الموضوع: إتاحة نقل المشتركين بين شركات المحمول بنفس الأرقام في يناير

انا شايف ان اتصالات عملت هيصة كبيرة و الناس اتشدت ليها و بعد تشغيلها كان اداءها اقل بكتير من الضجة الاعلامية اللي صاحبت افتتاحها

وجودة الخدمة في اتصالات و لا شك لا زالت اقل من فودافون

وبالنسبة لفودافون معلش بقى انا شايف ان مستوى خدمة العملاء اعلي بكتير من موبينيل ودة مش من النهاردة انما من يوم ما ابتدوا, وكان ليا واحد صاحبي شغال في موبينيل مشرف قسم خدمة العملاء كان بيعاني من ان موبينيل كان معاملة العميل فيها زفت و مسئولي خدمة العملاء و المشرفين بيتأمروا عالعملاء لأنهم واخدين على انهم كانوا شركة واحدة بدون منافس من اول ما ابتدوا

اما فودافون يكفي اقولكم ان انا باخد منهم دقايق مجانية و عروض تجنن و معمول عميل مميز عندهم )Vodafone One) و دة بيديني مميزات كتير منهم مثلا خصومات عالموبايلات و الخدمات و باخد فواتورة مفصلة مجاناً لما اطلبها و باخد نقط Points على كل فاتورة بادفعها نقطة و نص على كل جنية و بالنقط دي اخد ارقام مميزة و موبايلات و عروض Bundels واختار هدايا من مجموعه ( IPod, ساعات, خطوط بارقام مميزة, ثلاجه رحلات, .....) ومش بس كدة عندهم ميزة كويسة قوي بتنفعني ان اقدر من ال ويب سايت بتاع فودافون مصر اشوف حسابي و الفاتورة المفصلة احملها في ملف اكسيل و افصل قيمة المكالمات الدولية بأرقامها ابعتها للشركة بتاعتي تدفع ال Business Calls و ادفع فاتورتي بالفيزا و اشوف النقط اللي في حسابي و استبدلهم بهدايا

ولما بيكون عندي اي شكوى اقدر اكلم قسم شكاوي العملاء و بصراحه بابقى شايط جدا من اي مشكلة و باطرقعلهم و دايما بيصالحوني و يحللولي مشكلتي و يدوني ساعات مجانية عالفواتير لما مثلا اشتكيت ان الدولي قطع عندي لوحدة و مندوب خدمة العملاء قاللي حضرتك لازم تدفع تأمين الف جنية و كنت دافعة من زمان وكان الدولي شغال شهور وشهور, مسئول شكاوي العملاء اداني 3 ساعات مكالمات مجانية كل شهر لمدة 3 شهور و شفتهم بعيني في كل فاتورة تفصيلية, غير ان لي نمرة اتصل بيها مجانا بدون اي فلوس, نمرة لمدام طبعاً