*****كيف سنشتري السيارات بعد 30 سنة؟*****

**ahmed1981** · 17-10-2007 10:06 PM

تعالوا نتخيل معاً بصوت مرتفع
وليوضح كل منا ما وصل إليه خياله في موضوع:
(*****كيف سنشتري السيارات بعد 30 سنة؟*****)

أبدأ بتوقعاتي:
بدايةً أتخيل أن يقترب بيع السيارات من بيع الكمبيوتر التجميع
وعلى من يريد شراء سيارة التوجه للآتي:
1 - معارض لبيع الشاسيه والكابينة وأجهزة التعليق والتوجيه والعجلات حسب الحجم المطلوب
2- معارض للإكسسوار (ماكينات زجاج وتكييف وسنتر وفوانيس وأجهزة مساحات وكاسيت وإنذار إلخ ..)
3 - معارض مواتير وآلات جر (مواتير هيدروجين أو كهرباء أو وقود نووي أو وقود بترولي (إن تبقى شيء من البترول) أو وقود حيوي نباتي إلخ ..)
4 - معارض وحدات الطاقة والوقود (بطاريات وتنكات وآلات شحن)
5 - معارض الفرش والتنجيد (الكراسي وما يدور في فلكها)
6 - ورش التجميع والتركيب

وسواء تم ذلك على المستوى الفردي كما وضحت أو على المستوى التجاري كأن تقوم بذلك شركات تجميع بأعداد كبيرة (كل مدينة يكون بها ثلاث أو أربع شركات تجميع سيارات)
وسيكون هناك مقاييس وأبعاد محددة (استاندر) وبذلك تكون فيش الكهرباء ومسامير التركيب وأماكن الخزانات والتنكات والبطاريات تركب بطرق متعارف عليها
وقد نرى وقتها سيارة ذات شاسيه ألماني وموتور ياباني وفرش مصري ونظام وقود برازيلي وإكسسوارات صيني وكلها مجمعة في (شركة سوهاج لتجميع السيارات أو شركة مقديشو لتركيب السيارات) وسعرها رخيص
وهذا لا يمنع إستمرار الشركات العالمية الأم في الإنتاج ولكن بأسعار أعلى وإن كانت ستتسابق في إنتاج أجزاء لتبيعها لشركات التجميع المحلية في جميع أنحاء العالم (من ألمانيا إلى غانا)

وفي إنتظار توقعاتكم وتخيلاتكم

**ihab** · 17-10-2007 10:16 PM

و ممكن يبقى مكن بالكريدت كارد او مكن البيبسى و تختار الشكل و الصالون اللى على مزاجك تنزلك من فتحة مخصوص

**Ahmed Hassan** · 17-10-2007 10:27 PM

اظرف حاجه انك لما تحب تشتري تجيب العربيه بغرفه محرك كبيره علشان لما ربنا يكرمك و تحوش قرشين تروح تعمل UPGRADE و تشتريلك 2 سلندر و تزود بيهم الموتور و يبقى 6 سلندر :mrgreen:

**Abu Aly** · 18-10-2007 12:45 AM

:roll:

**Ahmed Anwer** · 18-10-2007 12:51 AM

اعتقد لو فضلت صناعة السيارات في نفس الإتجاه من حيث التخفيف في الخامات
اعتقد العربيات هتبقي زي علب الكانز
تجيب العربية لإستخدام شهر أو سنة و بعدين ترميها
بس تبقي مصنع من مواد قابلة لإعادة التدوير عشان البيئة :D :D :D

**hazem_khidr** · 18-10-2007 05:58 AM

مش حتختلف كتير عن انهارده لكن طبعا حيدخل وقود بديل و حيبقي في ضرايب باهظه علي العربيات لان البلد حتكون اتخنقت اكتر من دلوقتي .
جميع الكماليات اللي بنشوفها انهارده حتبقي من الاساسيات زي جميع اجهزه الامان السلبيه كالوسائد الهوائيه و الايجابيه كانظمه الفرامل و التعليق و ما الي ذلك و لن تكون مقتصره علي الفئات الكبيره فقط و لكن سوف تكون شامله جميع الفئات.
تعميم فكره الاطارات الحديثه التي تسير حتي لو بها ثقوب و ابتكار انواع جديده من المطاط .
طفره في تصميمات السيارات نستطيع تخيلها من طراز اف 700 لمرسيدس المعروض في معرض فرانكفورت الاخير.
اختفاء فئه السيارات السيدان للابد و سوف تكون مقصوره علي الفئات الفخمه فقط عدا ذلك لا اعتقد.
.................................................. ..................................................
ظهور الجيل التالت من ال 128 و يكون موتورها انجكشن مش كرابيراتير :D :D :D :D :D :D :D

**ahmad taha** · 18-10-2007 07:40 AM

1- شيري الصينية تتوقع انها ستتمكن من الحصول على المركز الاول عالميا خلال العام الحالي متخطية العملاق الكوري هيونداي
2- انباء عن تقليل الجمالرك على السيارات فئة 1600 cc خلال 5 سنوات في مصر
3- ابو الفتوح يبدأ في تجميع السيارة الفيتنامية (توتو) متوقعا الحصول على نصيب الاسد من السوق المصري
4- النصر للسيارات تجدد العقد لتجميع السيارة فلوريدا التي تناسب الاجواء المصرية الى جانب الانتاج المميز من نصر شاهين
5- مشروع قانون لالغاء تراخيص السيارات المصنعة قبل 1965

**IAbdou** · 18-10-2007 10:00 AM

اجهزه الامان السلبيه كالوسائد الهوائيه

:shock: :shock:

**Ahmed Anwer** · 18-10-2007 12:54 PM

ظهور الجيل التالت من ال 128 و يكون موتورها انجكشن مش كرابيراتير

:D :D :D :D

- النصر للسيارات تجدد العقد لتجميع السيارة فلوريدا التي تناسب الاجواء المصرية الى جانب الانتاج المميز من نصر شاهين

لأ أعتقد هتكون الحكومة باعتها من زماااااااااااااااان

**hazem_khidr** · 18-10-2007 04:53 PM

المشاركة الأصلية كتبت بواسطة Ibrahim Reda

اجهزه الامان السلبيه كالوسائد الهوائيه

:shock: :shock:

ايوه يا استاذ ابراهيم :) الوسائد الهوائيه من انظمه الامان السلبيه
بيقسمو انظمه الامان بره الي نوعين
active , passive
بمعني انظمه الامان السلبيه و انظمه الامان النشطه.
انظمه الامان النشطه هيا اللي بتعمل علي عدم وقوع الحادث زي انظمه الفرامل و انظمه التحكم بالتماسك و انظمه التحكم بالثبات و التوجيه الاكلتروني و ما الي ذلك.
انظمه الامان السلبيه و هيا دي اللي بتعمل علي حمايه الركاب وقت حدوث الحادث زي احزمه الامان و الوسائد الهوائيه سواء كانت اماميه او جانبيه و ما الي ذلك :)

الموضوع: كيف سنشتري السيارات بعد 30 سنة؟

LinkBack

أدوات الموضوع

عرض