حب استطلاع مش اكتر الدريفت الواهم دى بيتعمل ازى

**eslam_wega** · 20-07-2009 01:44 PM

بالصدافة كدا وانا على يوتيوب لقيت الفيديو دة

والساق الماهر هو
KEN BLOCK

وهو بطل العالم فى الرالى
سوالى بقا الدريفت الى بيكون العجل فى اتجاة وجسم العربية فى اتجاة تانى دة بيتعمل ازى (من باب العلم بالحاجة بس )

ودلوقتى اسيبكم مع الفيديو الروعة

[youtube]http://www.youtube.com/watch?v=HQ7R_buZPSo[/youtube]

**Ahmed Samy** · 20-07-2009 02:22 PM

انت تدوس بنزين على الأخر

وسيب الباقي على ربنا

هههههههههه

طبعا الموضوع محتاج ممارسة طويلة و تمرين للقدرة على التحكم في زحف العربية و ليس دفعها

يعنه هو بيعمل التوجيه بالمقود ليحدث أثر بعد ثواني من التوجيه نفسه

و التجاه النهائي مش معتمد على قدر التوجيه بس

على السرعة و الدفع و الأرضية كمان

الدريفت ده مش تعليم

ده إحساس

**كابوس الليل** · 20-07-2009 02:54 PM

الواد ده تحفة وشكله بيدرب على الدريفت وهوا ف اللفة
انت شفت الحتة الى بيلف فيه وجابوها براخة ولمس لمسة خفيفة من ورا ف القمع؟؟
كمان انت مش محتاج تتعلم ادريفت بص الاول للعربية الى معاه

**Terrible_DaRsH** · 20-07-2009 02:58 PM

اولا الرجل ده بيفكرنى بنفسي و انا بلعب اندر جراوند

ثانيا الموتور ده اكيد متعدل هو و العربية كلها

ثالثا الهاند بريك ليها دور كبير عند بداية دوران العربية بعدها توجيه السيارة و التحكم فيها يبقي عن طريق السواق

**JAM** · 20-07-2009 03:06 PM

الواد دا بيسحر للعربيات... وانتم لو دورتوا على اسمه فى اليوتيوب هتلاقوله حاجات من النوع اللى الواحد بيتيس وهوا بيتفرج عليها

**E30power** · 20-07-2009 03:25 PM

المشاركة الأصلية كتبت بواسطة Ahmed Samy

الدريفت ده مش تعليم

ده إحساس

+111111111

طبعا بعيد عن الكائن الخرافى الى بيسوق دة

دة طااااااااار بالعربية يا عم فى اخر فيدو عملة فى التوب جير لما استضافوة ..ايوة طار بالعربية مش بهزر ولا حد ضاربنى على دماغى...
وكمان معدل الامبريزا تعديل خيالى وعلى ما اعتقد بيخليها تطلع اكتر من 500 حصان وبعيدا طبعا انها دفع رباعى .....

انا شوفتلة حاجاات كتير فعلا الراجل دة فنااااان ودماغة عالياا موووت بالامبريزا....

**E30power** · 20-07-2009 03:34 PM

بما اننا دخلنا فى عالم الدرفتات.....
فى حاجة هتجننى بقى هطير برج من نفوخى.... هموا ازاى بيخلوا العربية تحفر وهيا واقفة فى مكانها؟؟؟
وازاى بتكبس بنزين وماسك فرامل فى نفس الوقت ودية شفتها كتير فى الدفع الخلفى يعنى لو شادين الهاند هتكون مفروض ماسة العجلة ومتلفش ولو الفرامل مهو اكيد بتمسك الاربع فرد برضك..؟؟؟؟!!!
هتولى حل بقى يقنعنى بالدوشة دية

**magyver** · 20-07-2009 03:39 PM

بجد سواااق ماهر جداااااا
وفعلا الدريقت دة احسااااااس ومعاة عربية بنت تيييييييييت خراافة

**fadynabil** · 20-07-2009 03:47 PM

يا راجل حرام عليك .. أول ماتشطح تنطح كده

كين بلوك مرة واحده ... الواد ده كارثة فعلا وهمي ... عنده تحكم فظيع ع العربيه

**tamertamer** · 20-07-2009 08:12 PM

اولا العربية هنا مش عربية عادية
اولا الهند بريك دية رياضى متكامل مع نظام العفشة الرياضى المتكامل الواصل الى قوة المتور والدفع الرباعى للسلاسة فى المنحنيات القوية وغير كدة وكدة انت عشان تعمل عربية ذى دية عايز مبلغ كبير وغير كدة كمان نوع الارضية المتبع عليها مثل هذة الانواع مش موجودة فى مصر احنا هنا فى مصر فقراء جدا فى مثل هذة الانواع انا كنت بحاول اعمل الحجات دية بس للاسف العملية عيزة مصريف جبارة فعلا واولا انت تبتدى تلف على رملة عشان تاخد على العربية ولازم تكون حافظ ابعدها حلو اوى ويستحسن تبقا هتش باك وتجبها دفع خلفى وتفرج على اللعب بس ابقا هات معاك بنك فلوس وانت جى

الموضوع: حب استطلاع مش اكتر الدريفت الواهم دى بيتعمل ازى

LinkBack

أدوات الموضوع

عرض

حب استطلاع مش اكتر الدريفت الواهم دى بيتعمل ازى - انشر الموضوع فى :

-

-

-

-

المواضيع المتشابهه

استطلاع. ايه اكتر حاجه تميز عربيتك عن غيرها فى وجهه نظرك

استطلاع رأي : ايه اكتر إذاعة بتشغلها في عربيتك

دريفت؟! هو ده الدريفت الأصلي .. أدخل اتفرج ومش هتندم

أى انواع السيارات بتسخن فى الصيف اكتر........ (استطلاع)

لازم تشوفوا محترف الدريفت المصرى

الكلمات الدلالية لهذا الموضوع

المفضلات

المفضلات

ضوابط المشاركة