الموضوع: تقييم لصاج اليارس . ورق؟ !!!!!!!!!

سيدي الفاضل...

لو عايز تشتري عربية صاجها قوي و جامد يبقي هات عربية موديل الثمانينات من القرن الماضي لأن خفة الصاج و تقليل الوزن هو سمة كل العربيات الحديثة و ذلك لتحقيق السرعة العالية مع خفض مقاومة الهواء و بالتالي توفير البنزين , و ليس وزن الصاج أو سمكه هو مايحقق درجة الامان العالية فهناك عناصر أخري في التصميم و يمكنك ان تشاهد أختبار التصادم للياريس لتحكم بنفسك عليها و أيضا ضع في أعتبارك أن السيارة التي ترتطم بجسم ما و هي علي سرعة عالية فلابد أن تتعرض لدمار هائل مهما كانت قوة و متانة صاجها

لو كنت مقتنع بالياريس فتوكل علي الله , هي سيارة جيدة جدا في فئتها و مناسبة جدا للاستخدام داخل المدن و في السفر و لكن أحذر من السرعات العالية

المشاركة الأصلية كتبت بواسطة tofy_urban

ياباشا كلام جميل فعلا و انا بردو مقتنع ان اللي عايز عربية صاج يبقي يجيب بيجو او 131 او حاجة من العربيات دي بس ده ميمنعش ان في عربيات جديدة بردو صاجها قوي شوية مش مقارنتا بالقديم لكنه مقبول شوية وانا شفت اللوجان صاجها اقوي و السيمبول بردو صاجها كويس , العربية دي كويسة لكن في نقطتين مخوفني الصاج لاني سمعت كلام كتير عليه و الثبات فياريت الناس اللي معاها العربية تقول تجاربها

شوف موضوع الثبات ده نسبي يعني بيعتمد بشكل كبير علي سرعتك و درجة تحكمك في العربية و كمان عوامل الطريق و الاحوال الجوية

الياريس عربية خفيفة و عالية و ده بيعطيها ميزة السرعة و العلو عن المطبات و لكن بيؤثر سلبا علي الثبات و لكن ليس بالدرجة الكبيرة التي يصفها البعض , لكن ليس معني هذا أن نتهاون و نجري بيها الي مافوق ال 120 كم/ساعة

و عموما أنا بأسافر بيها بشكل شبه يومي و أقدر أقولك أن ثباتها معقول جدا ( و لكن في الاحوال الجوية المستقرة و عدم وجود رياح علي الطريق) و تقريبا بالامس و اليوم جبت بيها 170 كم/ساعة وواخد بيها ملفات حادة علي سرعة 140 كم/ساعة و لم اعاني من أي مشاكل في الثبات

و لكن هذا للتجربة و ليس دعوة للسرعة العالية لأن طرقنا لاتتحمل ذلك

صاحبى معاه ياريس

رجع ومخدش بالو ان فى جين 2 وراه واقفة.

الياريس حامل الاكصدام الى بالطول خرم الاكصدام والجين 2 ولا خربوووش.

المشاركة الأصلية كتبت بواسطة eslam_nagy

صاحبى معاه ياريس

رجع ومخدش بالو ان فى جين 2 وراه واقفة.

الياريس حامل الاكصدام الى بالطول خرم الاكصدام والجين 2 ولا خربوووش.

الحركة دى شفتها فى كذا عربيه يلرس ان الحامل يخرم الاكصدام بخاف و انا بركن ان اريح على حد علشان كدة