أرجو المساعدة ضرورىىىىى

**moroz** · 21-07-2009 02:04 PM

السلام عليكم,

أنا معايا نوبيرا 2 و لسه واحده بنت حلا ل دخلتلى فيها من الجنب اليمين قدام فى الرفرف و الاكصدام و الفانوس, فالمهم رحت على السمكرى و قالى أنه هيرد الرفرف على البارد بس مش ده المشكلة, المشكلة فى الاكصدام أنه اتقطع بالطول من الشفة الى تحت الرفرف فنزلت سألت عليه عند منير الى فى فيصل قالى الصينى 130 و التايوانى 150 و بعد كده رحت لابو الحسن قالى الأصلى ب750 و الصينى 150 و نزلت التوفيقية واحد قالى عنده كورى بس مش أصلى ب275 و الأصلى 375 فا مش عارف ايه العمل و أصدق مين و لو جبت الأصلى أعرف منين أنه أصلى و ايه فرق السعر الرهيب ده بين أبو الحسن والتوفيقية (من 750 ل 375), و سألت واحد بتاع استيراد قالى ب500 و ممكن يجبلى لون العربية بس مش عارف برده اعرف الاستيراد ده يبقى كويس ازاى؟؟؟ وهل القطع الى فى الشفة بالطول ده ممكن يتلحم وهيبقى كويس ولا ايه النظام

و بالنسبة للفانوس منير قالى التيوانى ب150 و فى التوكيل 450 أصلى و أبو الحسن 475 أصلى و التوفيقية واحد قالى 450 واوحد قالى 400 , فا برده مش عارف ازاى أبو الحسن أغلى من التوكيل ومنين برده أعرف أنه أصلى؟؟؟؟؟