تساؤلات لصيانة 5000كم/3شهور صنـــــــي

1- انا عملت صيانة الالف و كنت كملت شهر بالعربيه ,لو تخطيت 3 أشهر أعمل صيانة الصني في السبع و لا أكمل 5000كم ؟
------------
2- بعد اسبوعين من استلامي للصني لاحظت البطاريه طفحت على الكبوت من جوه وسابت اثر و كمان اكتشفت امبارح ان حوض البطاريه برضه لسه فيه تسريب على الرغم اني قستها مزبوطه و مستوى السائل مزبوط فعملت غطا كاوتش فوقها, هل من حقي تغييرها باخرى جافه في الضمان؟
-----------
3- ممكن حد يوصفلي أروح يونايتد جروب فى الدراسه ازاي من مدينة السلام؟
-----------
4- سؤال أخير الكوبونات الخاصه بالصيانه تنفع في اي مركز صيانه نيسان؟

اعذروني لكثرة الاستفسارات

الأسئله صعبه؟ ولا مشمذاكرين؟
22 مشاهده بدون مشاركه !!! بجد احرجتوني
الخوف تكون المشاهدات دي انا اللي عملتها

اولا : الف مبروك على السيارة
الصيانه الجايه لمل تكمل 5000 كيلو
بالنسبه للبطاريه حاول تكلم اى توكيل و اساله يمكن تقدر تغيرها انشالله بواحده سائله بس تكون احسن
بالنسبة للطريق من مدينه السلام : هتاخد الطريق الى هيطلعك على صلاح سالم و تفضل ماشى فيه لغايه المرور بعد دار مناسبات الشرطة مباشرة . تدخل يمين فى يمين لحد بنزينة هتلاقى توكيل يونيتد جروب امامها شمال.
كوبونات الصيانه تقدر تستعملها فى اى توكيل
و يفضل تحجز الصيانه مسبقا بالتليفون

اتمنى انى اكون افدتك و التمس لى العذر لو كان فى شى مش واضح

اشكرك من كل قلبي
وبارك الله فيكم

ارجو تعرفنا الاخبار لما ترجع من التوكيل . معلومه الجافه احسن بكتير لو تعرف تغيرها من التوكيل جافه يكون افضل وانشاء الله ترجع من التوكيل كل مشاكلك محلوله

انا لسه عامل 1600 كيلو بس و جدول الصيانه بيقول 5000 او 3 أشهر و انا استلمتها 18\6
و على الرغم ان مركز السبع قالولي بالتليفون انها 5000 او 6 شهور (زي ماهو مكتوب يا افندم) برضه انا حاسس ان اللي ردت عليا مكنتش مركزه.