مشكلة محيرة بالنوبيرا

**wessamshaheen** · 21-07-2009 12:47 PM

الي الأخوة الأعزاء , المشكلة هي أن ضوء Check بالتابلو نور و مروحة التكييف طفت و الزجاج أمامي و خلفي لا يعمل و المرايات يمين وشمال لا تعمل , كل ده لمدة حوالي 15 دقيقة ثم رجعت كل حاجة تعمل عادي و ضوء Check بالتابلو انطفأ , و تكرر ت هذه المشكلة أكثر من مرة و لكن ليست علي فترات متساوية . أرجو ا منكم الأفادة في هذه المشكلة .

**pop3** · 21-07-2009 01:48 PM

تروح التوكيل تحط العربية على الإسكانر, علشان تعرف لمبة التشك نورت ليه بالظبط لأن كل مره اللمبه بتنور فيها بتسجل العطل في history بتاع كمبيوتر العربيه , ويعدين حدد انت هتصلح العطل مع التوكيل و لا بره

**marawanshahin** · 21-07-2009 02:44 PM

على فكرة العيب ده كان موجود فى عربية واحد صاحبى موديل 2003 و حصل من 2004 بس العربية خرجت من الضمان نتيجة الكيلومتر العالى. روحت بيها التوكيل قالى حنغير 3 حساسات ب 2000 جنيه تقريبا بس أنا ماقتنعتش.روحت بيها للكهربائى القديم بتاعى و ماكانتش بتعملها على طول شوية كدة و شوية كدة بس لغاية لما بقة تقعد كدة يوم كامل.الكهربائى قالى أكيد فى ضعف فى سلكة واصلة بين مفاتيح ظبط التكييف و زرار ac وبين وحدة التحكم بتاع الزجاج الكهرباء الرئيسية فى باب السواق اللى لو بايظة باقى الزجاج مش حيشتغل و فعلا فك التابلوه من عند مفاتيح التكييف و كذلك مفاتيح الزجاج لقى سلك مشترك بينهم قاس قوة التيار فيه باللمبة وجده ضعيف جدا, بعد كده غيرناه و قفل الحاجات زى ما هى والعربية قعدت 3 سنين بعدها لغاية أما باعها ما عاملتهاش تانى و كلفت 45 جنيه(5ج السلك بالمكرونة بتاعته+20ج مصنعية صاحب الورشة+20ج بقشيش الكهربائى)على فكرة لمبة التشيك كانت بردو بتنور و الموضوع مش صعب بس عايز كهربائى شاطر أوى و صبور بيتهيألى التوكيل ما كنسش يعرف يصلحها و ده السيناريو اللى حصل بالظبط بس ممكن تكشف عليها بالسكانر الأول و بعد كدة قرر.

**samirayad** · 21-07-2009 04:11 PM

طيب ما تأمن كل الفيوزات والكتاوتات فى علبة فيوزات الغرفه .....وعلبة الفيوزات الصغيره بالصالون وتابع الآداء .....يمكن تكون فيوزات مهزوزه بتاعة وحدة التحكم ....أو كتاوت الأشعال ign 1 ..........يعنى أمن كل حاجه كويس فى العلب وتابع الآداء الأول .....يمكن حاجه بسيطه

**samirayad** · 21-07-2009 04:12 PM

[QUOTE
طيب ناتأمن كل الفيوزات والكتاوتات فى علبة فيوزات الغرف .....وعلبة الفيوزات الصغيره بالصالون وتابع الآداء .....يمكن تكون فيوزات مهزوزه بتاعة وحدة التحكم ....أو كتاوت الأشعال ign 1 ..........يعنى أمن كل حاجه كويس فى العلب وتابع الآداء الأول .....يمكن حاجه بسيطه
][/QUOTE]

**samirayad** · 21-07-2009 04:13 PM

[QUOTE
طيب ما تأمن كل الفيوزات والكتاوتات فى علبة فيوزات الغرفه .....وعلبة الفيوزات الصغيره بالصالون وتابع الآداء .....يمكن تكون فيوزات مهزوزه بتاعة وحدة التحكم ....أو كتاوت الأشعال ign 1 ..........يعنى أمن كل حاجه كويس فى العلب وتابع الآداء الأول .....يمكن حاجه بسيطه
][/QUOTE] سورى على التكرار فى الأرسال ........ومش عارف صندوق الرد السريع ماله معايه ............ربنا ييسر الحال لفريق الدعم الفنى ........لو كان هناك تحسينات بالمنتدى