ياريت تقول ان الموضوع منقول , لانه كان منشور على مصراوى و بنفس العنوان
تحياتى
عرض للطباعة
ياريت تقول ان الموضوع منقول , لانه كان منشور على مصراوى و بنفس العنوان
تحياتى
هو فى لسه حد بيدخل افلام لعادل امام
ده خلاص مات من زمان وبوبوس ايه وبتاع ايه
كل افلامة عبارة عن بوس واحضان وخلاص يعنى سفاله فى سفاله (( اعذرونى على الالفاظ ) بس انا اتحرج ادخل فيلم ومعايا مراتى او والدتى او اختى
لان اكيد الفيلم فيه مشاهد وحشة ده لازم ميبقاش عادل امام الا لما يطلع فى فيلم ويعمله كام مشهد زبالة
انا بحب عادل إمام جداَ .. بالنسبة لحركات وشه يا جماعة هو مش مهرج عشان يبقي مطلوب منه حركات جديدة !
حركة الحاجب اللي مشهور بيها دي هي علامة عادل إمام .. تريد مارك! زيها زي سوالف إلفيس بريسلي و بدلة شارلي شابلن و طاقيته و شنبه و ال moon walk بتاعة مايكل جاكسون .. حاجة بتميز الفنان عن غيره .
مينفعش ننسي تاريخ الراجل كله عشان فيلم سقط منه .. انا عن نفسي هو واحد من الممثلين القليلين اللي بيضحكوني من قلبي .
وفيلم احمد حلمى الجديد اسخف واسخف اسمه 1000 مبروك
قصه الفيلم انه واحد فرحه بعد يومين وهو نايم اعد يحلم انه هيموت وكل مره نفس المشهد يتكرر تانى مع تغير طريقه الموت وفى الاخر مات فيلم تافه جدا ومكنتش اتوقع انه يعمل حاجه كده كويس انى كنت داخله ببلاش مجامله ده لو كنت دفعت فيه جنيه كنت ندمت ندم
بس ياجماعة الافلام كلها تافهة أصلا ولا قصة ولا بتاع كله بيعتمد على إثارة الغرائز وبس يعنى افلام شبه جنسية بس بالعربى
أحسن فيلم بصراحة من وجهة نظرى وفيه قصة هو فيلم الفرح وبعديه دكان شحاته هما دول اللى يعنى ماسقطوش فى الحفرة زى باقى الافلام
هو انت يعنى الفيلم مش عجبك تدخل تحرقه عالملأ كدة يعنى؟
متشكر جدا جدا جدا ...على انك حرقت الفيلم عليا ... ياريتني ماكنت فتحت الموضوع
-------------------------------------------------------------------------------------------------------------
انا اسف جدا انى حرقت الفيلم انا كنت غلطان الفيلم ده جامد جدا جدا وناجح جدا وكل الناس وهى خارجه من قاعه السينما كانو معجبين جدا بالفيلم والحقيقه مش هى دى قصه الفيلم :dzey:
ومش هقول عليها على شان محرقش الفيلم اتضح ان انا كنت غلطان ده فيلم تانى اسمه 1000 زعبوط
عادل امام صحيح بيضحكني ... بس عنده ثوابت في كل افلامه
1- بوس و احضان
2- تريقة على المتدينين
3- عساكر و عربيات امن مركزي
و زهقت من العناصر دي
عادل امام فنان مبدع وكل حاجه بس بيكرر نفسه دلوقتى بقى عامل زى محمد سعد لما كان فى اللمبى لغيه النهرده بيعيد الدور مره على انه اهبل ومره على انه صايع الفكره انه لازم يجدد الدور شويه يعنى زى افلام زمان كان الفنان زمان بيجدد الدور كل مره دلوقتى كل فنان لزق فى الدور بتاعه ومش عاوز يخرج منه ويعمل غيره ولو عمل تبقى كارثه