احذر من الصيني اختبارات التحطم مهم للغايه

**memo_p910** · 20-07-2009 03:51 PM

السلام عليكم
النهارده انا جايبلكم الفيديوهات دي علشان تشوفوا فشل السيارات الصينيه والي منعها من دخول السوق الاوربيه وده علشان هم الاوروبيون بيهتموا بسلامه مواطنيهم مش زي عندنا كل يومين نلاقي واحد واخد توكيل صيني ويحط شوية اعلانات ويكسب منها ويخلع بعد كده والمواطن الجاهل الغلبان هو الي يتورط ومنه لله الي كان السبب

الاختبارات دي هي اختبارات السلامه الاوربيه NCAP

نبدأ اولا بالسياره الصينيه الفاشله الاولى الجيلي وشوفوا رغم الوسائد الهوائيه دماغ السواق اتكسرت

http://www.youtube.com/watch?v=e34HuCt_qDU

ثانيا السياره الصينيه الفاشله الثانيه البريليانس الي توكيلها في مصر البافاريه علشان تعرفوا انه كله بينصب

http://www.youtube.com/watch?v=nzoRdDssL1w

ودي السياره الشيري 111 وشوفو السواق دخل في الجدار ومات موته شنيعه

http://www.youtube.com/watch?v=g5SRyG6UR2A

وعلشان تقارنوا بشكل افضل شوفوا مثلا الواجا الماليزيه الي اخدت 3 من 5 في الاختبار شوفوا الفرق

http://www.youtube.com/watch?v=Ee8mu8TEL_c

وأخيرا مستني تعليقاتكم على الموضوع ده وكل واحد يدلوا بدلوه وشكرا

**smax** · 20-07-2009 07:18 PM

طبعا دية فيديوهات مرعبة بس خلي بالك فيديو البريليانس دة قديم و قبل التعديل و العربية اتعدلت و اخذت 3 نجوم و اللينك بتاع الجالينا و بتاع السبليندور و اللينكات الاخيرة لبعض السيارات الصيني الجيدة و الرد في الموضوع التاني تحت:
http://www.nilemotors.net/Nile/showt...=84356&page=10

اعتقد كدة يعني في عربيات سيئة و عربيات اخري جيدة.

**memo_p910** · 21-07-2009 12:30 AM

المشاركة الأصلية كتبت بواسطة smax

طبعا دية فيديوهات مرعبة بس خلي بالك فيديو البريليانس دة قديم و قبل التعديل و العربية اتعدلت و اخذت 3 نجوم و اللينك بتاع الجالينا و بتاع السبليندور و اللينكات الاخيرة لبعض السيارات الصيني الجيدة و الرد في الموضوع التاني تحت:
http://www.nilemotors.net/nile/showt...=84356&page=10

اعتقد كدة يعني في عربيات سيئة و عربيات اخري جيدة.

ده مش صحيح دي اختبارات صينيه زيها زي العربيات الصيني بالظبط مافيش ولا عربيه صيني عدت الاختبار الاوروبي كلها فشلت بس انتم بتحاولو تقنعوا الناس بغير كده

**smax** · 21-07-2009 08:42 AM

المشاركة الأصلية كتبت بواسطة memo_p910

ده مش صحيح دي اختبارات صينيه زيها زي العربيات الصيني بالظبط مافيش ولا عربيه صيني عدت الاختبار الاوروبي كلها فشلت بس انتم بتحاولو تقنعوا الناس بغير كده

اللينكات امام الجميع كل واحد يقدر يقرر اذا كانت الاختبارات صح او صيني مضروبة ,
عندي عتاب عليك في جملتك الاخيرة لانها تعني اني بكذب علشان اقنع الناس و دة مش صحيح و ياريت زي ما قولت قبل كدة نحترم اراء بعض.