تحزير من الكماين فى الشوارع الداخلية

الحكاية تبداء انى كنت رايح لواحد صحبى ساكن فى شارع جانبى عادى جدا فى المنطقة الاولى لحى مدينة نصر المهم وانا ماشى لقيت فى شارع جانبى خلف طيبة مول كمين جريت لبست الحزام
دخلت يمين لقيت كمين تانى رحت بسرعة لبست الحزام تانى شوية وخلت شمال لقيت كمين ثالث
قلت بس اكيد فى حاجة جريت بردة ولبست الحزام رحت لصحبى لقيتة تحت البيت قلتلة البس الحزام واعت اتحايل علية المهم لبسة لسة طالع من شارع جانبى اخر موازى لعباس العقاد اذا بى القى كمين رابع
اربع اكمنة فى شوارع جانبية بحتة القصة ان انت ممكن تربط الحزام بتاعك بس قلى اعد جنب قليل لما بيلبس الحزام وهنا تيجى المخلفة دة لو سعتك كنت ربطة اساسا او كان معاك رخصة مثلا متكنش نازل تشترى حاجة مثلا
يعنى الكمين الاول بينبهك
الكمين الثانى بيفوئك
الكمين الثالث بينعنشك
الكمين الرابع بيعلمك

لذالك تعطى وزارة الداخلية كورس موكسف لعملائها من المواطنين هذا الكورس الموكسف وثمنة اربع مخلفات فقط لا غير لتعليم السائق الالتزام رغم انفة وفى النهاية كلة عشان مصر

ربنا يستر طريقنا ويكفينا شرهم واستهبالهم

نحط 30 %مبالغة :d وشكرا عالتنبيه

اقتباس:

---

المشاركة الأصلية كتبت بواسطة askanas

نحط 30 %مبالغة :d وشكرا عالتنبيه

---

انت لو شفت بعينك كنت عرفت ان مفيش مبلغة خالص خالص الكلام دة حصل وممكن تسال اى حد ساكن فى المنطقة دية واكيد شاف بتاع 2 الى 3 كماين فى اى مشوار

امشى عدل يحتار عدوك فيك



انا لو رايح آخر الشارع بلبس الحزام يعنى حخس ايه.

امشى عدل يحتار عدوك فيك

أكون سعيد جداً لو الموضوع إستمر ويكون الغرض الحقيقي هو المحافظة على النظام

اقتباس:

---

المشاركة الأصلية كتبت بواسطة nasr-eldeen

أكون سعيد جداً لو الموضوع إستمر ويكون الغرض الحقيقي هو المحافظة على النظام

---

بس يكون الغرض كدة مش تقليب المواطنييييييييييييين :dzey:

مره ع الدائرى كان فى 2 كمين بينهم حوالى 2 او 3 كيلو فقط !!!!!!!!!!!!!!!!!!!

الكماين بتكتر فى يونيو وديسمبر - علشان تقفيل الميزانيه
صدقونى اخر حاجه بيفكر فيها بتوع المرور هى سلامة المواطن - الفكه والدخل المفروض على العسكرى والامين ولزوم ددخل الوزاره هو المهم
الظابط اللى بيروح المرور بواسطه زمايله بيبصوا له على انه مسافر امريكا - بقى لو دى وظيفه تكليف مش تهليب كانوا حسدوا بعض عليها ؟؟

أكيد كانوا بيدوروا على حاجة معينة في المنطقة دي بالذات

وإلا يبقوا بيستخفوا دمهم طبعا .. أنا ساعات بنزل أجيب عيش مثلا أو أي حاجة قريبة وأنسى المحفظة بتاعتي كلها لا تقوللي بقى رخصة ولا بتاع ده حتى مافيش بطاقة .. وعلى القسم لغاية مايعرفوا أنا مين ... ياحلاوة

:dzey::dzey:

