انا الحكاية دي فعلا محيراني
انا على ما اعرف ان العربيتين دول مشتركين مع بعض في حاجات كتير (معلومة غير مؤكده)
و ان الياريس هي جيل الإيكو الجديد ....
طيب ليه الإيكو فشلت بشكل واضح في حين نجحت الياريس
فرق سوق ولا فرق عربية ؟؟
شكرا
انا الحكاية دي فعلا محيراني
انا على ما اعرف ان العربيتين دول مشتركين مع بعض في حاجات كتير (معلومة غير مؤكده)
و ان الياريس هي جيل الإيكو الجديد ....
طيب ليه الإيكو فشلت بشكل واضح في حين نجحت الياريس
فرق سوق ولا فرق عربية ؟؟
شكرا
فرق شكل
الياريس هي ايكو هاتش باك على حد علمي
علشان التوقيت بتاعها
الثقافة عند الناس ساعتها مكنتش زي دلوقتي
زي الهاتش باك دلوقتي بقه كتير جدا مش زي ايام الأيكو
وطبعا تويوتا كانت معروفة بعربية واحده هيا الكورولا
وبعد كده متعرفشي حاجه
وبالتالي الأيكو كانت شئ غريب ساعتها في السوق المصري
عشان الياريس شكلها مكعبره كده و حاجة تملي العين
و السوق المصري بيشتري العربية بالحجم
عشان الياريس لما نزلوا اعلانتها كانت
--- نفسك فى كورولا بس غالية عليك الان الياريس بموتور كورولا و يابانى 100 فى 100 و بسعر خيالى----
هوبا باعت ع طول !!!!!!!!!!!
انا بالنسبالى كان بيقى الشكل من برة ثم من جوة والايكو مكنتشى حلوة خالص من جوة التابلوة بتاعها تحسه انه ممكن يتفكك فى ايديك فى علشان كدة انا محبتشى الايكو خالص
سؤال كان على بالى من سنيناقتباس:
المشاركة الأصلية كتبت بواسطة ahmed samy
ومفكرتش اطرحه
برافو عليك
سبحان الله
يعنى الفرق مش فرق عربية
طب معلش سؤال كمان
هو التوكيل ايام الايكو ..هو نفسه ايام الياريس
ايوة كان نفس التوكيل
وكان فيها منها سيدان وهاتشباك
نفس التوكيل وغلوه فى الاسعار المبالغ فيها
انا كنت هناك مره ولقيت واحد كان عامل حادثه بالايكو سيدان غيره جنب شمال كامل بدون تصليح رفارف باب مريات الخ الخ دفع على ما اتذكر 25 الف جنيه وطلعت العربيه زى الزفت
ساعتها قلت له لو انت بعتها حوادث ودفعت الفرق ده كنت اشتريت واحده زيرو
ربنا يكفينا شر الطريق
طريقة الدعايه لليارس هي السبب
السوق المصري سوق حجم و موتور
عربية اد الاوتوبيس و 1600 سي سي = دهب
عربية اد العجلة و فيها و فيها و فيها و فيها و فيها و كمان فيها ! = لا شكرا يا عم اجيب لانسر او فرنا اضمن !
--
نفس المبدأ
الانسر البومة , اختها الصغيرة " الكولت " مباعتش بنكلة ! و التوكيل عمل عليها عرض علشان يصفي ... مبعاتش بنكلة برده !
--
و ساعتها كان البي بيشتري عربية .. يا اما كورولا يا اما لانسر يا اما اوبل فكترا ! بس علي كدة !
من الأخر يا أحمد السبب الرئيسى هو الشكل
زى الكرولا العيون و الموديل إللى قبلها و بعدها
اقتباس:
المشاركة الأصلية كتبت بواسطة sharky
قصدك ان العيون مبيعاتها كانت اقل من الاتنين (اللي قبلها و اللي بعدها) ..مش كده
طبعا الشكل رقم واحد وعلوها عن الارض. وانحصار المنافسة فى السيارات اليابانى فى مصر بين التويوتا واللانسر وغلو سعر الكورولا بشكل مبالغ فيه مما جعل اقتناء الياريس مطلب للكثيرين الذين يرغبون فى شراء تويوتا حديثة. السؤال اللى انا عايز اسأله ايه السبب فى الفشل الذريع للافانزا على الرغم انها لما نزلت اتقال ان الماتريكس هتبطل تتباع بسببها وده لم يحدث نهائيا؟
اقتباس:
المشاركة الأصلية كتبت بواسطة mahmoud saloum
رد مقنع جدا الحقيقة مثل ردود باقي الشباب
اما نقطة الأفانزا ..فالأفانزا عربية ظهرت عليها اعراض من ضيق المساحة الداخلية بالعرض و سوء الثبات
ده غير بقى انها مش ياباني و مصنعة لسوق جنوب شرق اسيا الرخيص اساسا وشعور الناس انا ابنه غير شرعية لتويوتا اللي يعرفوها ....
و قوة الماتريكس كمنافس ايضا ...
أشكرك جدا للإفادة
بالظبط كده يا احمداقتباس:
المشاركة الأصلية كتبت بواسطة ahmed samy
نفس فكرة اللانسر المكوة و اللانسر الكريستالة و البومة
انا كنت في الإمارات ايام الأيكو و كانت فاشلة هناك برضه
اعتقد عشان شكل... دا غير التصميم اللي يوحي لك انها هتكفي على وشها لو لمست الفرامل
اليارس اتعمل لها دعايه ملهاش مثيل
الياريس تكنولوجيا جديدة ومختلفة عن الايكو....
