الموضوع: ناوى أشترى تيجو 1600 برجاء النصيحة

المشاركة الأصلية كتبت بواسطة hyundai

مبارك على كل اللى اشتراها و ربنا يديله خيرها و يكفيه شرها

لو تسمحولى باستفسارين

1-

هو مش التقفيل المصرى أحسن من الصينى -- أنا حاسس إن كونها بتتقفل فى مصر فده ميزة فيها لأن بكدة أقللت إحتمالات العيوب ؟؟ فمش كل شىء مصرى هو الأسوأ

2-


طيب هى الكيا الكارينز و النيسان الليفينا مش يتقارنوا بيها برضه و أسعارهم ما بين 100 و 115 ألف؟؟:b4_033:

أستاذنا العزيز

طبعا أنا مش مفرود ارد على سعادتك لأنى لسه مش من ملاك السيارة ، بس كان لى تعليق على الأستفسار الأول لحضرتك وهو :
- بالنسبة لجودة التقفيل المصرى من عدمة بأن يصبح بأن يكون أحسن من الصينى فده يتوقف على حجات كتير أوى ولكن الأهم منها أن فى الصين ( وليس متحيز للصين ) فيه تقدم عالى جدا فى التقنية والتصنيع هه مش التقفيل وهما يعتبرو غزاه للعالم كله فى الناحية الأقتصادية وده معروف للكل أما بالنسبة لنا فنحن مجرد أداه بيسطة لتجميع سيارة كل مكوناتها مستورد من الخارج ويتوقف بالنسبة لكى ننجح أمرين مهمين جدا وهما أن نتأكد من جودة المنتج المستورد والثانى العمالة المدربة ومتخصصين الجودة لكى يخرج الشئ المراد تجميعة على أحسن وجه وللأسف كل فشلنا فى معظم مصانعنا هى أدارة مراقبة الجودة على الأنتاج ( على فكرة أنا أتحدث من وجه نظرى الشخصية مع ملاحظة أننى أعمل بأحد مصانع السيارات الكبرى فى مصر )

المشاركة الأصلية كتبت بواسطة hyundai

مبارك على كل اللى اشتراها و ربنا يديله خيرها و يكفيه شرها




طيب هى الكيا الكارينز و النيسان الليفينا مش يتقارنوا بيها برضه و أسعارهم ما بين 100 و 115 ألف؟؟:b4_033:

متشكر جدا , الله يبارك فيك
بانسبة للكارينز انا ركبتها بس مسوقتهاش , هى بصراحة واسعة جدا من جوة بس مش عالية زى التيجو بس فى التيجو الكراسي اللى ورا ممكن تحركها لللأمام و للخلف فعندك فرصة انك تتحكم فى حجم الصالون
و فيه حاجة تانية ان صاج الكارينز مش قوى زى التيجو
باالنسبة للخامات الداخلية مفيش فرق كبير بين الاتنين
التيجو نفس ارتفاع العربيات الجيب فدة بيديلها ميزة كبيرة عن الكارينز و الماتريكس

يالنسبة للنسيان الليفينا , بصراحة معرفش عنها حاجة

المشاركة الأصلية كتبت بواسطة kesmat

ربنا يبارك فى حضرتك

على فكرة بالنسبة للعيوب دى أكيد سوف يتم تلاافيها على مدى التشغيل والأنتاج ، وأتمنى أنها فعلا تستمر لمدة الخمس سنوات بدون مشاكل فده بالنسبة لسعرها مكسب كبير أوى عن أى سيارة مناظرة لها ، وبعدين موضوع أن السيارة a516 نزلت تاكسى ده خلى قطع الغيار متواجدة فى السوق وبصورة ملاحظة جدا وأنا شفت محل فى المعادى حاطط يافطة قطع غيار اسبرانزا وبعدين نفس ماتور التيجو 1600 ، يعنى أتمنى من الله أنها تكون جظ هذة السيارة بصورة جيدة فى السوق ،
أن شاء الله أن أذن لى ربى سوف أذهب غدا لحجز السيارة بس محتار فى الألوان لأن ده أول عربية زيرو لى وكان لك السابق بالنسبة سيارات مستعلمة يعنى كان موضوع اللون مفروض على . ربنا ييسر الأمور أن شاء الله

ربنا يوفقك ان شاء الله
بالنسبة للألوان الكحلى و الفيرانى حلوين عليها جدا
و فيه برده الاسود حلو بس محتاج تنضيف كل شوية

احلي لون الفيراني

المشاركة الأصلية كتبت بواسطة hacker5

التيجو مش بيليق عليها غير الغوامق
فرانى و اسود و نبيتى و الكحلى بالذات بيخلى شكلها شييك جدا

شاكر لحضرتك على المشاركة وعلى ترشيح الألوان

المشاركة الأصلية كتبت بواسطة ghost2

منصحكش طبعا بالتيجو ...
1- خامات الصالون زفت ودي عن ثقة وانا متاكد و في ناس بتقول ان الصالون بدا يقشر
2- استهلاك بنزين عالي جدا بالنسبة ليها
3- سعر اعادة بيع زي الزفت
4- متركبش عربية جيب صيني
5- خليك في عربية تعيش معاك عمر مش سنة ولا اتنين

أنا ليا تعليق صغير على رأى حضرتك اللى انا طبعا بقدره و أحترمه
1- خامات الصالون مش زفت هى معقولة بالنسبة لسعر العربية و بعدين كان فى زمان عربيات فيات كتير (خصوصا المتجمعة فى شركة النصر) كانت خامات الصالون رديئة و مع ذلك العربيات دى عاشت و لسه شغالة
2- إستهلاك البنزين بالنسبة لل 1600 زى أى عربية 1600 يابانى أو كورى (285 حوالى كيلو فى الصفيحة على سرعة 90)
3 - منقدرش نحكم على سعر إعادة البيع دلوقت (العربية لسه مكملتش سنة)
4- النقطة الرابعة الحقيقة انا مش عارف وجهة نظر حضرتك فيها
5- موضوع سيارة العمر ده أنا مختلف مع حضرتك فيه لأن مش هو ده توجه الدولة دلوقت (بالكتير العربية تتغير كل 10 سنين و أغلب الناس فى الغرب بتعمل كده)

و تقبل منى فائق الإحترام