انا خلاص تعبت من التفكير انا محتار مبين اوبتر والنيو اكسنت والاثنين اتوماتيك الفرق مابين العربيتن حوالى 10 الاف انا بفكر اجيب الاكسنت واوفر فى الفلوس ولا انتو اية رأيكم ياريت يجماعة تنصحونى وتساعدونى وشكرا
عرض للطباعة
انا خلاص تعبت من التفكير انا محتار مبين اوبتر والنيو اكسنت والاثنين اتوماتيك الفرق مابين العربيتن حوالى 10 الاف انا بفكر اجيب الاكسنت واوفر فى الفلوس ولا انتو اية رأيكم ياريت يجماعة تنصحونى وتساعدونى وشكرا
الأكسنت شبابية أكتر و موتورها أنعم ......... و أعتقد أنها أفضل من الأوبترا
الأوبترا شكلها كلاسيكي قوي ........
شوف اللي يناسبك أيه و أتكل على الله فيه خصوصا أن الأختلافات الفنية و الكماليات مش كبيرة بين الأثنين .
لو مش هتفرق معاك المساحه الداخليه والشنطه
ومش مهم عندك المرايات الكهربا والفوج لايت
يبقى هات الاكسنت ووفر ال 10 الاف اكيد
انا رايى الشخصى الاوبترا
شكل احلى واكبر وثبات اعلى واوسع ومريحه اكثر
تحياتى
انا كمان بيعجبنى شكل الاوبترا اكتر من النيو اكسنت وبحس انها اوسع
النيو اكسنت مافيهاش عداد لحرارة الموتور و ده الخلانى ابعد عنها،هى عربية جميلة جداَ لكن عدم وجود العداد هيخليك ماتعرفش تراقب حالة الموتور خصوصاً فى الحر الاحنا فيه..
بدل العداد النيو اكسنت فيها لمبتين واحدة cold بتنور لما تكون العربية باردة و اول متسخن و تبقى درجة حرارة الموتور مناسبة للتحرك تطفى، اللمبة التانية hot بتنور لما العربية تسخن خالص و تبقى سخونتها اعلى من الطبيعي ممكن تنور عند 120 او 100 درجة محدش يعرف...
عداد الحرارة هيخليك تراقب درجة حرارة الموتور باستمرار و اى تغيير عن المعدل الطبيعي الانت عارفه هتشوفه و تقدر تتصرف بدرى قبل متسخن العربية قوى و يصوت الموتور و يقول الحقونى :diablo1:
بص حضرتك لو بتمشى بالعربية كتير فى الحر او هتستخدمها فى السفر تبقى النيو اكسنت مش هتنفع معاك فى و جهة نظرى، لو استخدامك خفيف يبقى ماشى....
ارجو اكون فدتك
م/نادر جرجس
شكرا ليكم يا جماعة انا خلاص حجزت الاكسنت واسف على تعبكم معايا
الف مبروك يا عمر باشا