هي صحيح مبنية علي الفريم بتاع الايكو...بس مختلفة في الوسع الداخلي وتصميم الخارجي ..وايلي كان يعتبر نقلة تاريخية من الايكو للياريس....
زي ما باقي الاعضاء تفضلوا وقالو...ان موتور الياريس ودة لاول مرة يبقي نفس موتور الكورولا ايلي بتتباع معاها في نفس الوقت...وبحسبة السعر مقابل الاداء ...كانت الياريس هي الصفقة الرابحة....اية ايلي يخلي واحد يدفع 17 الف جنية زيادة...وبعد شوية بقوا 25 الف جنية ...
الامر الثاني ...انها ياباني 100% وتعتبر اخر ما تبقي من ريحة مصانع اليابان...ضمانها من تويوتا 3 سنين او 100 الف كم ....وما كنش في منافس بيقدم ضمان زي دة....دة غير سمعة توكيل تويوتا وجودة خدمتة.....
وعلي فكرة الايكو...وايلي لم تلاقي اي نجاح في مصر....منتشرة بشكل غريب جدااااااا في عُمان....ومناطق حارة جداا وجبلية...
هي بس في وقتها كانت طفرة في الشكل....+ الموتور ما كانش بالقوة المتاحة حاليا في الياريس...
تعرف انا دايما بحس بالعار لما اشوف الايكو وافتكر ان دى الجيل القديم بتاع الياريس .. انا من رأى ان الياريس شكلها افخم واحدث وعائلية ثم تعتبر الياريس حلت مكان الكورولا الشكل القديم ال 1300 سى سى .فهى كانت نفس الفئة السعريه
لكن دلوقتى الكورولا ال 1300 سى سى اعتقد مش بتتباع خالص لان الفرق بينها وبين 1600 مش كتير
فاصبح الناس يتجهوا نحو 1300 ياريس 1600 كورولا ... بعد ما كانت كورولا مستحوذه على 1600 و 1300
لأ طبعا فرق عربيه وحجماقتباس:
المشاركة الأصلية كتبت بواسطة ahmed samy
الإيكو شكلها غبى جدا جدا
الياريس شكلها أفضل بكتير
برضة عشان الشكلاقتباس:
المشاركة الأصلية كتبت بواسطة mahmoud saloum
الأفانزا شكلها غبى جدا
وعموما أشكال عربيات تويوتا مبتبقاش حلوه
يعنى الكورولا القديمه ملهاش ملامح
الكورولا الجديده شكلها مش حلو
الياريس أهو على ما تفرج
الأفانزا زى ما أنت شايف اللى صممها كان مسطول
عموما التصميمات والأشكال عليك وعلى أوروبا
ولو عربيه آسيويه شكلها حلو حتلاقى مصممها أوروبى زى النيو سيراتو
اقتباس:
المشاركة الأصلية كتبت بواسطة محمد ابراهيم 1
ههههه
هو تقريبا كان تحت التمرين المهم يطلع عربية تمشي
كنت هاقولها فعلا لأن التصميم أوروبي جدااقتباس:
ولو عربيه آسيويه شكلها حلو حتلاقى مصممها أوروبى زى النيو سيراتو
ليه الهوندا تصممها حلو ومش أوروبياقتباس:
المشاركة الأصلية كتبت بواسطة محمد ابراهيم 1
والمازدا كمان
إنتوا ناسيين كمان الـترسيل برضه ماكانش ليها سوق خالص وماباعتش خالص برضه برغم إن الدعاية بتاعتها كانت برضه بتقول إنها كورولا بشكل آخر ونفس إسلوب تصميم التابلوه اللى عداداته في المنتصف
وأعتقد إن الشكل عليه العامل الأساسي في نجاح الياريس اللى شكلها مقبول وجميل في رأيي عن اللى قبليها اللى أنا كنت أراهم مثال للقبح .. لأن الجودة أعتقد كانت كويسة برضه في اللى قبليها
وعموما أنا بكره شكل كل موديلات التويوتا عدا حاجات إستثنائية زي موديل الكامري القديم والكريسيدا بتاع التسعينات
وفى الخليج برضه سوقهم ماكنش ماشى خالص ياترى ليه؟
رغم ان الموديلات دى باعت اضعاف اللى باعته فى مصر!!!
السبب هو ضيق مساحه الصلون فى الايكو والتيرسل وضيق حجم الشنطه ده موش كفايه عشان ماتبعش خصوصا ان فيه شركات بتجيبها للمهندسين وكفايه انها رخيصه ويابانى
امال ايه كمان ؟
التيرسل كان فيها عيوب فى الموتور وناس كتير اشتكت منها وكان سحبها ضعيف
ولما نزلت الايكو الناس خافت منها لانها التعديل بتاعة التيرسل وموش مضمونه ولسه ماحدش يعرفها وكان سعرها مبالغ فيه
وكمان بها عيوب ميكانيكيه حسب ما علمت من اصدقائى اللى يملكوها
لكن اليارس شكل عصرى وكل الكماليات وايرباج ودعاية جامده ( بس السعر مبالغ فيه ايضا)
ده طبعا غير اللى قالوه الاخوه الافاضل عن السوق عندنا وعقليه الزبون المصرى واللى نعرفه احسن من اللى مانعرفوش