عرض للطباعة
مساء الخير
كنت عايز أعرف مواعيد أفريكا بارك اللي علي طريق مصر إسكندرية و رسوم الدخول و الزيارة بتستغرق قد إيه تقريباَ ؟
و هل ينفع أروح الساحل من غير ما أكون مأجر شاليه في قرية ؟ انا مجربتهاش قبل كدة .. بس انا هروح و أجي في نفس اليوم و مش معايا شاليه .. هل فيه قري ممكن أخشها بتذاكر مثلاَ و أستخدم الشواطئ بتاعتها -غير مارينا عشان زحمة- و إيه النظام ؟
شكراَ مقدماَ .
افريكا فاتحة من 9 الى 8 مساءا
الجولة بالسيارة تستغرق حوالى ساعة ونصف لكن ممكن تقضى معظم اليوم فيها
التذكرة للسيارة الواحدة حتى لو كنت لوحدك او فيها عشرين هى 250 جنيه
الساحل الشمالى: القرى هى كيانات خاصة ملك لاصحابها لكن لو حضرتك تعرف حد حتقول اسمة على البوابه ورقم الشالية وتدخل تقضى اليوم اما معاه او لوحدك فى القرية
مفيش قرى بتذاكر والا ما تبقاش خاصة
فيه مكان ممكن تقضى فيه يوم على البحر Day Use وهو فندق عايدة فى الكيلو 72 بجانب قرية المنتزة والشط بتاعه جميل جدا
حتدفع فيه رسوم الداى يوز اللى ممكن تاكل او تشرب بيهم بس حاليا معرفش هو كام
وعندك العجمى ببلاش حتجيب معاك شمسية او تاجرها على الشط
ارجو ان اكون افدتك
افريكا بارك الدخول ب250 وحلوة جدا وفيها مطعم البحيرة وهيا عائلية وحلوة وممكن تروح مارينا بس البحر بتاعها مش حلو لو معاك اطفال
Africa Park ادغال داخل الصحراء
فى بعض القرى فى الساحل الشمالى بتدخلها بتذاكر
اللى فاكرها كويس منهم مراقيا.......عشان كنت بدخل كتير أجيب حاجات من السوق
و أنا داخل كنت بقول أنا داخل السوق......و التذكرة كانت ب 10 جنيه بس مش عارف للفرد و لا العربية لأنى كنت ببقى لوحدى.
اقتباس:
المشاركة الأصلية كتبت بواسطة ahmed a.maksoud
طيب ياريت حد يقولنا اكتر عن افريكت بارك و بيتعمل فيها ايه؟ هى من القاهره كام كيلو تقريبا؟
أضغط على الكلام اللى فى أول سطر هيوديك على موضوع معمول عن أفريكا باركاقتباس:
المشاركة الأصلية كتبت بواسطة _khaled_