اللى عايز يدخل فيلم كويس يروح فيلم احمد مكى

**Terrible_DaRsH** · 20-07-2009 05:10 PM

المشاركة الأصلية كتبت بواسطة human12

انا مش بحب احمد حلمى ولا افلامه و بشوف ان الموضوع غريب جدا انه واخد الشهره ديه

استاذ طارق

احييك بشدة ...

**tamohsen** · 20-07-2009 05:37 PM

[marq="6;right;2;scroll"]
فعلا فيلم مكي خرافي جدااااااااا
[/marq]

**elgabry1977** · 20-07-2009 05:44 PM

انا شفت احمد مكي في برنامج في رو تانا سينما بيقول انه فيلمه مقتبس من فيلم احنبي و احترمته أوي أوي وناوي اخد العليه و ادخل الفيلم ان شاء الله

**TaoTao** · 20-07-2009 08:50 PM

المشاركة الأصلية كتبت بواسطة moudy88

انا ناوي ان شاء الله اخش فيلم مكي ...بس اللي غايظني في الفيلمين بتوع حلمي ومكي انهم متاخدين من افلام اجنبي ...فيلم مكي من فيلمbedazzled .,... وفيلم حلمي من groundhog day ..وده يدل ان مبقاش فيه ابداع وبقينا بنعتمد على التقليد

أنا شايف إنه مش عيب أن يتم تمصير الأعمال الفنية طالما يتم الإشارة للاقتباس .. .بالعكس بيزيد الاحترام للفنان. والمثال الرائع اللي دايماً افتكره مسرحية "سيدتي الجميلة" اللي لا يمكن حد يتوقع إنها من كلاسيكيات المسرح الغربي .

كل علاقتي بالفيلم الأغنية بتاعته ظريفة جداً وعاجباني وكلامها جديد وموضوعها جديد وأحمد مكي ممثل ذكي وموهوب. (طبعاً بغض النظر عن فيلمه الأول دبور)

**moudy88** · 21-07-2009 12:21 AM

اولا :الفيلم ده هو الفيلم الوحيد اللي انا هخشه من يبن الافلام اللي في موسم الصيف لان من اشد المعجبين باحمد مكي .
ثانيا : انا ضد ان اي فيلم يتقلد حتى لو اعترف الممثل انه قلده ...لاننا كده هنفضل تابعين للغرب دائما ...ودائما الحاجه بتجيلنا على الجاهز ومبنتعبش فيها ...ويادوب نحور ونغير شويه فيها ...مبقتش فيه قصص مبتكره من اولها لاخرها ..لان الابداع في مصر اختفى في كافه المجالات ..زي العربيات .. اخدنا ال128 والشاهين وقعدنا نصنعها ولم نبتكر عربيه من صنعنا ....
وطبعا الفيلم ده مش تقليد اعمى زي افلام احمد ادم الفاشله (شجيع السيما والرجل الابيض المتوسط ) اللي كانت متقلده بالحرف وتعتبر ترجمه للفيلم الاجنبي..او فيلم ناديه الجندي اللي كان تقليد فيلم The Fugitive ...انما برده هيبقى قصته محروقه ومش هتحس بالاثاره لانك عارف تقريبا مجريات القصه ...

**AhmedGen2** · 21-07-2009 12:40 AM

فيلم تحفــــــة مش ممكن انا دمعت من الضحك ههههههههه وبجد دنيا سمير تمثيلها كان رائع جدا ً مش ممكن شخصية الساحل دى ، فيلم أحمد حلمى لسه هدخله الاسبوع دة وشكله جامد فعلا ً انا بعشق حلمى مفيش فيلم ليه دخلته ومعجبنيش.

**seaman** · 21-07-2009 02:14 AM

أحمد حلمى يكتسح فيلم فكره وله معنى وبرضه دمه خفيف أحمد حلمى نجم النجوم

**MohaMed_Refaat** · 21-07-2009 02:18 AM

المشاركة الأصلية كتبت بواسطة ezzat-fayek

الفيلم حلو
بس مش متفق معاك فيلم احمد حلمي جميل جدااا و في قصة و كوميدي لذيذ

+9999999999999

**NaGaTy** · 21-07-2009 05:06 AM

المشاركة الأصلية كتبت بواسطة moudy88

انا ناوي ان شاء الله اخش فيلم مكي ...بس اللي غايظني في الفيلمين بتوع حلمي ومكي انهم متاخدين من افلام اجنبي ...فيلم مكي من فيلمbedazzled .,... وفيلم حلمي من groundhog day ..وده يدل ان مبقاش فيه ابداع وبقينا بنعتمد على التقليد

فعلا عندك حق
وانا شفت الفيلمن دول الاسبوع اللي فات
مع اني كنت شايفهم قبل كده
ودخلت الفيلمين بجد
احنا بدأنا في مرحله الإفتقار للإبداع وابتكار الجديد
وهنبدأ قريب اوي في مرحله التقليد الأعمى