عااااااااجل عااااااااجل سؤال بخصوص لمبة الدينامو

**Falcon** · 18-10-2007 03:09 AM

السلام عليكم
النهاردة بليل جيت أدور العربية مرضيتش تدور من أول مرة كنت أجي أدور العربية مكنتش بتقوم خالص زي متكون البطارية مفصولة المهم نزلت بصيت على البطارية لقيتها تمام المهم رحت مكارك بنزين وانا بدور لحد ما العربية دارت بس لمبه الدينامو فضلت منورة المهم قلت أكيد البطارية مش شحنة مشيت بالعربية حوالي ساعتين كده لمبة الدينامو طفت ورجعت اشتغلت تاني لحد ماوصلت البيت ركنت العربية استنيت شوية جيت ادور مادترتش يعني لازم زقة.
المهم انا ان شاء الله هروح عند الكهربائي بكرة بس تفتكروا العيب ده مين ايه ايه ممكن يكون حصل للدينامو وعلى فكرة سير الدينامو اعتقد انه سليم لان مكنش فيه صرخة.
العربية نيسان صني 84.

**ahmedsrs** · 18-10-2007 03:16 AM

ممكن تكون كتاوت الدينامو او سلك الأرضى بتاع المارش مش مربوط كويس

**hazem_khidr** · 18-10-2007 05:11 AM

اكشف علي البطاريه الاول ممكن تكون ناشفه.
لو مش كده يبقي زي ما اخونا احمد قالك يكون كتاوت الدينامو
لو مش كده قيس الشحن بتاع الدينامو احتمال يكون عاوز صيانه

**ihab** · 18-10-2007 09:40 AM

سير الدينامو لو مقطوع او مرخى شوية لمبة الدينامو حاتنور عندك
بس لاحظ مؤشر الحرارة لان غالبا السير بيبقى معاه الدينامو و طلمبة المياه

**PAYOO** · 18-10-2007 09:53 AM

يا أخي خضيتني أفتكرتك بتتكلم عليا بس لقيتك بتتكلم على دينامو عربيتك مش دينامو المنتدى

شوف بقى يا سيدي في أكثر من سبب أن الدينامو مايشحنش البطاريه أولها ان الشربون بداخل الدينامو يكون قد تأكل أو أن البطاريه تلفت أو أن السير قد يكون مرخي

على أية حال أرجو أن تقول لنا سبب العطل بعد أن تقوم بالأصلاح لدى الفني المتخصص وأنصحك أن تقوم بتغيير (رولمان البلي) بالمرة "وعلى فكره مش غالي" بس كده يبقى هاتريح نفسك من الدينامو ده خالص

**Adham** · 19-10-2007 08:39 PM

السير مرخي

او

سلك مهوي و بيلمس

او

كتاوت دينامو

او

بطارية ضعيفة ومنتهيه ومش قابلة شحن

او

عيب في الدينامو نفسة شربون او مخدات ملفات

لازم كهربائي كويس و امين يشوفهالك

**Falcon** · 20-10-2007 11:59 AM

ميرسي أوي ليكو يا جماعة على حلولكم ومعلش انا اتأخرت عليكو في الرد لاني سافرت ولسة راجع حالا.
بالنسبة للمشكلة قبل ما اروح عند كهربائي اخدت بطارية من صديق لي وركبتها عندي المهم اول ماركبتها العربية ولله الحمد دارت علطول وطبعا لمبة الدينامو طفت المهم طلعت على الكهربائي كشف على البطارية وقالي ان فيه ربع في البطارية المياة بتاعتة مش نضيفة المهم فضي كل المياة اللى في البطارية وحطلها مياة جديدة وركبنا البطارية والحمد لله العربية دارت وسافرت بيها يوم الخميس ولسة راجع من شوية (اليوم السبت) والحمد لله كله Peace.
الحوار ده اتكلفة 10 ج 8) 8)

**Adham** · 20-10-2007 01:55 PM

بس برضة كدة البطارية انتهت و حاتحتاج بطارية جديدة خلال ايام

**Falcon** · 20-10-2007 02:57 PM

المشاركة الأصلية كتبت بواسطة Adham

بس برضة كدة البطارية انتهت و حاتحتاج بطارية جديدة خلال ايام

انا هستني لحد متجيب اخرها خالص .. وان شاء الله هغير
سؤال ؟! ايه الاحسن البطارية الجافة ولا السائلة وايه اللى بيعيش اكتر.
الجافة اغلى 100 جنيه عن السايلة طيب ليه كل البطاريات متبقاش جافة خاصا ان فرق السعر موش كبير؟؟!!

**Adham** · 20-10-2007 03:15 PM

الجــــــــــــــــــــــ ـــــــــــافــــــــــــ ـــــــــــــــــــة

الموضوع: عااااااااجل عااااااااجل سؤال بخصوص لمبة الدينامو

LinkBack

أدوات الموضوع

عرض

عااااااااجل عااااااااجل سؤال بخصوص لمبة الدينامو - انشر الموضوع فى :

-

-

-

-

المواضيع المتشابهه

عااااااااجل

استشارات بسيطه عااااااااجل جداااااا

من الهرم الى مدينة نصر - ش الطيران عااااااااجل

عااااااااجل جدا مطلوب نيسان صني 2001 او 2002

الكلمات الدلالية لهذا الموضوع

المفضلات

المفضلات

ضوابط المشاركة