عاوز الطريق من الاسماعيلية حتى عمارات الضباط بعد سجن طرة بحلوان لو سمح وقتكم انا سمعت انى لازم اخد الدائرى والاتوستراد بس مش عارف ازاى بالضبط
وجزاكم الله خيرا
عاوز الطريق من الاسماعيلية حتى عمارات الضباط بعد سجن طرة بحلوان لو سمح وقتكم انا سمعت انى لازم اخد الدائرى والاتوستراد بس مش عارف ازاى بالضبط
وجزاكم الله خيرا
بص وانت جاى من طريق الاسماعيليه الصحرواى بعد سوق العبور هتلاقى الدائرى اطلعه بس اتجاه المعادى عكس اتجاه الطريق الزراعى
هاتمشى حوالى من 15 الى 20 كم تقريبا هاتلاقى نزله الاوتوستراد من هنا بص فى الخريطه دى
http://www6.0zz0.com/2009/07/22/07/230841067.jpg
هتلاقى نزله على اليمين بتلف للاتجاه الاخر مكتوب عليها اتجاه حلوان وصقر قريش وتمشى الى رابع مدخل على اليمين تقريبا كده 2كم هتلاقى سور سجن طره على شمالك ومساكن الظباط على يمينك
اشكرك على تطوعك بوقتك الثمين من أجل مساعدة اناس لاتعرفهم حتى الان
وأن دل ذلك على شئ فإنما يدل على عظيم كرمك ونبل اخلاقك
وانما يسمو هذا المنتدى وتكبر قيمته بوجود مثلك فيه .. جزاك الله خيرا
الطريقة الأولى
صعبة سيبك منها .. بس شرحتهالك للعلم فقط
احاول اشرحلك تعمل اية .... حضرتك طبعا هتاخد طريق مصر اسماعلية كلة لغاية ما توصل عند موقف العاشر ... هتفضل برضوا مكمل على طول لغاية ما يقابلك كوبرى قدامك حاجة من اتنين .... ارجوك ركز معايا قوى على قد ما تقدر ..... اما تطلع الكوبرى وتلاقى نفسك فى مصر الجديدة وتكون جنب السندباد وبرضوا هتفضل مكمل على طول فى نفس الأتجاة لغاية ما يقابلك u تيرن عند سور نادى الكلية الحربية تفضل ماشى مع السور وبعدين تدخل اول تقاطع يمين ... انت كده بقيت فى صلاح سالم... هتفضل واخد الطريق طوالى برضوا من صلاح سالم لغاية يعنى خليك من فوق اى كوبرى يقابلك اطلعة من الآخر خليلك ماسك شمالك على طول ... لغاية ما توصل للعباسة وبعدها هتلاقى مسجد الشرطة على يمينك وبعدية على طول تقدر تختار اما تخل اوتوستراد من كوبرى السيدة عائشة ... وطبعا ما انصحكش بكدة عشان بتكون زحمة... او تنزل تحت كوبرى السيدة عائشة وتدخل الصينية وتدخل من جوة المدافن وهتلاقى نفسك على الأتوستراد هتفضل مكمل على طول لغاية المعادى وبعدها هتلاقى عمارات الشرطة على يمينك
بص انا عارف انك توهت منى فى طريقة اسهل بكتير رررررررررررررررررر
الطريقة التانية
هتفضل مكمل فى طريق مصر اسماعلية وعند وصولك لموقف العاشر اللى قولتلك علية فى اول الكلام ... فاكر الكوبرى ... متطلاعوش المره دى انزل من تحتية ولف من تحت الكوبرى هتلاقى نفسك راجع تانى ... كويس لغاية دلوقتى... ادخل بقى من اول فتحة تقابلك على اليمين ... يعنى ادخل جوة موقف الميكروباصات اللى هايقابلك اللى هو موقف العاشر... بعد دخولك الموقف هتلاقى داخلة للدائرى ... انزلها ... انت كده على اول الدائرى فى اتجاة حلوان طبعا هتفضل واخد الدائرى على طول عدل لغاية ما تعدى كارفور هتلاقى فى علامات وبتقولك اتجاة المعادى طبعا هتخرج من المخرج ده وتفضل ماشى مع الطريق المخرج هيسلملك لكوبرى علوى اطلعة عشان هو ده اتجاة حلوان ... بعد ما تننزل من الكوبرى خليك ماشى على طول بالظبط من 5 دقايق او 7 دقايق تلاقى نفسك جنب عمارا ت الشرطة اللى عند سجن طرة
انا من امبارح والله وانا بحاول اساعدك بس كان عندى مشكلة فى النت وكان بيقطع كل شوية يارب مكونش اتاخرت عليك