عرض للطباعة
يا جماعة انا عندى مشكلة فى فتيس الاوبل وهى ان الفتيس بيزعق فى الغيار الاول لما بكون بنزل بنقلات عكسى المهم كلمت الميكانيكى وقلى عيب غوايش و ممكن تتغير وهيبقى زى الفل المهم انا ليا كام سؤال كدة:
1- انا لو غيرت الغوايش دى الفتيس هيرجع زى الاول ولا لا
2- تكلفة تغير الغويشة بتاعت الغيار الاول
3- تنصحونى اغير الغوايش ولا اية
انا لو منك اغير فتيس احسن واريح دماغي وتقريبا هتلاقيها نفس التكلفة بس اشتري راحتك
لو بيزعق وأنت بتنزل من التانى للأول .....يبقى ممكن يكون عيب فى مجموعة الأول ( الترسين بتوع مرحلة النقل على الأول ).....أو غويشة الأول زى مابيقول الميكانيكى ........ولو على الغويشه فامرها معقول .....والموضوع مش حيكلفك كتير ...........بكتيره 150ج ( غويشه بالمصنعيه ....أن شاء الله )
يعنى رائيك يا استاذ سمير اغير الغوايش ولا اية وهلقى الغوايش الجديدة فين
طالما حتسقط الفتيس للكشف على مكوناته .....يبقى الصح نشوف حالته الأول ..........لو على الغويشه بتاعة الأول والتانى فأمرها سهل ....وحتلاقيها عند بتوع قطع غيار السيارات ....ومعظم فتايس الأوبل زى الدايو بالضبط ......والغويشه دى تمنها حيكون بسيط ....يعنى ممكن تلاقيها ب60 ج مثلا ............لأنك حتغير غويشه واحده من التلاته اللى جوه الفتيس (واحده للأول والتانى - وواحده للتالت والرابع - وواحده للخامس والمرشدير )
http://img43.imageshack.us/img43/7799/43701632.gif على حسب الكلام ....حتبقى أول غويشه بنفسجى شمال بين الأرقام 1 & 2....(وده شكل تقريبى لفتيس 5 سرعات زى اللى عندك وعندنا فى الدايو )
معنى كلامك يا استاذ سمير ان الغويشة بتاعت الاول و التانى واحدة اصل انا عندى مشكلة فى الغيار التانى بردة وهى ان لما السرعة تكون 30 وجيبت التانى بيزعق ولو اقل من 20 مش بيزعق معنى كلام ان لو غيرت الغويشة بتاعت الاول هتتحل مشكلة التانى هى كمان
فعلا غويشة الأول والتانى واحده .....وبكلامك ده .....حتكون هى بس أن شاء الله اللى بايظه .....طالما العيب مشترك كده بين الأول والتانى ......فتوكل على الله وأكشف على الفتيس ......والوضع حيبان معاك .........وغالبا كده هى الغويشه دى بس .....وتغييرها حيعدل نقلة الأول والتانى ......وحيبقى الفتيس تمام بأذن الله .....
الف شكر يا استاذ سمير والله الواحد من غيرك مكنش عارف يعمل اية بس
عندى مشكلتين تانين معلش يا استاذ سمير
1- انا كنت مغير بلية الدبرياش من حوالى شهرين المهم دلوقتى لما باجى ابطل بسمع صوت خبطة جية من الفتيس بس بسيطة جدا ولما بدوس دبرياش وانا ببطل الصوت بيروح
2- عندى اجة فى الدريكسيون لما امسكة واهزة بيجى معايا سنة يمين وبيجرى سنة شمال
الله يخليك ....وعلى فكره أنا بأتعلم كتير من المناقشات دى .....يعنى أخوك على قده برضهاقتباس:
الف شكر يا استاذ سمير والله الواحد من غيرك مكنش عارف يعمل اية بس
الأول قوللى ....قبل ماننسى ونفكر فى الدبرياش والبليه بتاعة الدبرياش .....موضوع الفتيس ده ....كان موجود قبل ماتغير البليه ولا ظهر بعدها ( يعنى ظهر فى الوقت اللى بدأت تحس فيه بموضوع خبطة الدبرياش دى )اقتباس:
1- انا كنت مغير بلية الدبرياش من حوالى شهرين المهم دلوقتى لما باجى ابطل بسمع صوت خبطة جية من الفتيس بس بسيطة جدا ولما بدوس دبرياش وانا ببطل الصوت بيروح
دى بسيطه أن شاء الله ....خللى أى عفشجى يكشفلك على بارات الطرف بالبيض بتاعها .....ويشوف صواميل الرجلاش اللى بنظبط منها الزوايا ....أخبارها أيه ....السن تمام ...أو فيه صاموله مهويه ....دى حتبان مع الكشف على بارات الطرف وبيض الدركسيوناقتباس:
2- عندى اجة فى الدريكسيون لما امسكة واهزة بيجى معايا سنة يمين وبيجرى سنة شمال
طب انا اكتشفت حاجة تانية ان الفتيس لما بدوس على الدبرياش واشيل رجلى بسرعة بسمع صوت نقرة بس بسيطة
وحاجة تانية لما بتكون العربية بردة وادورها بسمع صوت نقر كتير بس الصوت بسيط بيروح لما ادوس دبرياش او لما العربية تسخن
ياريت حد يرد عليا بسرعةاقتباس:
المشاركة الأصلية كتبت بواسطة kimonesta