انا كنت عند طيبه مول من حوالي 4 ايام كدا وقابلت كمين في الشارع اللي وراه

ومن يومين عالزراعي كان في كمينين رادار بينهم 7 كيلو

عادى جدا اربط حزامك من اول ما تخرج من بيتك وشوف الانوار بتاعت العربيه على شان ما تخدش مخالفه على الانوار وخلى عربيتك سليمه دايما واعمل كل حاجه صح وهو ده هيكون التحدى ليهم انا بعمل كده احنا الى بنشجعهم على كده طول ما فيه ناس بتعمل غلط طول ما فيه مخالفات ايه رايك لو تعمل الصح هو ده التحدى وفعلان هما مش بيعملو كده لمصلحتى على شان هو ملوش اى علاقه بالحزام ده حاجه راجعه ليا انا شخصيا اتعور اتكسر انا حر فى نفسى الدافعه الاساسى فعلان ليهم هو لم الفلوس وخلاص على شان كده انا بقول عليهم شحاتين زى ما بتعامل الشحات بتاع الاشاره وتقفل الزجاج عاملهم بس دول ليهم طريقه تانيه وهى امشى صح فى كل حاجه ولو حد كلمك منهم ساعتها انزل و بالجزمه على دماغه ولا يهمك فى النيابه قول الى انت عاوزه وهو الى هيضرر مش انت بس تكون انت صح فى كل حاجه وبس على كده لو الشعب كله عمل الصح الناس دى صدقنى مش هتلاقى اكل تاكله على شان اصلا الميزانيه بتاعت الدوله كل سنه فيها عجز بال 20 مليار وارقام غريبه وهو ده اكبر تحدى ليهم

طيب ما يمكن يكون في جريمة حصلت في المنطقة دى ؟

هو لما يكون فى حاجة حصلت زى سرقة او جريمة بتلاقى عاملين القلق دة لكن غير كدة مفيش

اقتباس:

---

كورس موكسف

---

ألذ ما في الموضوع كلمة موكسف دي !!
وطبعاً المقصود مُكثف!!
ولا تعليق!!!!!!!

هو اكيييييييييد كان في حاجه كبيره حصلت في المنطقه دي
لأن انا عارف الشوارع دي كويس وعلى طول هناك وعمري ماشفت كده ولا ربع كده حتى

بتحصل .. حتي في الرادارات .. في الطريق الصحراوي الغربي 2 رادار ورا بعض في مسافه 10 كيلو.

الكلام دة يبقا مظبوط لو كماين شرطة مش كماين مرور يعنى هما لو بيضورو على حاجة ملهمش دعوة بالحزام وعلى فكرة ابلية بكام يوم رئيس حى مدينة نصر مر على المنطقة الاولى وهاتك يغرمات وقفل كل المحلات قلى مش مرخصة يظهر رئيس الحى جديد او فائق من الغيبوبة فى نشاط غير عادى فى مدينة نصر على جميع المستويات ليكون الريس هيجلنا هنا

دلوقتى ممكن تلاقى كمين فى اى مكان عشان يزودوا الدخل القومى لظباط المرور

لسة من يومين ابن عمى واخد مخالفة عكس سير ودفع 1250 جنيه وكده بس من غير حبس عشان مفيش ولا يافطة ولا عسكرى ولا حاجة تدل على انه عكس سير
لما قال هعرف منين مفيش حاجة بتدل على اتجاه الطريق الظابط قاله ما احنا مش هنحبسك هتدفع الغرامة وبس

اقتباس:

---

المشاركة الأصلية كتبت بواسطة baskota

دلوقتى ممكن تلاقى كمين فى اى مكان عشان يزودوا الدخل القومى لظباط المرور

لسة من يومين ابن عمى واخد مخالفة عكس سير ودفع 1250 جنيه وكده بس من غير حبس عشان مفيش ولا يافطة ولا عسكرى ولا حاجة تدل على انه عكس سير
لما قال هعرف منين مفيش حاجة بتدل على اتجاه الطريق الظابط قاله ما احنا مش هنحبسك هتدفع الغرامة وبس

---

انت واثق ان الى عمل كده فعلان ظابط شرطه حقيقى !!!!!!!!!!!!

اكيد ده عيل نصاب وعامل ظابط وبعدين دفع المخالفه ده بيكون بعد النيابه مفيش حد بيدفع للظابط؟؟؟؟

ادفع للظابط مخالفات التصالح الفورى الى هى زى الحزام موبايل لكن عكس دى لازم نيابه

وان كان ظابط ومفيش لا علامه ولا عسكرى دفعت ليه ادخول النيابه وقول الى حصل او اضرب الظابط ده وخليه زيه زى القطه

انا لسه شايف واحد عربى تقريبا سعودى ماسك ظابط نازل فيه ضرب وشتيمه ويقوله انه هيعمل شكوى فى السفاره كمان والظابط واقف تمام اكن حسنى مبارك هو الى بيضرب فيه فيه ظباط بتستهبل ومش لازم تكون انت كمان عندك تسيب اضربه بالجزمه

لا ما هو راح النيابة والكلام ده
بس قصدى انه هيدفع رغم ان مفيش يافطة ولا حاجة تدل على انه عكسى