طرمبه البنزين...

**ابو فرح** · 21-07-2009 06:10 PM

العربيه كانت مخنوقه وغيرتلها جميع الفلاتر ومازالت مخنوقه روحت للميكانيكىقالى العيب من الطرمبه المهم فكها ولقا المصفه بتاعتها تقريبا مسدوده نضفها بس لما جه ركب الطرمبه العربيه بقت تاخر فى الدوراه بتدور من تانى مره المهم انا عوزاشتر ى واحده تعمل كام ومنين

**mahfouz1983** · 21-07-2009 07:02 PM

انا اعتقد كدا العيب عندك دلوقتي عيب رشاشات فياريت تجرب تنضفها او تغير الرشاشات وبعدين طرمبه البنزين الاصلي في حدود 650 جنيه والصيني في حدود 250 والمستعمل في نفس الحدود

**khalid9411** · 21-07-2009 09:23 PM

رشاشات الهونداى موفرة للبنزين

**samirayad** · 21-07-2009 11:30 PM

طيب ماتعمل شوية نظافه (فيش الرشاشات - فيشة البوبينا - تكشف على البوجيهات ولو كويسه راجع على الجاب أو الثغره بتاعتها ) وبرضه راجع على خرطوم حساس الماب ....يكون سالك وتمام من جواه ......وبعد كده أعمل مشوار كويس على طريق سريع لكنس الشكمان وترويقه .....يمكن ربنا يصلح الحال ....أصل الطلمبه برضه غاليه شويه ( واحد صديق قالى أنه شاريها من حوالى سنه ب 550 ج تقريبا )...........يعنى حاصر المنطقه كويس الأول .....وأهو موضوع الطلمبه كده كده معانا وخليه فى النهايه ......حتى بعد ماتطمن على الرشاشات كمان ..........لأن ممكن تغير الطلمبه وتكون اللى عندك كويسه ومعقوله .....فخليها آخر المطاف ...........ياريت برضه تطمن على الفرامل (متكونش الجنوط الأماميه بتسخن مثلا ) .....أو يكون البلى اللى غيرته مش كويس أو متركبش صح مثلا (لاقدر الله ).....يعنى الأطمئنان مطلوب فعلا الأول قبل قرار الطلمبه .........وسورى يجب عليا أنى أاقولك على كل اللى يجىء فى بالى .....لأنك زميل .....وده حق الزماله برضه ........

**ابو فرح** · 21-07-2009 11:41 PM

شكرا على ردك يا بشمهندس سمير بس انا لاحظت ان الخراطيم او الموسير اللى على وش الطرمبه بتسخن فممكن ده يكون عين متور الطرمبه

**samirayad** · 22-07-2009 12:02 AM

مأعتقدش أن سخونة موتور الطلمبه ....تعمل سخونه على الخراطيم اللى على وشها بالوصف ده .....وأكيد السخونه دى عاديه ....بسبب حرارة الجو المحيط للخراطيم ....دا غير أن الشكمان بيولد أشعاع حرارى بيتنقل لجسم العربيه من تحت وكل الصاج بمافيه تنك البنزين ......يعنى العمليه بتبقى أساسا حرارتها عاليه ....ولو موتور الطلمبه يقدر يعمل الموضوع ده ويولد حراره تنتقل للخراطيم بالشكل ده (كان ممكن العزل الكهربى لملفات الموتور أنهار ) وباظ موتور الطلمبه لاقدر الله ......أساسا الموتور بيتم تبريده بالبنزين ....لأن الطلمبه كامله مغموره جوه التنك ....وبتتبرد بالبنزين

ده كوبى لحقت أعمله ساعة ماكنت بأرد عليك.....لأن النت بيفصل عندى.......تقريبا فى مشكله فى خط ال lan

**ابو فرح** · 22-07-2009 12:11 AM

يعنى حضرتك مغيرش المتور اصل العربيه كانت بتدور من اول مره وبعد ما عملت نضافه للطرمبه ابتدت المشكله

**samirayad** · 22-07-2009 12:25 AM

يعنى حضرتك مغيرش المتور اصل العربيه كانت بتدور من اول مره

سبحان الله ...يعنى المفروض نظافة مصفة الطلمبه تحسن أداء دورة البنزين ....بالبلدى كده ....ومعنى أنها كانت بدور من أول مره ....يعنى الضغط على الرشاشات كان مناسب لحالة الرشاشات .....ولما نظفنا الطلمبه وأبتدأت تسحب بنزين أكتر .....الضغط بتاع البنزين زاد على الرشاشات .....آه .....كده حنشك فى الرشاشات فعلا ......وكده مطلوب منك تكشف على البوجيهات ....لو كانت مهببه ....يبقى تحسين حالة الطلمبه .....أظهر عيب تلييك أو تسييل بالرشاشات .....وبكده البوجيهات حتهبب ...أعتقد هو ده السبب فى تأخير الدواره اللى أستجد عندك

وبعد ما عملت نضافه للطرمبه ابتدت المشكله

بس أكيد سحب العربيه أتحسن معاك بعد نظافة الطلمبه مباشرة ....بس بعد كده ممكن يقل مع تهبيب البوجيهات ....وهو ده حيكون سبب تأخير الدواره ....لو كان توقعى سليم ..........تمام كده

**zaza2002** · 22-07-2009 12:56 PM

كان عندى نفس المشكله وغيرت الطرمبه(جبت طرمبه المفروض انها كورى ب 260جنيه ) وكله بقى تمام بس العيب الوحيد ان مؤشر البنزين بقى مش مظبوط

**ahmedhilmy** · 22-07-2009 01:11 PM

يا جماعة معلش هو لما تكون الطلمبة بايظة لازم اغيرها كلها اللي 650 جنيه مينفعش القصة بتاعة تغيير الموتور لاني في ناس كتير زملا هنا غيروا الموتور بس ب 200 جنيه تقريبا و كله بقي تمام
سؤالي باختصار امتي اغير الطلمبة يالكامل و امتي اغير الموتور بس ؟ الحاجة التانية انا عارف ان الطلمبة عندي تعبانة لان سحب العربية ضعيف شوية و الطلمبة فيها زنة لازم اجري اغيرها و لا اسبها لما تقطع خالص خاصة ا ان الاخوة الميكانيكية قالولي طالما مشية سبها.

الموضوع: طرمبه البنزين...

LinkBack

أدوات الموضوع

عرض

طرمبه البنزين... - انشر الموضوع فى :

-

-

-

المواضيع المتشابهه

طرمبه البنزين

طرمبه البنزين لنسان صني2007

طرمبه البنزين

من 2009 فلتر البنزين جوه طرمبه البنزين

طرمبه البنزين

الكلمات الدلالية لهذا الموضوع

المفضلات

المفضلات

ضوابط المشاركة