تلف البلى الامامى

**khalid9411** · 20-07-2009 08:55 PM

ممكن لو سمحتم تخبرونى ما اعراض تلف البلى الامامى للعجل الامامى فى المشى؟ ونه ولا ايه؟ وما اسعارهم؟ وما هى اجود وافضل الانواع لانى سمعت ان جميع رمان البلى فى السوق مضروب

**samirayad** · 21-07-2009 12:08 AM

من أعراض تلف البلى الأمامى ..............

1- صدور صوت خشونه ونحر وونه وصفير من عند منطقة العجل امامى (يمين أو شمال )

2- وجود مقاومه الى حد ما تعوق سحب السياره حينما يحدث قفشان للبلى ....أو البلى يفرط ......

3- أحيانا من الممكن حدوث رجه وهزه على المحاور الأماميه حينما تتلف شبكة البلى الداخليه .....حيث يكون الظرف الداخلى للبليه لا ينفل الحركه جيدا من البلى الى الظرف الخارجى للبليه نفسها .....وبرضه ده حيكون مصحوب بخشونه وصفير وخلل فى عملية نقل القدره من الظرف الداخلى الى الظرف الخارجى (المشحوط فى الصره ) يعنى العمليه بتبقى مفصوله عن بعضها ومفيش نقل جيد للقدره .....لأن وسيلة نقل القدره من محور الكبالن الموجودعليه الظرف الداخلى الى الظرف الخارجى بتاع صرة العجله هو البلى نفسه .........

- بس أهم مؤشر أحنا بنعتمد عليه فى تواجد تلف للبلى هو الصفير والخشونه والونه .....على قدنا يعنى ...........!!!!!!!!!

وما اسعارهم؟

حسب النوع والشركه الصانعه للبلى

وما هى اجود وافضل الانواع

skf.....و fag .......وفيه نوع يابانى كويس برضه .........والأنواع الكويسه دى بتكون غاليه (البليتين يعملوا فى حدود 200 ج ......بصوره تقريبيه )

لانى سمعت ان جميع رمان البلى فى السوق مضروب

زى مافيه الكويس .....فعلا فيه الوحش .....حتى فى البنى آدمين ................مش كده ولا أيه !!!!!!!!!!!!

**ابو فرح** · 21-07-2009 05:54 PM

انا لسه مغيره وفى مركز صيانه وكان البليتين عاملين 180 ونوعهم ايطالى وخدو مصنعيه فكوتركيب 100

**khalid9411** · 21-07-2009 09:26 PM

شكرا لكم جميعا للمهندس سمير والاخ زازو

**waleed_home** · 21-07-2009 09:53 PM

باشمهندس سمير

هو حضرتك تقصد ان كل عجلة فيها بليتين واحدة داخلية وواحدة خارجية

**samirayad** · 21-07-2009 10:15 PM

عندنا وفى معضم أنواع السيارات ....كل صره عجل بيركب فيها بليه واحده فقط من نوع رولمان البلى الأسطوانى العدل cylinderical roller bearing .....القطعه رقم ( 4) على الرسم المرفق.......

**samirayad** · 21-07-2009 10:25 PM

ده أيضا نفس نوع البلى الأسطوانى العدل اللى بيركب قدام .....ومنشال من البليه الظرف الداخلى لها .....لتوضيح شكل أسطوانات التحميل العدل ( اللى بنقول عليه بلى ).......بس هو أسطوانات مصمته .....ولكن جرت العاده ....على تسمية أى نوع من البلى ....بلى وخلاص .....بس كل نوع بلى وليه خصايصه ووظائف معينه فى دواير التشغيل الهندسيه ( بلى كروى صف واحد - بلى كروى صفين - بلى أسطوانى - بلى مخروطى - بلى بلح ووووووووووووو ) أنواع كتير جدا .......بس النوع بتاعنا هو اللى فى الصور المرفقه ..........طيب ليه عملوا البليه دى كده ومعملوهاش كروى .......لأن الكروى ممكن يفرط بسهوله ......وبالذات لما يكون فيه رجه على السرعات (عيوب الترصيص مثلا )

**waleedrahmy** · 22-07-2009 01:02 AM

فعلا زي ما سمير باشا ماقال بلينا بلي بلح

**khalid9411** · 22-07-2009 04:28 AM

دنيا تانيه يا عم وليد

**agwaa** · 22-07-2009 09:17 AM

السلام عليكم

أعراض الأمامي تلف البلي
ببساطة ( وعلى حد علمي ) سماع صوت غريب في العجلة ( ونة زي ما بيقولوا الميكانيكية ) وتلاحظ بجسها سخونة عن مثيلتها في الناحية الآخرى ودة طبعاً بعد التحرك بالسيارة لأن في الغالب البليتين الأماميتين ( وكذلك الخلفيتين ) لا يتلفوا في وقت واحد ...

أما عن أنواع البلي :-

فأحسنهم على الإطلاق skf وهو منه ألماني الصنع وفرنساوي الصنع
يليه في الترتيب الياباني وأشهر نوع في الياباني ال ntn سوري في اللفظ التالي ( نتن ) وهذا للحفظ وليس للتقييم أنا شخصياً بأفضله سواء للسيارة أو لأغراض أخرى -ودي موش دعاية والله - يليه في الشهرة بالنسبة للياباني ال nachi وال koyo
أما عن ألإصلي والمضروب فالأصلي تجده مكتوباً عليه بالليزر ( كتابة محفورة ) الماركة وبلد الصنع علاوة على رقم البلية كما أن الكيس البلاستيك الموجودة فيه البلية داخل العلبة الكرتون مبرشم من الشركة الأصلية كما أن شكل البلية معروف ولكن هذا بالممارسة ..
وربنا موش يكفينا شر المضروب ..ربنا يكفينا شر تجارنا المفتحين الذين يتفننون في جلب وإستيراد المضروب ....

أما عن الأسعار فحسب رقم البلية والذي يدل على حجم البلية وعموماً سعر ال skf يزيد عن سعر الياباني ضعفين أو ثلاثة أضعاف تقريباً

الموضوع: تلف البلى الامامى

LinkBack

أدوات الموضوع

عرض

-

-

-

-

المواضيع المتشابهه

حد غير البلى الخلفى فى الشاهين قبل كده ؟؟؟

كل البلى مغشوش واله اية

كل البلى مغشوش واله اية

سؤال عن البلى

رومان البلى

الكلمات الدلالية لهذا الموضوع

المفضلات

المفضلات

ضوابط المشاركة