على 100

يعني انت ماشي على 100 بجسمك و الايرباج ماشية على 300 في وشك

مش ظريف خالص

الايرباج بتفتح في حالة التصادمات الامامية بس .... مش في حالة الانقلاب او التصادم الجانبي

و بيبقى فيه حد ادنى للسرعة حسب نوع العربية يعني مثلا مش هيفتح لو التصادم على سرعة اقل من 50

بالنسبة للايرباج اللي في الدركسيون لازم الطارة تتغير

بالنسبة للتابلوه ..... النابلوه لا بيتغير و لا حاجة الايرباج بس اللي بتتغير

الايرباج بتشتغل عن طريق مزج بعد الكيماويات ببعض تعمل تفاعل يعمل كمية غازات شديدة تنفخ الوسادة بسرعة جامدة جدا

و ارجو اكون افدتك

**ahmed_su** · 20-07-2009 01:17 PM

أضافة صغيرة للكلام الجميل السابق

فى عجلة القيادة علشان المساحة المحدودة بيخلى تخليق الغاز (نيتروجين )اللى بيملىء الوسادة الهوائية

من خلال خلط نترات البوتاسيوم (KNO3) مع مكون من مكونات الصوديوم(NaN3) بيؤدى لتكون غاز النيتروجين اللى بيملىء الوسادة

فى الاماكن الاكثر اتساعا بيكون فيه اسطوانة صغيرة بها الغاز والتصادم بيفجر صمام الاسطوانة

ويخرج الغاز يملىء الوسادة , فيه عربيات كتير بيستدعى تغير التبلوه واخرى فقط جزء مستطيل فى التبلوه

الرسم بيوضح تشغيل نظام الايرباج لما حساس التصادم بيدى تريجر

للمفجر اللى بيؤدى لخلط نترات البوتاسيوم مع مركب الصوديوم لانتاج النيتروجين

اللى بملىء الوسادة الهوائية

وفى اغلب السيارات السنسور مظبوط على سرعات من 16 الى 24 كم /ساعة

وفى كل السيارات الحديثة النظام لا يعمل اذا لم يكن حزام الامان شغال لتلافى مخاطر

الايرباج

عفانا الله واياكم من استخدمها

**abohalmos** · 20-07-2009 03:31 PM

الف شكر يا جماعة
معلومات فعلا مفيدة
و اعتقد انه ناس كتير مكانتش تعرفها
و لا تعرف حاجة عن اهمية الايرباج
و غبور باشا الى بينزل العربيات من غيرها اساسا و منصور كذلك
ربنا يجازيهم .........
و ياريت الناس بس تخللى بالها و بلاش السرعات العالية
لانها سبب كل البلاوى
و الله المستعان

**tamertamer** · 20-07-2009 08:18 PM

ياجماعة فى حاجة كتير منا مش عرفها ان فى عربيات كتير لو حزام الامان مش مربوط مبتفتحش ايرباج خالص زى العربيات الفرنسية مثل البيجو 407 لازم تكون رابط حزام الامان الاول لان لو مش ربطة الوسادة بدل متكون سبب فى النجاة ممكن تكون سبب فى الوفاة لا قدر الله ولو رابط الحزام لازم الحدثة توصل ححساس الايرباج قلى بيكون زى حساس النور قلى فى باب الشقة بوز صغير اول لما يدخل لجوة تفتح الوسادة الهوائية

**ابو حسين** · 20-07-2009 09:04 PM

المشاركة الأصلية كتبت بواسطة AK1981

بص يا باشا

اولا الايرباج بدون حزام امان = سلاح قاتل ..... لانها بتنطلق في وشك بسرعة تقارب 300 كيلومتر في الساعة

و لو انت مفيش حزام و نفترض كنت ماشي على 100 و انت عامل الحادثة و خبطت جسمك بالقصور الذاتي هيستمر لقدام على 100

يعني انت ماشي على 100 بجسمك و الايرباج ماشية على 300 في وشك

مش ظريف خالص

الايرباج بتفتح في حالة التصادمات الامامية بس .... مش في حالة الانقلاب او التصادم الجانبي

و بيبقى فيه حد ادنى للسرعة حسب نوع العربية يعني مثلا مش هيفتح لو التصادم على سرعة اقل من 50

بالنسبة للايرباج اللي في الدركسيون لازم الطارة تتغير

بالنسبة للتابلوه ..... النابلوه لا بيتغير و لا حاجة الايرباج بس اللي بتتغير

الايرباج بتشتغل عن طريق مزج بعد الكيماويات ببعض تعمل تفاعل يعمل كمية غازات شديدة تنفخ الوسادة بسرعة جامدة جدا

و ارجو اكون افدتك

معلومات مفيده جدا ألف شكر

**كابوس الليل** · 21-07-2009 12:52 AM

المشاركة الأصلية كتبت بواسطة zeka127

لازن الخبطه توصل للحساس بتاع الايرباج عشان تفتح لو موصلتش مش هتفتح ممكن لو تاخد بالك فيه عربيات بتلاقيها متدشمله فى حوادث وممكن مقلوبه وفيها ايرباج ومش مفتوحه عشان مكان السنسور سليم ودلوقتى بيعملو ايرباج بيفتح بصوت الارتطام شركة سيمنز تقريبا الى بتعمله

ازاى بصوت الارتطام؟
صعبة جدا ديه
لان لو حد خبط على العربية الاير باج يفتح؟؟؟ حتقولى ازاى حد يخبط على العربية وهوا ماشى بسرعة ممكن اى صوت جنب العربية قوى او غيره

**أحمد كمال** · 21-07-2009 12:58 AM

المشاركة الأصلية كتبت بواسطة كبوس الليل

ازاى بصوت الارتطام؟
صعبة جدا ديه
لان لو حد خبط على العربية الاير باج يفتح؟؟؟ حتقولى ازاى حد يخبط على العربية وهوا ماشى بسرعة ممكن اى صوت جنب العربية قوى او غيره

و لا و انت ماشي تريلا جنبك ضربت سارينة ههههههههههه

-

الموضوع: ايه اللى الواحد المفروض يعمله بعد مايقتح الايرباج

LinkBack

أدوات الموضوع

عرض

-

-

-

-

-

-

المواضيع المتشابهه

هو الواحد مننا يعرف أزاى أن الأنسانة دى بيحبها وأنة المفروض يتجوزها؟!

قررت اركب عداد الفيستا اللى فيه ار بى ام ,,, ايه الخطوات اللى المفروض اعملها ؟؟

ايه افضل مشروع الواحد ممكن يعمله

بالمناسبه!!! هو الواحد المفروض مرتبه يبقى كام عشان يتجوز؟؟؟؟؟؟؟؟؟؟؟؟؟؟؟؟؟؟

الكلمات الدلالية لهذا الموضوع

المفضلات

المفضلات

ضوابط المشاركة